სლოვენიის საგარეო საქმეთა მინისტრი: საქართველოს ვთავაზობთ არა მხოლოდ პოლიტიკურ, არამედ მატერიალურ და ჰუმანიტარულ დახმარებას, განვიხილავთ ადგილზე არსებულ ვითარებას და მოვუსმენთ საგარეო საქმეთა მინისტრს

საქართველოს ვთავაზობთ არა მხოლოდ პოლიტიკურ, არამედ მატერიალურ და ჰუმანიტარულ დახმარებას. ჩვენ განვიხილავთ ადგილზე არსებულ ვითარებას და მოვუსმენთ საგარეო საქმეთა მინისტრს, - ამის შესახებ სლოვენიის საგარეო საქმეთა მინისტრმა ტანია ფაიონმა განაცხადა.

მისი თქმით, ბუქარესტში, ნატო-ს მინისტერიალის ფარგლებში, შეხვდებიან პარტნიორებს საქართველოდან, მოლდოვიდან, ბოსნია და ჰერცოგოვინიდან. მან აღნიშნა, რომ მნიშვნელოვანია, რომ პარტნიორებთან უკრაინაში ომის შედეგები განიხილონ.

„შევხვდით უკრაინის საგარეო საქმეთა მინისტრს ბუქარესტში და ყველა წევრმა სახელმწიფომ დააფიქსირა სოლიდარობა ომში მყოფი ქვეყნის მიმართ.

ჩვენ ვიქნებით უკრაინის გვერდით ბოლომდე, ჩვენ ვიქნებით უკრაინასთან ერთად, ვიდრე ამის საჭიროება იქნება - ეს არის ბუქარესტის მინისტერიალის მთავარი გზავნილი.

დღეს შევხვდებით ჩვენს პარტნიორებს ბოსნია და ჰერცოგოვინიდან, საქართველოდან და მოლდოვიდან. ძალიან მნიშვნელოვანია, ჩვენს პარტნიორებთან, რომლებიც არიან რისკის წინაშე და არიან მოწყვლადი ქვეყნები , მათთან მჭიდრო კომუნიკაცია გვქონდეს და პარტნიორებთან ერთად უკრაინაში ომის შედეგები განვიხილოთ. სლოვენიაში განსაკუთრებულ ყურადღებას ვაქცევთ დასავლეთ ბალკანეთში არსებულ ვითარებას.

ასე რომ, ჩვენ განსაკუთრებით განვიხილავთ ბოსნია ჰერცოგოვინაში, ასევე რეგიონის სხვა ქვეყნებში მოქალაქეების უსაფრთხოების და სტაბილურობის საკითხს, რადგან დასავლეთ ბალკანეთში მშვიდობა მნიშვნელოვანია მთელი ევროპისთვის. დღეს უკვე ბევრს ვთავაზობთ საქართველოს, როგორც ჩვენს პარტნიორს როგორც იცით, საქართველოს აქვს მკაფიო ევროპული პერსპექტივა. საქართველოს ვთავაზობთ არა მხოლოდ პოლიტიკურ, არამედ მატერიალურ და ჰუმანიტარულ დახმარებას.

ჩვენ განვიხილავთ ადგილზე არსებულ ვითარებას და მოვუსმენთ საგარეო საქმეთა მინისტრს. გავიგებთ კიდევ რისი გაკეთება არის შესაძლებელი არსებულ მდგომარეობაში, ზამთრის წინ რეგიონში ახალი დაძაბულობის წინ. ნამდვილად ძალიან მნიშვნელოვანი დისკუსია შედგება ბუქარესტში“, - განაცხადა სლოვენიის საგარეო საქმეთა მინისტრმა.

ბუქარესტი ნატოს მინისტერიალს მასპინძლობს. დღეს საქართველოს საგარეო საქმეთა მინისტრი ნატოს წევრი ქვეყნების საგარეო უწყების ხელმძღვანელებს შეხვდება. ნატო პარტნიორების მხარდაჭერას განხილავს და ამ საკითხზე მსჯელობა საქართველოსთან, მოლდოვასთან და ბოსნია-ჰერცეგოვინასთან ერთად გაიმართება.