პიტერ ბურკე: მზად ვართ ნებისმიერი სახის დახმარებისთვის, რათა საქართველომ დააკმაყოფილოს კრიტერიუმები. ირლანდიელებმა ძალიან კარგად ვიცით, თუ რა ეფექტი აქვს ტრანსფორმაციასა და ევროკავშირში გაწევრიანებას

მზად ვარ ნებისმიერი სახის დახმარებისთვის, რათა საქართველომ დააკმაყოფილოს კრიტერიუმები. ჩვენთვის ეს პროცესი მნიშვნელოვანია, რადგან ირლანდიელებმა ძალიან კარგად ვიცით, თუ რა ეფექტი აქვს ტრანსფორმაციასა და რა ეფექტი აქვს ევროკავშირში გაწევრიანებას, - ამის შესახებ ირლანდიის სახელმწიფო მინისტრმა, ევროპულ საქმეებსა და თავდაცვის საკითხებში, პიტერ ბურკემ „ქრონიკას“ განუცხადა.

მისი თქმით, ირლანდია საქართველოს რეფორმების განხორციელების გზაზე მხარს უჭერს.

„ჩვენ ძალიან მჭიდროდ ვმუშაობთ საქართველოსთან. ირლანდია ძალიან მხარდამჭერია საქართველოს პროცესის. მე ახლახან შევხვდი საქართველოს ელჩს ირლანდიაში და განვიხილე ბევრი მნიშვნელოვანი საკითხი, საქართველოში რეფორმების მიმდინარეობა.

ჩვენ აბსოლუტურად მხარს ვუჭერთ საქართველოს რეფორმების განხორციელების გზაზე. ქვეყნებს, რომლებსაც სურთ ევროკავშირში გაწევრიანება, უნდა შეასრულონ რეკომენდაციები და დააკმაყოფილონ ის კრიტერიუმები, რაც წევრობისთვისაა საჭირო. დაკმაყოფილება ამ მოთხოვნებისა და ჰარმონიზაცია მნიშვნელოვანია და ევროკავშირში გაწევრიანების შემდეგაც მარტივი ხდება თავსებადობის კუთხით. ბევრს ვმუშაობთ, აქტიურად ვთანამშრომლობთ საქართველოსთან და საქართველოს პროცესს მხარს ვუჭერთ. მზად ვარ ნებისმიერი სახის დახმარებისთვის, რათა ქვეყანამ დააკმაყოფილოს კრიტერიუმები. ჩვენთვის ეს პროცესი მნიშვნელოვანია, რადგან ირლანდიელებმა ძალიან კარგად ვიცით, თუ რა ეფექტი აქვს ტრანსფორმაციასა და რა ეფექტი აქვს ევროკავშირში გაწევრიანებას“, - განაცხადა პიტერ ბურკემ.

დღეს საქართველოს, უკრაინისა და მოლდოვის მიერ განხორციელებულ რეფორმებზე სტოკჰოლმში იმსჯელებენ. ზეპირი მოხსენებით ევროკომისარი ოლივერ ვარჰეი წარდგება. ეს არის შუალედური მოხსენება, იმ რეფორმების შესრულებასთან დაკავშირებით , რომელიც ბრიუსელმა ამ ქვეყნებს განუსაზღვრა.