07 სექტემბერი 2022, 14:20 / სანდო წყარო

ასოცირების საბჭო: ევროკავშირი მხარს დაუჭერს საქართველოს შეთანხმებული ამოცანებისა და პრიორიტეტების განხორციელების პროცესში

საქართველოს მთავრობის ადმინისტრაცია ავრცელებს ასოცირების საბჭოს სხდომის ერთობლივ პრესრელიზს, რომელშიც აღნიშნულია, რომ ასოცირების საბჭომ ხაზი გაუსვა 2022 წლის 23 ივნისის ევროპული საბჭოს გადაწყვეტილების ისტორიულ მნიშვნელობას, რომელმაც საქართველოს ევროპული პერსპექტივა აღიარა.

დოკუმენტში ასევე ხაზგასმულია, რომ ასოცირების საბჭომ განმეორებით დაადასტურა ვალდებულება, კიდევ უფრო გააძლიეროს საქართველო-ევროკავშირის ურთიერთობები.

ამასთან, პრესრელიზში ნათქვამია, რომ ევროკავშირმა აღიარა საქართველო, როგორც ერთ-ერთი მთავარი პარტნიორი რეგიონში და ხაზი გაუსვა საქართველო-ევროკავშირის თანამშრომლობის მნიშვნელობას საგარეო და უსაფრთხოების პოლიტიკის სფეროში.

„2022 წლის 6 სექტემბერს, ქ. ბრიუსელში, საქართველოსა და ევროკავშირს შორის ასოცირების საბჭოს მე-7 სხდომა გაიმართა. ასოცირების საბჭომ ხაზი გაუსვა 2022 წლის 23 ივნისის ევროპული საბჭოს გადაწყვეტილების ისტორიულ მნიშვნელობას, რომელმაც საქართველოს ევროპული პერსპექტივა აღიარა. მონაწილეებმა ხაზი გაუსვეს ევროპული საბჭოს მზაობას, საქართველოს მიანიჭოს კანდიდატის სტატუსი, როგორც კი ის შეასრულებს ევროკომისიის მოსაზრებაში განსაზღვრულ პრიორიტეტებს. საქართველოს და მისი მოქალაქეების მომავალი ევროკავშირშია. ამ კონტექსტში, ევროკავშირი მიესალმა საქართველოს პარლამენტში დაწყებულ მუშაობას და მოუწოდა მმართველ პარტიას, რომ სამოქალაქო საზოგადოებისა და საპარლამენტო ოპოზიციური ჯგუფების წარმომადგენლებთან ერთად ჩაერთოს ინკლუზიურ პროცესში. ევროკავშირმა ქართულ პოლიტიკურ ძალებს მოუწოდა გაერთიანებისკენ, ერთობლივი მუშაობისა და თანამშრომლობისკენ აღნიშნული პრიორიტეტების შესრულების მიზნით, რაც უმნიშვნელოვანეს ამოცანას წარმოადგენს. ევროკავშირმა ხაზი გაუსვა, რომ საქართველოს ევროპული გზა დამსახურებაზე დაფუძნებული პროცესია. ევროკავშირი მზადაა, გამოიყენოს ყველა ინსტრუმენტი მის მხარდასაჭერად. ასოცირების საბჭო მიესალმა საქართველო-ევროკავშირის 2021-2027 წწ. ასოცირების განახლებული დღის წესრიგის დამტკიცებას. დოკუმენტი მოიცავს ერთობლივად შეთანხმებულ პრიორიტეტებს, რომელთა მიზანია ასოცირების შეთანხმების განხორციელების ხელშეწყობა, ღრმა და ყოვლისმომცველი თავისუფალი ვაჭრობის სივრცის ჩათვლით. ევროკავშირმა და საქართველომ კიდევ ერთხელ დაადასტურეს უწყვეტი ვალდებულება, ხელშესახები სარგებელი მოუტანონ საქართველოს მოქალაქეებს თანამშრომლობის ძირითად სფეროებში. ევროკავშირი მხარს დაუჭერს საქართველოს შეთანხმებული ამოცანებისა და პრიორიტეტების განხორციელების პროცესში. ასოცირების საბჭომ განმეორებით დაადასტურა ვალდებულება, კიდევ უფრო გააძლიეროს საქართველო-ევროკავშირის ურთიერთობები, მათ შორის ასოცირების შეთანხმების პოტენციალის, ღრმა და ყოვლისმომცველი თავისუფალი ვაჭრობის სივრცესთან ერთად, სრულად ათვისების გზით. ასოცირების საბჭომ აღნიშნა, რომ ასოცირების შეთანხმებისა და მისი ღრმა და ყოვლისმომცველი თავისუფალი ვაჭრობის სივრცის კომპონენტის ეფექტიანი განხორციელება, რაც უკავშირდება რეგულაციური დაახლოებისა და მასთან დაკავშირებული აუცილებელი რეფორმების უფრო ფართო პროცესს, ხელს უწყობს ევროკავშირთან გაძლიერებული ეკონომიკური და სავაჭრო ურთიერთობებისთვის შესაბამისი პირობების შექმნას, რითაც განაპირობებს საქართველოს შემდგომ ეტაპობრივ ეკონომიკურ ინტეგრაციას ევროკავშირის შიდა ბაზარზე, როგორც ეს გათვალისწინებულია ასოცირების შესახებ შეთანხმებით. ევროკავშირი მიესალმა საქართველოს მიერ მთელი რიგი რთული რეფორმების გატარებას და ბევრ დარგში საკუთარი კანონმდებლობის ევროკავშირის კანონმდებლობასთან წარმატებულ დაახლოებას. თუმცა, ევროკავშირმა მნიშვნელოვანი შეშფოთება გამოხატა რამდენიმე საკვანძო მიმართულებით 2021 წელს არსებითი პროგრესის ნაკლებობასა და ნეგატიურ განვითარებებთან დაკავშირებით. ევროკავშირმა მოუწოდა საქართველოს, გააორმაგოს ძალისხმევა დემოკრატიის შემდგომი კონსოლიდაციისა და პოლიტიკური პოლარიზაციის შემცირების, კანონის უზენაესობის, სასამართლო სისტემის დამოუკიდებლობის, მიუკერძოებლობისა და ანგარიშვალდებულებისა და კორუფციის წინააღმდეგ ბრძოლის გაძლიერების მიზნით. ევროკავშირმა მოუწოდა საქართველოს კიდევ უფრო გაზარდოს ადამიანის უფლებებისა და ფუნდამენტური თავისუფლებების პატივისცემა, მათ შორის გენდერული თანასწორობა და სოციალურ, პოლიტიკურ და ეკონომიკურ ცხოვრებაში უზრუნველყოს თანაბარი მოპყრობა მამაკაცებსა და ქალებისადმი, ასევე უმცირესობებს მიკუთვნილი პირების მიმართ განურჩევლად რელიგიისა თუ რწმენისა, რასისა, ეთნიკური თუ ეროვნული წარმოშობისა, სქესისა, ენისა, სექსუალური ორიენტაციისა, გენდერული იდენტობისა, შესაძლებლობისა და სხვა, ასევე, ხაზი გაუსვა მედიის თავისუფლებისა და სამოქალაქო საზოგადოების ჩართულობის მნიშვნელობას. დემოკრატია, კანონის უზენაესობა და ადამიანის უფლებები ძირეული პრიორიტეტებია, რომლებიც ევროპულ გზაზე საქართველოს წინსვლას განსაზღვრავს. ასოცირების საბჭო მიესალმა პროგრესს ადამიანის უფლებათა 2022-2030 წწ. სტრატეგიის შემუშავების პროცესში. ევროკავშირმა განმეორებით აღნიშნა, რომ საქართველოს პარლამენტში დაგეგმილი დისკუსიები ქმნის კარგ შესაძლებლობას ინკლუზიური მიდგომისათვის და ყველა ძირითად აქტორთან სათანადო კონსულტაციების საწარმოებლად. ასოცირების საბჭომ განმეორებით აღნიშნა, რომ სასამართლოს დამოუკიდებლობის უმაღლესი სტანდარტების, სამართლიანი სასამართლოს უფლება და კანონის უზენაესობის მხარდაჭერა საქართველოს ძირეულ ვალდებულებებს წარმოადგენს საქართველო-ევროკავშირის ასოცირების შეთანხმების ფარგლებში. ევროკავშირმა მოუწოდა საქართველოს ეფექტიანად უზრუნველყოს სასამართლო და პროკურატურის ორგანოების დამოუკიდებლობა, მიუკერძოებლობა და ანგარიშვალდებულება და მიიღოს და განახორციელოს მართლმსაჯულების 2021 წლის შემდგომი ამბიციური რეფორმის სტრატეგია, რომელიც დაფუძნებული იქნება ფართო, ინკლუზიური და პარტიათშორისი კონსულტაციების პროცესზე, ევროპული სტანდარტებისა და ვენეციის კომისიის რეკომენდაციების შესაბამისად. ევროკავშირმა ხაზი გაუსვა, რომ საჭიროა, 2021 წლის 5 ივლისის თბილისი პრაიდის მარშის კონტექსტში, მედია-პროფესიონალების წინააღმდეგ ძალადობის ეფექტიანი და ეფექტური გამოძიების უზრუნველყოფა და პრევენციული ზომების გაძლიერება. ევროკავშირმა მოუწოდა საქართველოს ყველა დამნაშავის მართლმსაჯულებისთვის გადაცემისკენ და ამავდროულად, აღნიშნა ამ მიმართულებით გადადგმული ნაბიჯები. ევროკავშირი მიესალმა, რომ 2022 წელს თბილისი პრაიდთან დაკავშირებულმა ღონისძიებებმა მშვიდობიან გარემოში ჩაიარა. ევროკავშირმა დაადასტურა მტკიცე მხარდაჭერა საქართველოს სუვერენიტეტისა და ტერიტორიული მთლიანობისადმი მის საერთაშორისოდ აღიარებულ საზღვრებში. ასოცირების საბჭომ კვლავ დაადასტურა მტკიცე ვალდებულება საქართველოში კონფლიქტის გადაჭრისადმი, ყოვლისმომცველი მიდგომის ფარგლებში, მათ შორის არაღიარებისა და ჩართულობის შესახებ ევროკავშირის პოლიტიკისა და ქალების, მშვიდობისა და უსაფრთხოების დღის წესრიგზე სათანადო ყურადღების გამახვილების ჩათვლით. ასოცირების საბჭომ ხაზი გაუსვა ჟენევის საერთაშორისო დისკუსიებისა და ინციდენტების პრევენციისა და მათზე რეაგირების მექანიზმების კრიტიკულ მნიშვნელობას რუსეთსა და საქართველოს შორის 2008 წლის აგვისტოს კონფლიქტიდან გამომდინარე გამოწვევებზე მუშაობისა და მათი გადაწყვეტის თვალსაზრისით. ევროკავშირმა და საქართველომ დაგმეს რუსეთის ფედერაციასა და საქართველოს აფხაზეთის რეგიონს, ასევე ცხინვალის რეგიონს/სამხრეთ ოსეთს შორის გაფორმებული ინტეგრაციის ე.წ. „ხელშეკრულებების“ შემდგომი განხორციელება და რუსეთის სხვა უკანონო ქმედებები ამ რეგიონებში, მათ შორის მილიტარიზაციის გაძლიერება და ადმინისტრაციული გამყოფი ხაზების გასწვრივ მავთულხლართების აღმართვა, რომლებიც არღვევს საქართველოს სუვერენიტეტსა და ტერიტორიულ მთლიანობას. ასოცირების საბჭომ შეშფოთება გამოთქვა საქართველოს აფხაზეთის რეგიონსა და ცხინვალის რეგიონში/სამხრეთ ოსეთში ადამიანის უფლებათა კუთხით არსებულ მძიმე ვითარებაზე, განსაკუთრებით თვითნებურ დაკავებებზე, თავისუფალი გადაადგილების უფლების შეზღუდვაზე, საკუთრების უფლებისა და მშობლიურ ენაზე სწავლის უფლების დარღვევაზე, ეთნიკური ნიშნით ქართველების დისკრიმინაციასა და საქართველოს მოქალაქეების სიცოცხლის მოსპობის ფაქტების კუთხით დაუსჯელობაზე. ასოცირების საბჭომ ხაზი გაუსვა შესაბამისი საერთაშორისო ორგანიზაციების ჰუმანიტარული და ადამიანის უფლებების მექანიზმებისთვის, ასევე ევროკავშირის სადამკვირვებლო მისიისთვის შეუფერხებელი წვდომის უზრუნველყოფას საქართველოს აღნიშნულ ორივე რეგიონში. ასოცირების საბჭომ ხაზგასმით აღნიშნა გამყოფ ხაზების ორივე მხარეს ხალხთაშორისი კონტაქტებისა და ნდობის აღდგენისკენ მიმართული ზომების მხარდაჭერის მნიშვნელობა. ასოცირების საბჭომ განმეორებით აღნიშნა ადამიანის უფლებათა ევროპული სასამართლოს გადაწყვეტილება 2008 წლის აგვისტოს საქართველოსა და რუსეთის ფედერაციას შორის შეიარაღებულ კონფლიქტსა და მის შედეგებთან დაკავშირებით, რომელმაც დაადგინა, რომ 2008 წლის 12 აგვისტოს შემდეგ რუსეთის ფედერაციამ, ახორციელებს რა ეფექტურ კონტროლს საქართველოს აფხაზეთის რეგიონსა და ცხინვალის რეგიონზე/სამხრეთ ოსეთზე, დაარღვია ადამიანის უფლებათა ევროპული კონვენციის რიგი დებულებებისა. ასოცირების საბჭომ განმეორებით დაადასტურა რუსეთის ფედერაციის ვალდებულება, შეასრულოს 2008 წლის 12 აგვისტოს ევროკავშირის შუამავლობით მიღწეული ცეცხლის შეწყვეტის შესახებ შეთანხმება და გამოხატა მოლოდინი, რომ რუსეთის ფედერაციამ უნდა გაიყვანოს თავისი სამხედრო ძალები საქართველოს ტერიტორიიდან და დაუშვას უსაფრთხოების საერთაშორისო მექანიზმების შექმნა ადგილზე. საბჭომ ხაზი გაუსვა იძულებით გადაადგილებულ პირთა და ლტოლვილთა მუდმივ საცხოვრებელ ადგილებში უსაფრთხო და ღირსეული დაბრუნების ვალდებულებას. ასოცირების საბჭომ უძლიერესი ფორმით დაგმო რუსეთის არაპროვოცირებული და გაუმართლებელი აგრესიული ომი უკრაინაში და გამოთქვა თანხმობა, გააგრძელოს თანამშრომლობა საერთაშორისო ფორმატში რუსეთის პასუხისგებისთვის. საქართველომ განმეორებით აღნიშნა ვალდებულება, რომ გააგრძელოს მაქსიმალური ძალისხმევა სანქციებისგან თავის არიდების აღსაკვეთად. ევროკავშირმა და საქართველომ აიღეს ვალდებულება, საქართველო-ევროკავშირის უსაფრთხოების სფეროში თანამშრომლობის მიზნების შესაბამისად, გააგრძელონ მჭიდრო თანამშრომლობა საქართველოს საერთო მედეგობის გასაძლიერებლად. ევროკავშირმა განმეორებით დაადასტურა საქართველოსადმი მხარდაჭერა ჰიბრიდული და კიბერ საფრთხეების წინააღმდეგ ბრძოლაში და ასევე, შემდგომი ჩართულობა სტრატეგიულ კომუნიკაციებსა და დეზინფორმაციასთან ბრძოლის პროცესში. ამ კონტექსტში, ევროკავშირმა შეშფოთება გამოხატა გაზრდილ ანტი-დასავლურ დეზინფორმაციასა და რიტორიკასთან დაკავშირებით, რომელიც საფრთხეს უქმნის საქართველოს ევროპულ გზას, – გზას, რომელსაც მხარს უჭერს საქართველოს მთავრობა და ქართველი ხალხის უდიდესი უმრავლესობა. ევროკავშირმა აღიარა საქართველო, როგორც ერთ-ერთი მთავარი პარტნიორი რეგიონში და ხაზი გაუსვა საქართველო-ევროკავშირის თანამშრომლობის მნიშვნელობას საგარეო და უსაფრთხოების პოლიტიკის სფეროში. ევროკავშირი მიესალმა საქართველოს მონაწილეობის გაგრძელებას ერთიანი უსაფრთხოებისა და თავდაცვის პოლიტიკის ფარგლებში კრიზისის მართვის ოპერაციებსა და მისიებში, კერძოდ ევროკავშირის სამხედრო წვრთნის მისიაში ცენტრალური აფრიკის რესპუბლიკაში და ევროკავშირის საწვრთნელ მისიაში მალის რესპუბლიკაში. ასოცირების საბჭო მიესალმა კოვიდ-19-ით გამოწვეული ეკონომიკური კრიზისის წარმატებით დაძლევას, რის შედეგადაც 2021 წელს საქართველოს მშპ გაიზარდა 10.4%-ით და ეს პოზიტიური ტენდენცია გაგრძელდა 2022 წლის პირველ თვეებშიც. ასოცირების საბჭომ განმეორებით აღნიშნა ევროკავშირის წვლილი 2020-2021 წწ. საქართველოს მაკროეკონომიკური სტაბილურობასა და საერთო მედეგობაში. ასოცირების საბჭო მიესალმა იმ ფაქტს, რომ ევროკავშირი რჩება საქართველოს უდიდეს სავაჭრო პარტნიორად და რომ ქართული ექსპორტი ევროკავშირში გაიზარდა. ასოცირების საბჭომ ხაზი გაუსვა საერთო ამბიციას, რომ გაიზარდოს საქართველო-ევროკავშირის სავაჭრო ტვირთბრუნვა, მათ შორის სავაჭრო ბარიერების, მიზნობრივად, შემდგომი გაუქმების გზით. ასოცირების საბჭო მიესალმა საქართველოს მიერ სახელმწიფო შესყიდვების საგზაო რუკის პირველი ფაზით განსაზღვრული მოთხოვნების შესრულებას, მათ შორის დავების გადაწყვეტის ახალი ორგანოს ჩამოყალიბებას, რამაც შედეგად ბაზარზე გაზრდილი წვდომა მოუტანა მას. ასოცირების საბჭომ ხაზი გაუსვა საქართველოსა და ევროკავშირს შორის დაკავშირებადობის გაზრდის მნიშვნელობასა და საერთო ინტერესს ისეთ ძირითად სფეროებში, როგორიცაა ტრანსპორტი, ენერგეტიკა და ციფრული სექტორი, და განმეორებით აღნიშნა აღმოსავლეთ პარტნიორობის ეკონომიკური და საინვესტიციო გეგმის ფარგლებში შეთანხმებული საფლაგმანო ინიციატივების პოტენციალი. ასოცირების საბჭომ კიდევ ერთხელ გაუსვა ხაზი საქართველოს, როგორც ერთ-ერთი მთავარი პარტნიორის როლს ევროპის ენერგოუსაფრთხოებაში და განსაკუთრებით აღნიშნა ქვეყნის სატრანზიტო ფუნქცია კასპიის ნახშირწყალბადის რესურსების მიწოდებაში სამხრეთის გაზის დერეფნის გავლით. ამ კონტექსტში, ევროკავშირმა განმეორებით დაადასტურა შავი ზღვის მნიშვნელობა. ევროკავშირი მიესალმა საქართველოს ინტერესს ევროს ერთიანი გადახდის სისტემაში გაწევრიანების კუთხით და გამოხატა სურვილი, დაეხმაროს საქართველოს კრიტერიუმების დაკმაყოფილებაში. ევროკავშირი ასევე მიესალმა საქართველოს დაინტერესებას ევროკავშირის ერთიანი ბაზრის პროგრამაში მონაწილეობასთან დაკავშირებით. ასოცირების საბჭო მიესალმა საქართველოს ასოცირებას ევროკავშირის საბაჟო და საგადასახადო (Fiscalis) პროგრამებთან. ევროკავშირი მიესალმა საქართველოს ნაბიჯებს უვიზო მიმოსვლის შეჩერების მექანიზმის ფარგლებში ევროკომისიის მიერ გაცემული რეკომენდაციების შესრულების პროცესში და მოუწოდა მას, გააგრძელოს მუდმივი ძალისხმევა, მათ შორის თავშესაფრის უსაფუძვლო განაცხადების საკითხის გადაჭრისა და ორგანიზებული დანაშაულის წინააღმდეგ ბრძოლის მიმართულებით. ევროკავშირი მიესალმა „საქართველოს მოქალაქეების საქართველოდან დროებითი გასვლის და საქართველოში შემოსვლის წესების შესახებ” საქართველოს კანონში განხორციელებული ცვლილებების აღსრულებას. ასოცირების საბჭომ ხაზი გაუსვა აღმოსავლეთ პარტნიორობის, როგორც რეგიონული ფორმატის, მნიშვნელობას და რეგიონში არსებულ რეალობებთან მისი ადაპტირების საჭიროებას. ევროკავშირმა მადლიერება გამოხატა საქართველოს ძლიერ ჩართულობას „ერასმუს+“, „ჰორიზონტი ევროპის“ და „შემოქმედებითი ევროპის“ პროგრამებში. სხდომას თანა-თავმჯდომარეობდნენ საქართველოს პრემიერ-მინისტრი ირაკლი ღარიბაშვილი და ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ჯოზეფ ბორელი. “, - ნათქვამია განცხადებაში.

ყველა სიახლე

ემანუელ მაკრონი

26 სექტემბერი 2022, 20:32

მსოფლიო

მაკრონი: სომხეთსა და აზერბაიჯანს შორის დიალოგი უნდა აღდგეს

საფრანგეთის პრეზიდენტმა, ემანუელ მაკრონმა განაცხადა, რომ სომხეთსა და აზერბაიჯანს შორის დიალოგი უნდა აღდგეს. „მოლაპარაკებები უნდა განახლდეს“, - განაცხადა მაკრონმა პარიზში სომხეთის პრემიერ-მინისტრ ნიკოლ ფაშინიანთან შეხვედრის წინ.

26 სექტემბერი 2022, 20:30

საზოგადოება

ორბელიანის მოედნის მიმდებარე ტერიტორიაზე გადაადგილება ნაწილობრივ შეიზღუდება

„თბილისობა 2022-ის“ ფარგლებში დაგეგმილ ღონისძიებასთან დაკავშირებით, გრიგოლ ორბელიანის მოედნის მიმდებარე ტერიტორიაზე, 27 სექტემბრის 10:00 საათიდან 3 ოქტომბრის 23:00 საათამდე სატრანსპორტო საშუალებებისთვის გადაადგილება ნაწილობრივ შეიზღუდება, - ამის შესახებ ინფორმაციას თბილისის მერია ავრცელებს.

მაიკ პომპეო

26 სექტემბერი 2022, 20:22

მსოფლიო

მაიკ პომპეო: ვულოცავ ჯორჯია მელონის - იტალიას სჭირდება ძლიერი კონსერვატიული ხელმძღვანელობა

აშშ-ის ყოფილი სახელმწიფო მდივანი, მაიკ პომპეო ჯორჯია მელონის იტალიის ვადამდელ საპარლამენტო არჩევნებში გამარჯვებას ულოცავს.

26 სექტემბერი 2022, 19:59

პოლიტიკა

ანრი ოხანაშვილი საქართველოში გერმანიის ახალდანიშნულ ელჩს შეხვდა

პარლამენტის იურიდიულ საკითხთა კომიტეტის თავმჯდომარე ანრი ოხანაშვილი საქართველოში გერმანიის ფედერაციული რესპუბლიკის ახალდანიშნულ საგანგებო და სრულუფლებიან ელჩს, ერნსტ პეტერ ფიშერს შეხვდა, - ამის შესახებ ინფორმაციას პარლამენტი პრესსამსახური ავრცელებს.

რეჯეფ თაიფ ერდოღანი

26 სექტემბერი 2022, 19:51

მსოფლიო

ერდოღანი: თურქეთი რუსეთისა და უკრაინის პრეზიდენტების შეხვედრის ორგანიზებას მხარს უჭერს

თურქეთის პრეზიდენტმა, რეჯეფ თაიფ ერდოღანმა განაცხადა, რომ თურქეთი რუსეთისა და უკრაინის პრეზიდენტების შეხვედრის ორგანიზებას მხარს უჭერს.

მიხეილ ყაველაშვილი

26 სექტემბერი 2022, 19:41

პოლიტიკა

მიხეილ ყაველაშვილი: დღევანდელ სიტუაციაში, ამის განხორციელება საზღვართან პროვოცირებასa და შუღლს იწვევს. ეს პარტიაც და ორგანიზაციაც მჭიდრო კავშირშია აშშ-ს საელჩოსთან და მოვუწოდებთ მათ, გაემიჯნოს მსგავს ქმედებებს

წერილი, რომელიც საზოგადოებას გავაცანი, მნიშვნელოვანია, რომ ინფორმირებული იყოს ჩვენი საზოგადოება, თუ რა იგეგმება და ვინ გეგმავს ამ ყველაფერს. ,,ევროპული საქართველო“ - ეს არის ერთ-ერთი ფავორიტი ორგანიზაცია აშშ-ს საელჩოში. თითქოს, ისინი გეგმავენ აფხაზეთის ომის თემატიკასთან დაკავშირებით რაღაც ღონისძიებას, მაგრამ კარგად უნდა ხვდებოდეს ჩვენი საზოგადოება, რა მოიაზრება მათ ქმედებაში. ეს არის პროვოცირება, რომ, კიდევ ერთხელ, გამოიწვიონ გაღიზიანება, დაძაბულობა და მოხდეს მეორე ფრონტის გახსნა, – ასე გამოეხმაურა ,,ხალხის ძალის’’ ერთ-ერთი ლიდერი მიხეილ ყაველაშვილი აფხაზეთის ომთან დაკავშირებით დაგეგმილ აქციას.

ვიქტორ ორბანი

26 სექტემბერი 2022, 19:12

მსოფლიო

უნგრეთის პრემიერი: რუსეთის წინააღმდეგ სანქციებმა საპირისპირო შედეგი გამოიღო - ველოდებით პასუხს ბრიუსელისგან

უნგრეთის პრემიერ-მინისტრმა, ვიქტორ ორბანმა განაცხადა, რომ უნგრეთი უნდა მოემზადოს მეზობელ უკრაინაში ხანგრძლივი ომისთვის.

26 სექტემბერი 2022, 18:50

პოლიტიკა

შალვა პაპუაშვილი გერმანიის ახლადდანიშნულ ელჩს შეხვდა

საქართველოს პარლამენტის თავმჯდომარე შალვა პაპუაშვილი გერმანიის ფედერაციული რესპუბლიკის ახლადდანიშნულ საგანგებო და სრულუფლებიან ელჩს პეტერ ფიშერს შეხვდა, - ამის შესახებ ინფორმაციას პარლამენტის პრესსამსახური ავრცელებს. მათივე ინფორმაციით, პარლამენტის თავმჯდომარემ შეხვედრაზე ხაზი გაუსვა, რომ საქართველოსა და გერმანიას ტრადიციულად მტკიცე და მეგობრული ურთიერთობები აკავშირებთ. აღნიშნეს საქართველოსა და გერმანიას შორის დიპლომატიური ურთიერთობების აღდგენიდან 30 წლის იუბილეს მნიშვნელობა.

ვოლოდიმირ ზელენსკი

26 სექტემბერი 2022, 18:46

მსოფლიო

ზელენსკი: ბირთვული იარაღის გამოყენების შესახებ ვლადიმირ პუტინის მუქარა შესაძლოა რეალური იყოს

უკრაინის პრეზიდენტმა, ვოლოდიმირ ზელენსკიმ განაცხადა, რომ ბირთვული იარაღის გამოყენების შესახებ ვლადიმირ პუტინის მუქარა შესაძლოა რეალური იყოს.

ირაკლი ზარქუა

26 სექტემბერი 2022, 18:32

პოლიტიკა

ირაკლი ზარქუა „ნაცმოძრაობაში“ არსებულ დაპირისპირებაზე: ხაბეს ხელი არ მოხვდეს!

უბრალოდ, ერთს ვთხოვდი, რომ ხაბეს ხელი არ მოხვდეს და ბატონ რომანს ზედმეტი შეურაცხყოფა არ მიაყენონ, - ასე გამოეხმაურა პარლამენტის წევრი ირაკლი ზარქუა ,,ერთიან ნაციონალურ მოძრაობაში’’ მომხდარ ჩხუბის ფაქტს. როგორც ირაკლი ზარქუამ აღნიშნა, ნაციონალურ მოძრაობას უკან, ბუმერანგივით დაუბრუნდა, ის რასაცა ამდენი ხნის განმავლობაში ქვეყანას უწყობდნენ.

26 სექტემბერი 2022, 18:24

პოლიტიკა

გარემოს დაცვისა და ბუნებრივი რესურსების კომიტეტში ქიმიური ნივთიერების მართვის შესახებ იმსჯელეს

გარემოს დაცვისა და ბუნებრივი რესურსების კომიტეტში გამართულ შეხვედრაზე ქიმიური ნივთიერების მართვის სფეროში განხორციელებული და მიმდინარე პროექტების შესახებ იმსჯელეს.

გიორგი ამილახვარი

26 სექტემბერი 2022, 18:22

პოლიტიკა

გიორგი ამილახვარი: მიხეილ სააკაშვილის სიტყვას რა პოლიტიკური ფასი აქვს, ეს არაერთხელ გვინახავს

მიხეილ სააკაშვილის სიტყვას როგორ შეიძლება ენდოს ადამიანი და რა პოლიტიკური ფასი აქვს, ეს არაერთხელ გვინახავს. ამას რომ თავი დავანებოთ, მისი ერთადერთი განცხადების შემდეგ, რომ ის დისტანცირდება და ვეღარ ხედავს თავს ქართულ პოლიტიკაში, სწორედ ამის შემდგომ დაიწყო ის პროცესები „ნაციონალურ მოძრაობაში“, რაც ახლა ხდება, - ამის შესახებ საპარლამენტო უმრავლესობის წევრმა გიორგი ამილახვარმა „ქრონიკის“ ეთერში განაცხადა.

არჩილ თალაკვაძე

26 სექტემბერი 2022, 18:21

პოლიტიკა

არჩილ თალაკვაძე: „ნაციონალურ მოძრაობას“ არ ჰყავს ლიდერები, რომლებიც მომავალზე არიან ორიენტირებულები, ეს პარტია ჩამოყალიბდა როგორც დესტრუქციული, ანტისაზოგადოებრივი და ანტიპოლიტიკური მოძრაობა

„ეს არის გავლენების გადანაწილების პროცესი, მინიმუმ სამ პოლიტიკურ ჯგუფს შორის, „ნაციონალური მოძრაობის“ შიგნით. როცა ვამბობთ გავლენას, ამაში იგულისხმება პარტიული ფული და მედია, რომელსაც „ნაციონალური მოძრაობა“ აკონტროლებს. ამ გადანაწილების პროცესის მომსწრეა ჩვენი საზოგადოება. თუ დანაშაული გაქვს ჩადენილი ან უნდა ამოეფარო პარტიას, ან უნდა ამოეფარო მედიას და ჰგონიათ, რომ ასე უფრო დაცულები იქნებიან. არ არის გამორიცხული, რომ კეზერაშვილის საკითხის გააქტიურება ეს არის სწორედ „ნაციონალური მოძრაობის“ შიგნით დაგეგმილი პროცესი და რა თქმა უნდა კეზერაშვილის გადანაწილებაზეც მიდის ამ ჯგუფებს შორის „ბრძოლა“, სინამდვილეში ბრძოლა გავლენებისთვის უკავშირდება პარტიულ ფულს და პარტიულ მედიას“, - განაცხადა თალაკვაძემ.

ვოლოდიმირ ზელენსკი

26 სექტემბერი 2022, 18:19

მსოფლიო

ზელენსკი აცხადებს, რომ ქალაქ იზიუმში კიდევ ორი მასობრივი სამარხი აღმოაჩინეს

უკრაინის პრეზიდენტმა, ვოლოდიმირ ზელენსკიმ განაცხადა, რომ რუსი ოკუპანტებისგან გათავისუფლებულ ქალაქ იზიუმში კიდევ ორი მასობრივი სამარხი აღმოაჩინეს, სადაც ასობით ცხედარია.

გიორგი ამილახვარი

26 სექტემბერი 2022, 18:17

პოლიტიკა

გიორგი ამილახვარი „ნაცმოძრაობაზე“: იმ ძალის ადგილი პოლიტიკაში არ არის, რომელსაც სახელმწიფოს წარმატება არ უნდა

ძალა, რომელსაც არ უნდა სახელმწიფოს წარმატება, მისი ადგილი პოლიტიკაში არ არის. ასეთ ძალასთან ვერც „ქართული ოცნება“ და ვერც ნებისმიერი სხვა ჯანსაღად მოაზროვნე პოლიტიკური ძალა ერთ მაგიდასთან ვერ დაჯდება სახელმწიფოებრივ საკითხებზე სალაპარაკოდ, - განაცხადა საპარლამენტო უმრავლესობის წევრმა, გიორგი ამილახვარმა „ქრონიკასთან“ „ნაციონალური მოძრაობის“ მისამართით.

ჰერმან საბო

26 სექტემბერი 2022, 18:16

პოლიტიკა

ჰერმან საბო: ჩვენ არ გვგონია, რომ რაიმე კანონი უნდა მივიღოთ საერთოს, იქნება ეს კეზერაშვილის თუ ივანიშვილის წინააღმდეგ

შეიძლება კეზერაშვილ ვიღაცები მოსწონდეს ნაციონალურ მოძრაობაში და ფულს აძლევდეს, ან არ მოსწონდეს და არ აძლევდეს და მათი დამოკიდებულება კეზერაშვილის მიმართ ამით იყოს განპირობებული. ზოგადად ამ ოლიგარქიზაციის კუთხით თუ შევხედავთ ამ საკითხს, ჩვენ არ გვგონია, რომ ამ მიმართულებით რაიმე კანონი უნდა მივიღოთ საერთოს, იქნება ეს კეზერაშვილის თუ ივანიშვილის წინააღმდეგ - ამის შესახებ პარტია „გირჩის„ წევრმა ჰერმა საბომ „ქრონიკაში“ ისაუბრა.

ჰერმან საბო

26 სექტემბერი 2022, 18:15

პოლიტიკა

ჰერმან საბო: თუ სააკაშვილი მმართველ ვერტიკალს ჩამოსცილდება, იქ ძალაუფლების გადანაწილება, ერთმანეთთან დაპირისპირება დაიწყება. ამის შემდეგ ხელისუფლებას არანაირი ინტერესი არ რჩება, რომ ის აუცილებლად საქართველოში ჰყავდეს

თუ სააკაშვილი მართლაც გულწრფელი იქნება იმაში, რომ მას სურს პოლიტიკიდან წასვლა, ამის პირდაპირი მაჩვენებელი იქნება „ნაციონალურ მოძრაობაში“ რაღაც ცვლილებები. მათ შორის ის, რომ თუ ის მმართველ ვერტიკალს ჩამოსცილდება, დაიწყება იქ ძალაუფლების გადანაწილება, ერთმანეთთან დაპირისპირება და ამას ვგულისხმობდი, როდესაც ვამბობდი, რომ სააკაშვილმა სერიოზულობა უნდა შესძინოს თავის განაცხადს, - ამის შესახებ „გირჩის“ წევრის, დეპუტატ ჰერმან საბომ „ქრონიკაში“ ჩართვისას განაცხადა.

გიორგი ამილახვარი

26 სექტემბერი 2022, 18:12

პოლიტიკა

გიორგი ამილახვარი: ადამიანი, რომელიც იყო თავდაცვის მინისტრი, ქართულ ჯარს ფული მოჰპარა, გაიტანა ქვეყნიდან, ახლა ცდილობს ამ ფულით კონტროლი მოიპოვოს ოპოზიციურ სპექტრზე, კერძოდ, „ნაციონალურ მოძრაობაზე

ადამიანი, რომელიც იყო თავდაცვის მინისტრი, ქართულ ჯარს ფული მოჰპარა, გაიტანა ქვეყნიდან, ახლა ცდილობს ამ ფულით კონტროლი მოიპოვოს ოპოზიციურ სპექტრზე, კერძოდ, „ნაციონალურ მოძრაობაზე, - ამის შესახებ საპარლამენტო უმრავლესობის წევრმა გიორგი ამილახვარმა „ქრონიკის“ ეთერში განაცხადა.

ჰერმან საბო

26 სექტემბერი 2022, 18:09

პოლიტიკა

ჰერმან საბო: მე მგონი, „ნაციონალურ მოძრაობაში“ ჩვენზე უკეთ აცნობიერებენ, რომ ბუნებრივი დაშლისკენ მიდიან

„კეზერაშვილის წარმოჩენა, ის განხეთქილება, რასაც ახლა ვხედავთ, „ნაციონალური მოძრაობის“ პასიურობა ბოლო პერიოდში - ჩემი აზრით ეს არის წინასამშობიარო ტკივილებივით, იმის რომ როცა სააკაშვილი დამაჯერებლად იტყვის, რომ აღარ აინტერესებს ქართული პოლიტიკა და მზად იქნება გავიდეს ქართული პოლიტიკიდან, [პარტია დაიშლება]. ის თუ როგორ ვითარდება სიტუაცია, პირდაპირ გვაჩვენებს, რომ მიხეილ სააკაშვილის განწყობა პოლიტიკიდან გასვლასთან დაკავშირებით, უფრო და უფრო სერიოზულია. იმიტომ რომ აქამდე „ნაციონალური მოძრაობიდან“ ასეთი ძვრები არ გამოდიოდა. ყოველ შემთხვევაში ახერხებდნენ, შიგნით მოეგვარებინათ. მაგრამ მას მერე, რაც უფრო მეტი დამაჯერებლობა ეძინება სააკაშვილის გადაწყვეტილებას, ეს ურთიერთდაპირისპირება, რომელიც აქამდე შიგნით იხარშებოდა, უფრო მეტად გამოვა გარეთ“, - აცხადებს საბო.

26 სექტემბერი 2022, 18:07

მსოფლიო

აშშ უკრაინას 457 მილიონი დოლარის დახმარების ახალ პაკეტს გამოუყოფს

აშშ-ის ადმინისტრაცია უკრაინას 457 მილიონი დოლარის დახმარების ახალ პაკეტს გამოუყოფს. ინფორმაციას ამის შესახებ სააგენტო Reuters-ი ავრცელებს.