ევროპარლამენტარი სალვატორე დე მეო: უკრაინის, მოლდოვასა და საქართველოს მოსახლეობის მომავალი ევროკავშირშია

უკრაინის, მოლდოვასა და საქართველოს მოსახლეობის მომავალი ევროკავშირშია. ამ ქვეყნების მოსახლეობა ამბობს, რომ ისინი პატივს სცემენ ევროპულ ღირებულებებს და მზად არიან დაიცვან საერთო პრინციპები, - ამის შესახებ ევროპარლამენტარმა სალვატორე დე მეომ განაცხადა. მისი თქმით, ევროკავშირის გაფართოების პოლიტიკას განახლება სჭირდება.

„ევროკავშირის ლიდერების სამიტი, რომელიც ივნისში ჩატარდა ნამდვილად იყო ისტორიული ორგანიზაციისთვის და ჩვენი პარტნიორებისთვის. ისტორიული იყო, რადგან ევროკავშირმა აღიარა საქართველოს ევროპული პერსპექტივა და კანდიდატის სტატუსი მიანიჭა მოლდოვასა და უკრაინას. ამ სამი ქვეყნის მიერ ბრიუსელში წარდგენილ განაცხადებს მიესალმა ევროპარლამენტიც. ამ სამი ასოცირებული ქვეყნის მოსახლეობას სურს მათი მოკავშირე იყოს ევროკავშირი, ევროკავშირში გაწევრიანება სურთ და მოსახლეობას სიმშვიდე და სტაბილურობა, თავისუფლება და დემოკრატია. ეს ნიშნავს, რომ უკრაინის, მოლდოვასა და საქართველოს მოსახლეობის მომავალი ევროკავშირშია. ამ ქვეყნების მოსახლეობა ამბობს, რომ ისინი პატივს სცემენ ევროპულ ღირებულებებს და მზად არიან დაიცვან საერთო პრინციპები.

მომავალ კვირას ევროპარლამენტი პლენარულ სესიაზე კენჭს უყრის რეზოლუციას ევროკავშირის გაფართოების სტრატეგიის შესახებ. მე დიდი იმედი მაქვს, რომ ევროპარლამენტი დაამტკიცებს და მხარს დაუჭერს იმ სტრატეგიას, რომელზეც საუბარი იყო საგარეო საქმეთა კომიტეტზე. ევროკავშირის გაფართოების პოლიტიკას განახლება სჭირდება, რათა იყოს უფრო მოქნილი, უფრო დინამიკური, ეფექტიანი და უფრო მეტად დაეხმაროს პარტნიორებს გაწევრიანების გზაზე. ასევე უნდა აუცილებლად აღინიშნოს იმ მცდარ ნარატივზე, რომელიც ვრცელდება ევროკავშირში ახალი ქვეყნების სწრაფად გაწევრიანების შესახებ. გაწევრიანების სისწრაფე დამოკიდებულია ქვეყნების მიერ რეფორმების გატარებაზე და კანონმდებლობის თავსებადობაზე“, - განაცხადა ევროპარლამენტარმა.