ნატოში აშშ-ის ელჩი: თუ საქართველო კარგად შეასრულებს ევრორეკომენდაციებს, ეს აუცილებლად მოუტანს სარგებელს მიმდინარე პროცესს ნატოში, რაც ევროკავშირიდან განცალკევებულია, მაგრამ გადაკვეთაც აქვს

თუ საქართველო გააგრძელებს მუშაობას 12 რეკომენდაციაზე, კარგად შეასრულებს ამ სამუშაოს, ეს აუცილებლად მოუტანს სარგებელს მიმდინარე პროცესს ნატოში, რაც ევროკავშირიდან განცალკევებულია, მაგრამ გადაკვეთაც აქვს, - ამის შესახებ ნატოში აშშ-ის ელჩმა ჯულიან სმიტმა „ქრონიკასთან“ ექსკლუზიურ ინტერვიუში განაცხადა.

„ნატო და ევროკავშირი ორი განსხვავებული ინსტიტუტია - განსხვავებული გასაწევრიანების გზით, განსხვავებული კრიტერიუმებით, მაგრამ ამ ორგანიზაციებს ბევრი საერთოც აქვთ, რაც საქართველოს ეხება. ნატოსაც და ევროკავშირსაც მართლაც სურთ, იხილონ საქართველოს მიერ ევროატლანტიკური მისწრაფების მიღწევა. ორივე ორგანიზაციას სურს, საქართველომ გააგრძელოს ის კარგი სამუშაო, რაც ჩატარებულია რეფორმების თვალსაზრისით. თუ საქართველო გააგრძელებს მუშაობას 12 რეკომენდაციაზე, კარგად შეასრულებს ამ სამუშაოს, ეს აუცილებლად მოუტანს სარგებელს მიმდინარე პროცესს ნატოში, რაც ევროკავშირიდან განცალკევებულია, მაგრამ გადაკვეთაც აქვს. ფუნდამენტური თვალსაზრისით, ჩვენ საერთო მიზნები გვაქვს. ჩვენ გვსურს, საქართველომ მიაღწიოს წარმატებას, დაიმკვიდროს ადგილი ევროატლანტიკურ სივრცეში“, - აცხადებს ჯულიან სმიტი.

მისივე თქმით, აშშ-ის სურს, იხილოს მშვიდობიანი, სტაბილური საქართველო საერთაშორისოდ აღიარებულ საზღვრებში.

„პირველ რიგში, მე როგორც ამერიკის შეერთებული შტატების მოქალაქემ, ამერიკის შეერთებული შტატების წარმომადგენელმა და ნატოში ელჩმა უნდა ვთქვა, რომ ჩვენ ძალიან ვაფასებთ საქართველოსთან არსებულ ორმხრივ ურთიერთობას, ვაფასებთ იმ საქმეს, რაც ერთად შევძელით გაგვეკეთებინა ბევრი წლის განმავლობაში, მას შემდეგ რაც საქართველომ დამოუკიდებლობა მოიპოვა. როგორც ნატოში აშშ-ის ელჩმა, მინდა აღვნიშნო, რომ ნატო და ჩვენი მისია ასევე ძალიან ვაფასებთ საქართველოსთან პარტნიორობას, ვაფასებთ საქართველოს წვლილს, მათ კონტრიბუციას და მათ ძალისხმევას შეუერთდნენ ამ ორგანიზაციას, გაატარონ რეფორმები. ჩვენ გვინდა მხოლოდ გითხრათ - გააგრძელეთ მუშაობა, ფოკუსირება მოახდინეთ 12 რეკომენდაციაზე, რაც გასაკეთებელია ქვეყნის შიგნით და ჩვენ ვიმუშავებთ ჩვენი საერთო მიზნის მისაღწევად, რომ საქართველომ მიაღწიოს ევროატლანტიკურ მისწრაფებას“, - აღნიშნავს ჯულიან სმიტი.