კახა იმნაძე გაეროში მთავრობათაშორისი ჯგუფის თანათავმჯდომარედ დაინიშნა

გაეროში საქართველოს ელჩი კახა იმნაძე, უშიშროების საბჭოს რეფორმებზე მომუშავე მთავრობათაშორისი ჯგუფის თანათავმჯდომარედ დაინიშნა.  

ამის შესახებ გაეროს გენერალური ასამბლეის პრეზიდენტი, სლოვაკეთის საგარეო საქმეთა მინისტრი მიროსლავ ლაიჩაკი წერს.

„მსურს მადლობა გადავუხადო ელჩებს იმნაძესა და ნუსეიბეჰს ამ მნიშვნელოვანი პასუხისმგებლობის მიღებისთვის და ეჭვი არ მეპარება, რომ თქვენ გექნებათ სრული მხარდაჭერა და თანამშრომლობა“, - ნათქვამია ლაიჩაკის წერილში, რომელიც იმნაძემ გამოაქვეყნა.

ამ ფაქტს სოციალურ ქსელში გამოეხმაურა ქართველი დიპლომატი და აღნიშნა, რომ ამ თანამდებობის მიღება მისთვის პატივია.

„დიდი პატივია უშიშროების საბჭოს რეფორმებზე მომუშავე მთავრობათაშორისი მოლაპარაკებების თანათავმჯდომარედ დანიშვნა არაბთა გაერთიანებული საემიროების ელჩ ლანა ნუსეიბეჰთან ერთად. ვაცნობიერებ პასუხისმგებლობას და ვაფასებ ნდობას. მექნება გამჭვირვალე და ინკლუზიური კონსულტაციები და ვიქნები ჩართული მოლაპარაკებებში ყველა წევრ სახელმწიფოსთან ამ მნიშვნელოვან პროცესში უკეთესი გაეროსთვის“, - წერს კახა იმნაძე.

კახა იმნაძესთან  ერთად, ჯგუფის თანათავმჯდომარის პოზიცია გაეროში არაბთა გაერთიანებული საამიროების წარმომადგენელმა დაიკავა. 

Honor to accept @UN_PGA's appointment as co-chair of #IGN on #SCReform w/ UAE Amb Lana Nusseibeh
Realizng responsibility, do appreciate the trust
Will seek advice & engage w/ all Member States 2 advance this importnt process in transparent, inclusive & meaningful way 4 better #UN pic.twitter.com/dzQdcSSKYv

— Kaha Imnadze (@kahaimnadze) November 1, 2017