ნინო წილოსანი: არავინ უნდა უთითებდეს ზურაბიშვილს, ვინ შეიწყალოს - ამავდროულად ჩნდება ეჭვი, ეს ყველაფერი მას ხომ არ სჭირდებოდა, რომ შემდეგ თავისი „არა და არასდროს“ გადაეთქვა

არავინ უნდა უთითებდეს ზურაბიშვილს, რა გააკეთოს და ვინ შეიწყალოს, ის ამ დავალებებს არ უნდა იღებდეს. ამავდროულად ჩნდება ეჭვი, ეს ყველაფერი სინქრონულად ხომ არ ხდება და ხომ არ სჭირდებოდა, რათა დავალებასავით მიეღო, რომ შემდეგ თავისი „არა და არასდროს“ გადაეთქვა, - ამის შესახებ აგრარულ საკითხთა კომიტეტის თავმჯდომარემ, ნინო წილოსანმა განაცხადა.

„არაკორექტული იყო ჩვენი პარტნიორის, ევროკავშირის წევრი ქვეყნის ოფიციალური სტრუქტურის წარმომადგენლის დავალება სალომე ზურაბიშვილის მიმართ, რომ მან შეიწყალოს მიხეილ სააკაშვილი, რომელიც არის დამნაშავე და სამართლიანად იხდის სასჯელს. ეს იყო ჩვენი ქვეყნის სუვერენიტეტში ჩარევა და კანონის უზენაესობის პრინციპის არასწორი ინტერპრეტირება. არავინ უნდა უთითებდეს ზურაბიშვილს, რა გააკეთოს და ვინ შეიწყალოს, ის ამ დავალებებს არ უნდა იღებდეს. ამავდროულად ჩნდება ეჭვი, ეს ყველაფერი სინქრონულად ხომ არ ხდება და ხომ არ სჭირდებოდა, რათა დავალებასავით მიეღო, რომ შემდეგ თავისი „არა და არასდროს“ გადაეთქვა“, - აღნიშნა წილოსანმა.

პოლონეთის საგარეო საქმეთა მინისტრმა სალომე ზურაბიშვილს მიხეილ სააკაშვილის გათავისუფლებისკენ მოუწოდა და მძიმე დანაშაულებისთვის გასამართლებულ ექსპრეზიდენტს მოდერნიზაციის სიმბოლო უწოდა.