დავით ქართველიშვილი: წლების განმავლობაში ალტერნატიული ინფორმაციის მიღების ველი დესტრუქციული ძალების მიერ დანაღმული იყო ფეიკებით, ცილისწამებით, დეზინფორმაციით და სიცრუით, რაც ქმნიდა ძალიან დიდ დისკომფორტსა და ვაკუუმს

წლების განმავლობაში ალტერნატიული ინფორმაციის მიღების ველი დესტრუქციული ძალების მიერ დანაღმული იყო ფეიკებით, ცილისწამებით, დეზინფორმაციით და სიცრუით, რაც ქმნიდა ძალიან დიდ დისკომფორტსა და ვაკუუმს, - ამის შესახებ ექსპერტმა, დავით ქართველიშვილმა განაცხადა, რომელიც მოძრაობა „ხალხის ძალას“ შეუერთდა.

„უნდა გაჩენილიყო რაღაც საზოგადოებრივი ძალა, რომელიც გაარღვევდა ამ კედელს. მე ჯერ არ მინახავს ბოლო წლებში არც ერთი პოლიტიკური თუ საზოგადოებრივი ძალა, რომელიც პირიქით, ცდილობდეს დასავლური ფასეულობების განმტკიცებას და საქართველოს თავის სტრატეგიულ პარტნიორებთან დახარვეზებული ურთიერთობების ახალ საფეხურზე აყვანას. დემოკრატია გაიგივებულია სიმართლის თქმასთან, ჩვენი საზოგადოება ამას იმსახურებს“, - განაცხადა ქართველიშვილმა.

მოძრაობა „ხალხის ძალას“ კიდევ ხუთი დეპუტატი, ეკა სეფაშვილი, ვიქტორ ჯაფარიძე, დავით კაჭარავა, დაჩი ბერაია და ზაალ მიქელაძე შეუერთდა.