თბილისის 2026 წლის ბიუჯეტის პროექტის მოცულობა 2 193 388 700 ლარს შეადგენს

თბილისის 2026 წლის ბიუჯეტის პროექტის მოცულობა 2 193 388 700 ლარსშეადგენს, რაც გასული წლის დამტკიცებულ ბიუჯეტთან შედარებით 210 210 700 ლარით მეტია.

ამის შესახებ თბილისის ვიცე-მერმა გიორგი ტყემალაძემ დედაქალაქის საკრებულოში ბიუჯეტის პროექტის წარდგენისას განაცხადა.

„თბილისის 2026 წლის ბიუჯეტის პროექტის მოცულობა შეადგენს 2 193 388 700 ლარს, რაც 2025 წლის დამტკიცებულ ბიუჯეტთან შედარებით210 210 700 ლარით მეტია, ხოლო 2026 წლის პირველად წარდგენილ ბიუჯეტის პროექტთანშედარებით გაზრდილია 110 906 500 ლარით. მათ შორის: საკუთარი შემოსულობების პროგნოზი შეადგენს 1 533 357600 ლარს (მათ შორის გადასახადები - 1 022 413 600 ლარი, სანქციები (ჯარიმები და საურავები) – 132 000 000 ლარი, დასუფთავების მოსაკრებელი - 112 000 000 ლარი, პროცენტები - 23 000 000 ლარი, მშენებლობის მოსაკრებელი - 24 000 000 ლარი, სათამაშო ბიზნესის მოსაკრებელი - 50 000 000 ლარი, შემოსავლები კულტურული მემკვიდრეობის დამცავ ზონაში არსებული ავარიული შენობა-ნაგებობების რეაბილიტაცია/ჩანაცვლების ხელშეწყობისთვის – 80 000 000 ლარი, არაფინანსური აქტივების კლება (ქონების გაყიდვა) - 70 000 000 ლარი) სახელმწიფო ბიუჯეტიდან მისაღები კაპიტალური სპეციალური ტრანსფერი შეადგენს - 630 000 000 ლარს, სხვა კაპიტალური გრანტები (სესხის ფარგლებში დასაფარი დღგ) – 25 480 000 ლარი, ხოლო მიზნობრივი ტრანსფერი (დელეგირებული უფლებამოსილების განსახორციელებლად) – 4 551 100 ლარი“, - განაცხადა გიორგი ტყემალაძემ.

ამასთან, ვიცე-მერის ინფორმაციით, თბილისის 2026 წლის ბიუჯეტის პროექტით ასიგნებები მიიმართება შემდეგ პრიორიტეტებზე: სატრანსპორტო ინფრასტრუქტურის მშენებლობა, აღდგენა და განვითარება - 696 339 700 ლარი; ინფრასტრუქტურის ობიექტების მშენებლობა, ექსპლუატაცია და ავარიული შენობების გამაგრება - 305 931 300 ლარი;ეკოლოგიური მდგომარეობის შენარჩუნება და გაუმჯობესება - 314 760 600 ლარი;ბინათმესაკუთრეთა ამხანაგობების განვითარება - 62 491300 ლარი; ჯანმრთელობის დაცვა და სოციალური უზრუნველყოფა - 185 152 300 ლარი;განათლება - 303 331 600 ლარი;კულტურა, სპორტი და ახალგაზრდობა - 50 558 800 ლარი; ეკონომიკის განვითარების ხელშეწყობა - 3 079 500 ლარი; საზოგადოებრივი წესრიგი და უსაფრთხოება - 13 196 700 ლარი, წარმომადგენლობითი და აღმასრულებელი ორგანოები - 258 546 900 ლარი.

„გარდა ამისა, 2026 წლის სახელმწიფო ბიუჯეტით გათვალისწინებული დონორების დაფინანსება შეადგენს 168 მლნ ლარს (მათ შორის სესხის დღგ - 25,5 მლნ ლარი). მათ შორის: საცხოვრებლად ვარგისი ქალაქების საინვესტიციო პროგრამა - 13 780000 ლარი; მდგრადი ურბანული მობილობა (KfW) – 12 000000 ლარი; თბილისის მეტროს მოდერნიზაციის პროექტი (მეტროს სადგურები) (EBRD) – 2 200 000 ათასი ლარი; თბილისის მეტროს მოდერნიზაციის პროგრამა (მოძრავი შემადგენლობისგანახლება) (AIIB) - 100 000000 ათასი ლარი; თბილისის ნარჩენების გადამუშავების პროექტი - 10 000 000 ლარი; თბილისის ავტობუსების პროექტი (ფაზა II) (EBRD) - 30 000 000 ლარი“, - აღნიშნა თბილისის ვიცე-მერმა.