მიხეილ სარჯველაძე: დღეს არცთუ ისე მცირეა პოლიტიკური ინსტრუმენტების მქონე სუბიექტები, რომლებსაც ღირებულებების სიაში პირველ ადგილზე ევროინტეგრაციის მიმართულებით ქვეყნის წინსვლისთვის ხელის შეშლა აქვთ

არც თუ ისე მცირეა პოლიტიკური ინსტრუმენტების მქონე სუბიექტები, რომლებსაც სამწუხაროდ და საუბედუროდ ღირებულებების სიაში პირველ ადგილზე ევროინტეგრაციის მიმართულებით ქვეყნის წინსვლისთვის ხელის შეშლა აქვთ, - ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ „ქრონიკაში“ განაცხადა.

„დღეს საქართველოში სამწუხაროდ ისეთი ვითარებაა შექმნილი, როდესაც არაერთ პოლიტიკურ ძალას მიზნად დასახული აქვს ქვეყნის წარმატების შეფერხება. ამ შემთხვევაში საუბარია ჩვენი კონსტიტუციური მისწრაფებების შესრულებაზეც, მათ შორის ეს ბუნებრივია უპირველესად გულისხმობდეს იმას, რომ არსებობენ სხვადასხვა პოლიტიკური ჯგუფები, რომლებსაც სხვადასხვა მოტივაციით ასეთი სურვილი აქვთ, რომ დააზიანონ ქვეყნის ევროინტეგრაცია. აქედან გამომდინარე ისინი ცდილობენ გაართულონ ურთიერთობები ევროკავშირთან, უკრაინასთან და ამაზე ხელები მოითბონ. ამაში მე პირადად ვამბობ, რომ ბატონი ალექსი ბატიაშვილი ვერ შეძლებდა კონკრეტული მიმართულებით ესაუბრა პოლიტიკური პარტიების წვლილზე და ა.შ. იმიტომ, რომ ძალიან ძნელია დაიცვა ზღვარი პოლიტიკურ მიუკერძოებლობასა და ასეთ განცხადებებს შორის. მაგრამ მე ნამდვილად შემიძლია ვთქვა, რომ ჩვენს ქვეყანაში მოქმედი არაერთი ოპოზიციური პოლიტიკური ორგანიზაცია დიახ, სამწუხაროდ, ამ საქმიანობაში ძალიან აქტიურადაა ჩართული. დღეს არცთუ ისე მცირეა პოლიტიკური ინსტრუმენტების მქონე სუბიექტები, რომლებსაც სამწუხაროდ და საუბედუროდ ღირებულებების სიაში პირველ ადგილზე ევროინტეგრაციის მიმართულებით ქვეყნის წინსვლისთვის ხელის შეშლა აქვთ“, - აღნიშნა სარჯველაძემ.