შალვა პაპუაშვილი: ანტიკორუფციული მიმართულებით ცვლილებები წინგადადგმული ნაბიჯია და მისი ბიუროს ხელმძღვანელების არჩევის წესის სტანდარტი შემოთავაზებული და მოწონებულია ევროპის მხრიდან

ანტიკორუფციული მიმართულებით ცვლილებები წინგადადგმული ნაბიჯია იმ თვალსაზრისით, რომ საკითხების კონცენტრირება ერთი ბიუროს ქვეშ ხდება და ახალი ბიურო იქნება, რომელიც სწორედ ყურადღებას მიაქცევს ამ მიმართულებით არსებულ პოლიტიკას, - ამის შესახებ პარლამენტის თავმჯდომარემ შალვა პაპუაშვილმა ჟურნალისტებს განუცხადა.

მისივე თქმით, ბიუროს ხელმძღვანელების არჩევის წესის სტანდარტი შემოთავაზებული და მოწონებულია ევროპის მხრიდან.

„ ანტიკორუფციული მიმართულებით, ცვლილებები წინგადადგმული ნაბიჯია იმ თვალსაზრისით, რომ საკითხების კონცენტრირება ერთი ბიუროს ქვეშ ხდება და ახალი ბიურო იქნება, რომელიც ყურადღებას მიაქცევს სწორედ ამ მიმართულებით არსებულ პოლიტიკას. სხვათა შორის, ეს საერთაშორისო გამოცდილებაა. არის ქვეყნები, რომელთაც სწორედ ასეთი ინსტიტუტები აქვთ და ეს კარგ გამოცდილებად ითვლება. რაც შეეხება ხელმძღვანელების დანიშვნის მოდელს, ყველას შევახსენებ, რომ სახელმწიფო ინსპექტორის გაყოფილ ნაწილებშიც ზუსტად ეს სტანდარტია გატარებული, რომელიც ახლა არის შემოთავაზებული და ზუსტად ეს სტანდარტი მოწონებული იყო ევროპის მხრიდან, რომ ასეთი დაწესებულებების ხელმძღვანელები იყვნენ შერჩეული და დანიშნული. ამიტომ, ეს ის სტანდარტია, რაზეც აქამდე შენიშვნა არავის ჰქონდა და ახლა რატომ უნდა გახდეს შენიშვნის ობიექტი, ცოტა გასაკვირია, თუ ამის უკან რაიმე სუბიექტური ინტერესი არ არის“, - აღნიშნა შალვა პაპუაშვილმა.