ირაკლი კობახიძე: იანვარში ევროკომისიამ გამოაქვეყნა ანგარიში, სადაც დასტურდება, რომ ჩვენ უსამართლოდ გვეთქვა უარი კანდიდატის სტატუსზე

შარშან კანდიდატის სტატუსზე გვეთქვა უარი, ზუსტად ისეთივე ტყუილი იყო კანდიდატის სტატუსზე უარი, როგორიც იყო ამ კანონპროექტისთვის რუსული კანონის წოდება, რაც საბოლოო ჯამში გაირკვა. წელს, იანვარში ევროკომისიამ გამოაქვეყნა ანგარიში, სადაც დასტურდება, რომ ჩვენ უსამართლოდ გვეთქვა უარი კანდიდატის სტატუსზე, - ამის შესახებ პარტია „ქართული ოცნების“ თავმჯდომარემ, ირაკლი კობახიძემ გადაცემაში „იმედი LIVE“ განაცხადა.

მისი თქმით, საბოლოო ჯამში ეს პროცესი საზოგადოებისთვის ლუსტრაციისთვისაც მნიშვნელოვანი იყო.

„ბევრი ადამიანი, ვინც თითქოს არ უკავშირებდა საკუთარ თავს „ნაცმოძრაობას“, გაირკვა, რომ პირდაპირ იყო დაკავშირებული არა მარტო „ნაცმოძრაობასთან“, არამედ ბოლომდე იზიარებდა იმ ფაშისტურ ნარატივს, რომელიც ამ ფაშისტურ პარტიასთან არის დაკავშირებული. რაც შეეხება ზოგადად წაუკითხავი კანონის გაპროტესტებას, ეს დაკავშირებული იყო გარე ფაქტორთანაც. შარშან კანდიდატის სტატუსზე გვეთქვა უარი, ზუსტად ისეთივე ტყუილი იყო კანდიდატის სტატუსზე უარი, როგორიც იყო ამ კანონპროექტისთვის რუსული კანონის წოდება, რაც საბოლოო ჯამში გაირკვა. წელს, იანვარში ევროკომისიამ გამოაქვეყნა ანგარიში, სადაც დასტურდება, რომ ჩვენ უსამართლოდ გვეთქვა უარი კანდიდატის სტატუსზე. მაშინაც ტყუილს ეფუძნებოდა ის პროტესტი, რომელიც ვიხილეთ და ახლაც ტყუილს ეფუძნებოდა ეს პროტესტი. საბოლოო ჯამში, ეს კარგი პროცესია. საზოგადოება უკან ხომ უყურებს მერე მოვლენებს და ხედავს, რომ შარშან ტყუილზე დაფუძნებით გააპროტესტებინეს რაღაც. ანუ, კანდიდატის სტატუსი გვეკუთვნოდა, არ მოგვცეს და ამის გამო გამოხატეს პროტესტი ხელისუფლების მიმართ და ახლა ხომ ხედავს უკვე საზოგადოება, რომ ეს იყო ტყუილი. ამიტომ პროტესტი არ ეკუთვნოდა ხელისუფლებას. ახლაც რეალურად საზოგადოება უკან რომ გაიხედავს დაინახავს, რომ ეს კანონი არ იყო რუსული და ტყუილზე გამოიყვანეს გარეთ. როდესაც საუბარია ევროპაზე, ის არის ცივილიზაციის სიმბოლო ჩვენთვის. ეს არის ის, რომ თუ გაქვს რაღაც წაკითხული და არ მოგწონს უნდა გააპროტესტო, მაგრამ წაუკითხავი არაფერი შეიძლება გააპროტესტო, ეს სამოქალაქო შეგნების შემადგენელი ნაწილია. სადღაც გვქონდა პატარა ხარვეზი ჩვენ, მაგრამ საზოგადოება ამისგან თავის გაკვეთილს ისწავლის“, - განაცხადა ირაკლი კობახიძემ.