მამუკა მდინარაძე: მივესალმებით პრემიერის ინიციატივას საწვავისა და სურსათის ფასების რეგულირებასთან დაკავშირებით და თუ საჭირო გახდება, ამ ინიციატივას პარლამენტის საკანონმდებლო მხარდაჭერა ექნება

მივესალმებით და მხარს ვუჭერთ პრემიერის ინიციატივას საწვავისა და სურსათი ფასების რეგულირებასთან დაკავშირებით და თუ საჭირო გახდება, პრემიერის და მთავრობის ამ ინიციატივას ექნება პარლამენტის მხარდაჭერა, მათ შორის საჭიროების შემთხვევაში საკანონმდებლო ინიციატივების თვალსაზრისითაც, რადგან ეს არის დღეს ერთ-ერთი მთავარი გამოწვევა, მიუხედავად იმისა, რომ ეკონომიკური ზრდა არის ძალიან მაღალი, - ამის შესახებ პარტია „ქართული ოცნების“ აღმასრულებელმა მდივანმა, მამუკა მდინარაძემ უმრავლესობის სხდომის შემდეგ გამართულ ბრიფინგზე განაცხადა.

„ალბათ ბევრი ადამიანი ვერც კი წარმოიდგენდა, რომ შარშანდელი ორნიშნა ეკონომიკური ზრდის შემდეგ კიდევ შეიძლებოდა ამ ნიშნულით გაგრძელებულიყო ზრდა. მთავარი გამოწვევა სწორედ ეს გახლავთ, რომ ამის კვალდაკვალ ჩვენ შევძლოთ ფასების დარეგულირება და ხელისუფლებამ ყველაფერი გააკეთოს იმისთვის, რომ ეკონომიკური ზრდა აისახოს თითოეულ მოქალაქეზე“, - აღნიშნა მდინარაძემ.