ლევან მაჭავარიანი ლგბტ პროპაგანდაში ქართული ეკლესიის ჩართვის მცდელობასთან დაკავშირებით ანდრია ჯაღმაიძის განცხადებაზე: ეს არის კარგად ჩაფიქრებული, მახინჯი იდეოლოგია, რომლის თავსმოხვევასაც ცდილობენ. სამწუხაროდ, ეს უკვე გამოუვიდათ ევროპის ბევრ ქვეყანაში, თუმცა საქართველოში არ გამოუვათ

ეს არის კარგად გამიზნული, ჩაფიქრებული, საშინელი, მახინჯი იდეოლოგია, რომლის თავსმოხვევასაც ისინი ცდილობენ. სამწუხაროდ, ეს უკვე გამოუვიდათ ევროპის ბევრ წარმატებულ ქვეყანაში, თუმცა საქართველოში არ გამოუვათ, - განაცხადა საპარლამენტო ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა ლგბტ პროპაგანდაში ქართული ეკლესიის ჩართვის მცდელობასთან დაკავშირებით ანდრია ჯაღმაიძის განცხადებაზე საუბრისას.

მისივე თქმით, ბელგიის საგარეო საქმეთა მინისტრი, რომელიც ანდრია ჯაღმაიძეს შეხვდა, დღეს კომისარია თანასწორობის საკითხებში და სწორედ მისი ინიცირებული იყო 2026-2030 წლების ახალი გენდერული სტრატეგია, რის მიხედვითაც არასრულწლოვან ბავშვებში სქესის გადაკეთებისათვის მშობლის ნებართვა აღარ არის საჭირო.

„ჩვენთან მოქმედებს ანტიდისკრიმინაციული კანონი, რითაც დაცულია ყველა სექსუალური თუ სხვა ტიპის უმცირესობის უფლება. უბრალოდ ამის პროპაგანდირება არ შეიძლება, რასაც ეს კანონი ემსახურება და მითუმეტეს პროპაგანდიერება ბავშვებში, სკოლებსა და ბაღებში. ის ნარატივი, რომ თითქოს არც ერთნაირსქესიანთა ქორწინება არ არის სავალდებულო და მსგავსი, ეს ყველაფერი ჩვენ პოლონეთის მაგალითზე უკვე ვიხილეთ, როდესაც პოლონელი წყვილი დაქორწინდა, ეს პოლონეთში კანონით დაუშვებელია, მაგრამ ევროპარლამენტმა ეს ცნო დაშვებულად, ვინაიდან გერმანიაში მოხდა მათი ქორწინება და მოსთხოვეს პოლონეთს, რომ იქაც დარეგისტრირებულიყო. ბელგიის საგარეო საქმეთა მინისტრი, რომელიც ანდრია ჯაღმაიძეს შეხვდა, დღეს გახლავთ კომისარი თანასწორობის საკითხებში და სწორედ მისი ინიცირებული იყო 2026-2030 წლების ახალი გენდერული სტრატეგია, რის მიხედვითაც არასრულწლოვან ბავშვებში სქესის გადაკეთებისათვის მშობლის ნებართვა აღარ არის საჭირო. შესაბამისად, ეს არის კარგად გამიზნული, ჩაფიქრებულის საშინელი, მახინჯი იდეოლოგია, რომლის მოხვევასაც ისინი ცდილობენ. სამწუხაროდ, ეს უკვე გამოუვიდათ ევროპის ბევრ წარმატებულ ქვეყანაში, თუმცა საქართველოში ეს არ გამოუვათ“, - აღნიშნა მაჭავარიანმა.

ლგბტ პროპაგანდაში ქართული ეკლესიის ჩართვის მცდელობასა და დახურული შეხვედრების დეტალებზე „იმედის კვირის“ ექსკლუზიურ ინტერვიუში დეკანოზმა ანდრია ჯაღმაიძემ ისაუბრა. თქვა, რომ ეკლესიას ევროპიდან ლგბტ პროპაგანდაში დახმარებას სთხოვდნენ. საქართველოში ამ მოთხოვნით, ბელგიის საგარეო საქმეთა მაშინდელი მინისტრი იყო ჩამოსული. ბრიუსელში კი შეხვედრა გაიმართა ანდიურს კუბილიუსთან და რასა იუკნევიჩეინესთან. მათ საქართველოს საპატრიარქოსგან უარი მიიღეს.