ლევან მახაშვილი: ნორმალურია ბრიუსელის ინტერესი მსოფლიოს სხვადასხვა წერტილში მიმდინარე მოვლენასთან დაკავშირებით, მაგრამ არანორმალური ის პოლიტიკური ჯოჯოხეთი, რომელშიც ატარებენ ხოლმე სახელმწიფოებს, როდესაც ისინი არ ეთანხმებიან მას

მმართველ გუნდში ევროკავშირის შესახებ აშშ-ის სახელმწიფო მდივნის განცხადებას აფასებენ. ევროპასთან ინტეგრაციის კომიტეტის თავმჯდომარემ, ლევან მახაშვილმა აღნიშნა, რომ ბრიუსელი ჯოჯოხეთში ატარებს იმ ქვეყნებს, რომლებიც საკუთარი ინტერესებიდან გამომდინარე, მას არ ეთანხმებიან.

„ნორმალურია ბრიუსელის ინტერესი მსოფლიოს სხვადასხვა წერტილში მიმდინარე მოვლენასთან დაკავშირებით, მაგრამ არანორმალური და მიუღებელია ის პოლიტიკური ჯოჯოხეთი თუ მორალური ჯოჯოხეთი, რომელშიც ატარებენ ხოლმე სახელმწიფოებს, როდესაც ისინი საკუთარი ეროვნული ინტერესებიდან გამომდინარე, არ ეთანხმებიან მას. საქართველოში ამის დიდი გამოცდილება დაგვიგროვდა. რაც უფრო მალე გაიაზრებს და გააცნობიერებს ბრიუსელი ამას, მით უფრო მეტ მეგობარს შეინარჩუნებს, როგორც საკუთარ სამეზობლოში, ისე მის მიღმა. და პირიქით, თუ უარს იტყვის ამ როლის გააზრებაზე, რა თქმა უნდა, გაუჭირდება საკუთარი თავის, როგორც სანდო პარტნიორის შენარჩუნება მსოფლიოში“, - მიიჩნევს მახაშვილი.

აშშ-ის სახელმწიფო მდივანს, მარკო რუბიოს არ ჰქონია, რომ ევროკავშირმა უნდა განსაზღვროს საერთაშორისო სამართალი. მისი განცხადებით, „ევროკავშირი ვერ გვასწავლის როგორ უნდა დაიცვა აშშ-მა საკუთარი ეროვნული უსაფრთხოება“.