ირაკლი კობახიძე სააკაშვილის ოჯახზე: ისინი ჩვეულებრივად ძარცვავდნენ ქართველ ხალხს, ქართულ სახელმწიფოს და არავის უკვირს, რომ მილიონიან კონტრაქტს აფორმებენ მაგალითად, მარტო იმაში, დიაგნოზი ვერ დასვას მათივე დაქირავებულმა ექიმმა

ისინი ჩვეულებრივად ძარცვავდნენ ქართველ ხალხს, ქართულ სახელმწიფოს და არავის უკვირს, რომ მილიონიან კონტრაქტს აფორმებენ მაგალითად, მარტო იმაში, რომ დიაგნოზი ვერ დასვას მათივე დაქირავებულმა ექიმმა, - ამის შესახებ პარტია „ქართული ოცნების“ თავმჯდომარემ, ირაკლი კობახიძემ სააკაშვილის დედის, გიული ალასანიას მიერ ლობისტური კომპანიისთვის გადახდილ თანხაზე საუბრისას განაცხადა.

მისი თქმით, 9 წლის განმავლობაში ძარცვავდა ქართულ სახელმწიფოსა და ქართველ ხალხს.

„ყველამ ვიცით, რომ სააკაშვილი და პირადად მისი ოჯახი 9 წლის განმავლობაში ძარცვავდა ქართულ სახელმწიფოსა და ქართველ ხალხს, სხვადასხვა სფეროში შოულობდნენ ისინი ასეულობით მილიონს. ამ ფულს ხარჯავენ დღეს ისინი და ამ ფულით აქვთ შეძენილი საკუთარი ქონება და ასე შემდეგ. უნივერსიტეტი, რომელიც თავის დროზე ერთ ლარად ჩაიგდო ხელში სააკაშვილის ოჯახის წევრმა. ისინი ჩვეულებრივად ძარცვავდნენ ქართველ ხალხს, ქართულ სახელმწიფოს და არავის უკვირს, რომ მილიონიან კონტრაქტს აფორმებენ მაგალითად, მარტო იმაში, რომ დიაგნოზი ვერ დასვას მათივე დაქირავებულმა ექიმმა“, - განაცხადა კობახიძემ.

ამერიკის იუსტიციის დეპარტამენტის ვებგვერდზე გამოქვეყნებული ინფორმაციით დგინდება, რომ მხოლოდ ერთ კომპანიას გიული ალასანიამ მილიონ დოლარამდე გადაუხადა.

„ქრონიკამ“ ექსკლუზიურად გადაიღო სააკაშვილის ძვირადღირებული საცხოვრებელი სახლი ნიუ-იორკში. ორსართულიანი კერძო საცხოვრებელი, ბრონქსში მდებარეობს. სააკაშვილის საცხოვრებელი სახლის მისამართი ამერიკის სახელმწიფო დეპარტამენტის ვებ-გვერდზე გამოქვეყნებულ დოკუმენტებშია მითითებული. კერძო საცხოვრებელი სახლს უსაფრთხოების მიზნით სპეციალური დაცვის სამსახური აკონტროლებს. ადგილობრივებს არ აქვთ ინფორმაცია, ცხოვრობდა თუ არა დოკუმენტებში მითითებულ სახლში ექსპრეზიდენტი მიხეილ სააკაშვილი.