რომან კაკულია: აუცილებელია „ქართულ ოცნებას“ წამოეშველოს ისეთი პოლიტიკური ძალა, რომელიც მისი მტერი და შურისმაძიებელი კი არ იქნება, არამედ მას შეეხიდება თუნდაც დასავლეთთან ურთიერთობაში

ახლა უმნიშვნელოვანესია, არ შეგვეშალოს ის, რაც არის გარეთ მიმდინარე პროცესებისადმი სწორი დამოკიდებულება. ამ დამოკიდებულებაში „ქართული ოცნება“ სწორ ნაბიჯებს დგამდა, - განაცხადა „დღის ქრონიკასთან“ საზოგადოებრივი მოძრაობა „პოლიტიკური არჩევანის“ დამფუძნებელმა რომან კაკულიამ.

„როდესაც ახალი ძალების შექმნაზეა საუბარი, აუცილებელია „ქართულ ოცნებას“ წამოეშველოს ისეთი პოლიტიკური ძალა, რომელიც მისი მტერი და შურისმაძიებელი კი არ იქნება, არამედ მას შეეხიდება თუნდაც დასავლეთთან ურთიერთობაში. როდესაც ჩვენი საზოგადოება ახალი ძალის ფორმირებას ვერ შეძლებს, „ქართულ ოცნებას“ გაუჭირდება და ჩვენ მას უნდა მივეხმაროთ იმისთვის, რომ ევროპასთან და დანარჩენ მსოფლიოსთან ახალი სიტყვები და ახალი ნარატივი მოიძებნოს, ოღონდ განსხვავებული იმისაგან, რასაც ეს ოპოზიცია დღეს ლაპარაკობს“, - აღნიშნა რომან კაკულიამ.