გურამ მაჭარაშვილი ოპოზიციაზე: ჯერ ებრძოდნენ კანდიდატის სტატუსს, ახლა უკვე ვიზალიბერალიზაცია არსებობს, არ არის მისი გაუქმების არანაირი საფუძველი და ამბობენ, რომ გაუუქმეთ ქვეყანას

ჯერ ებრძოდნენ კანდიდატის სტატუსს, დადიოდნენ და პირდაპირ ამბობდნენ, რომ საქართველოს არ მისცეთ კანდიდატის სტატუსიო. ახლა უკვე ვიზალიბერალიზაცია არსებობს, არ არის მისი გაუქმების არანაირი საფუძველი და ამბობენ, რომ გაუუქმეთ ქვეყანას, - განაცხადა „ხალხის ძალის“ აღმასრულებელმა მდივანმა, გურამ მაჭარაშვილმა ვიზალიბერალიზაციის გაუქმებასთან დაკავშირებით ოპოზიციის მცდელობებზე.

მისი თქმით, რადიკალური ოპოზიცია წარმოადგენს ევრობიუროკრატიის აგენტურას, რომლის მიზანია დააზარალოს ქართველი ხალხი და ქვეყანა.

„არაერთხელ გვითქვამს, რომ ევროინტეგრაცია ეს ნიშნავს ქართული და ევროპული ღირებულებების ღირებულებების თავსებადობას. თავად ევროპის ცენტრში, ბრიუსელში ევრობიუროკრატია დასცილდა ევროპულ ღირებულებებს. ეს არის სწორედ პრობლემა, რომ ევრობიუროკრატიის აქაურ, ქართულ წარმომადგენლებს „ენჯეოების“ სახით და ვითომ პოლიტიკოსების სახით ჰყავთ აქ აგენტურა. ჯერ ებრძოდნენ კანდიდატის სტატუსს, ეს ძალიან კარგად გვახსოვს. დადიოდნენ და პირდაპირ ამბობდნენ, რომ საქართველოს არ მისცეთ კანდიდატის სტატუსიო. ესეც გადალახა ქვეყანამ. ახლა უკვე ვიზალიბერალიზაცია არსებობს, არ არის მისი გაუქმების არანაირი საფუძველი და ამბობენ, რომ გაუუქმეთ ქვეყანას“, - განაცხადა გურამ მაჭარაშვილმა.

მედიაში გავრცელებული ინფორმაციით, ოპოზიცია საქართველოსთვის ვიზალიბერალიზაციის შეჩერებას ბრიუსელში დაჟინებით ითხოვს - რადიკალური ოპოზიცია ნოემბრის ბოლოსთვის უცხოელ მოკავშირეებს საქართველოსთვის ვიზალიბერალიზაციის შეჩერებას სთხოვს და ბრიუსელში მაღალჩინოსნებს არწმუნებს, რომ მხოლოდ ხელისუფლების წარმომადგენლებზე ზეწოლა შედეგს არ მოიტანს.