დიმიტრი ხუნდაძე: საჭიროდ ჩავთვალეთ, კულისები უფრო მეტად გაგვეხსნა, საზოგადოებას ჰქონდეს უფრო მეტი ინფორმაცია, რომ ჩვენ მათთან ერთად დავაზღვიოთ ის რეალური და სახიფათო რისკები, რაც ჯერ კიდევ არსებობს

კელი დეგნანის კეზერაშვილის ტელევიზიიდან ჩვენ მიერ დასმულ კითხვებზე ამდაგვარი პასუხებიდან გამომდინარე, საჭიროდ ჩავთვალეთ, რომ კულისები უფრო მეტად გაგვეხსნა, რომ საზოგადოებას ჰქონდეს უფრო მეტი ინფორმაცია, რომ ჩვენ მათთან ერთად დავაზღვიოთ ის რეალური და სახიფათო რისკები რაც ჯერ კიდევ არსებობს და ასევე ის, რომ ქვეყანა არ იმართებოდეს იძულების გზით კელი დეგნანის ან ნებისმიერი საელჩოს მხრიდან, - ამის შესახებ დამოუკიდებელმა დეპუტატმა, დიმიტრი ხუნდაძემ ჟურნალისტებს განუცხადა.

მისი თქმით, ხელისუფლების წყარო არის ხალხი და არა საელჩო.

ჩვენ გვინდა რეალური დამოუკიდებლობა და არა სახელ დამოკიდებულება, რაც უკვე წარსულში გვაქვს ნანახი. ჩვენ არ ვაპირებთ არც წარსულში დაბრუნებას და არც ახალი უფროსი ძნის ძიებას. ჩვენ გვინდა პარტნიორული ურთიერთობა და ის, რომ ქვეყანაში ხელისუფლება იცვლებოდეს მხოლოდ და მხოლოდ ხალხის მხრიდან არჩევნების გზით. ხელისუფლების წყარო არის ხალხი და არა საელჩო. ჩვენ გვინდა, რომ რეალური რისკები იყოს თავიდან აცილებული, ამაში ჩვენ ხელს ვერავინ შეგვიშლის“, - განაცხადა დიმიტრი ხუნდაძემ.

საზოგადოებრივი მოძრაობა „ხალხის ძალას“ მიერ დღეს გავრცელებულ განცხადებას გაეცანით ამ ბმულზე.

8 აგვისტოს ტელეკომპანია „ფორმულამ“ აშშ-ის ელჩთან, კელი დეგნანთან ჩაწერილი ინტერვიუ გამოაქვეყნა. დიპლომატმა ქვეყანაში მიმდინარე პოლიტიკურ პროცესებზე ისაუბრა.