ვატო შაქარიშვილი: ქართული სახელმწიფო ინსტიტუტები მოწოდების სიმაღლეზეა, აქვს შესაბამისი ძალა იმისთვის, რომ თვითრევიზია მოახდინოს იმ ვითარებაში, როდესაც ოპოზიცია უბრალოდ არ ჰყავს

ძალიან მძიმეა, როდესაც ქვეყანა იმყოფება ომში და შენთან ერთად სანგარში არის ადამიანი, რომელიც ფიქრობს ბინძური ფულის შოვნაზე. შემდეგ ამ ფულით ქვეყნის მტრებთან თანამშრომლობაზე, რათა ჩაიფარცხოს, დამალოს დანაშაული - „ხელი ხელს ბანს“ პრინციპით გარიგებაში შევიდეს ისეთ ძალებთან, რომლებიც ჩვენს ქვეყანას ანგრევენ და ძირს უთხრიან, - განაცხადა გადაცემაში „დღის ქრონიკა“ „ერთიანი ნეიტრალური საქართველოს“ აღმასრულებელმა მდივანმა, ვატო შაქარიშვილმა გრიგოლ ლილუაშვილის საქმეზე საუბრისას.

მისივე თქმით, ქართულმა სახელმწიფომ რთული გამოწვევების პირობებში საკუთარ თავში იპოვა ძალა, რომ ყველაფერს გასცეს ადეკვატური პასუხი და ყველას მიუჩინოს საკუთარი ადგილი.

„ეს არ არის მარტივი, როდესაც სახელმწიფო ინსტიტუტები ასეთ გადაწყვეტილებებზე მიდიან და ასეთი მკაფიოა მათი ქმედებები და ნაბიჯები. ამ ყველფერში არის იმედის მომცემი და პოზიტიური, რომ ქართული სახელმწიფო ინსტიტუტები არის გამართული, არის მოწოდების სიმაღლეზე, აქვს შესაბამისი ძალა იმისთვის, რომ თვითრევიზია მოახდინოს იმ ვითარებაში, როდესაც ოპოზიცია უბრალოდ არ ჰყავს“, - აღნიშნა შაქარიშვილმა.

გრიგოლ ლილუაშვილი 23 დეკემბერს დააკავეს. გენერალური პროკურორის გიორგი გვარაკიძის ინფორმაციით, საქმე ეხება დიდი ოდენობით ქრთამის აღებას და ე.წ. ქოლ-ცენტრების მფარველობას, საიდანაც მიღებული თანხით ფინანსდებოდა ოპოზიცია.