ლევან ნიკოლეიშვილი: „დიფ სთეითი“ არსად არ წასულა, მუშაობს ჩვეულებრივად. მისი საცეცები განსაკუთრებით ძლიერად არის ევროპულ ქვეყნებში. საქართველოში რამდენიმე რევოლუციის მცდელობა იყო და არც ერთ ლიდერს ევროპიდან არ დაუგმია ეს ქმედებები

„ნეიტრალური საქართველო“ მინეაპოლისში მიმდინარე პროცესებს ეხმიანება.

„ერთიანი ნეიტრალური საქართველოს“ ერთ-ერთი დამფუძნებელის ლევან ნიკოლეიშვილის თქმით, მძიმე ვითარების მიუხედავად, ევროპული ინსტიტუტების თუ კონკრეტული ლიდერების შეფასებითი განცხადებები არ კეთდება.

ნიკოლეიშვილი მიიჩნევს, რომ ეს განსაკუთრებით საყურადღებოა იმ ფონზე, როცა ევრობიუროკრატები გაცილებით უმნიშვნელო პროცესებზეც კი მყისიერად რეაგირებენ.

მისი თქმით, ამის ყველაზე თვალსაჩინო მაგალითია საქართველო.

„დიფ სთეითი“ არსად არ წასულა, არც გამქრალა, მუშაობს ჩვეულებრივად. მისი საცეცები განსაკუთრებით ძლიერად არის ევროპულ ქვეყნებში. საქართველოს, რაც შეეხება ნებისმიერ საკითხთან მიმართებაში, ვხედავთ ჩვენ ორმაგ, სამმაგ, ოთხმაგ სტანდარტებს. იყო რამდენიმე რევოლუციის მცდელობა და არც ერთ სახელმწიფოს, არც ერთ ლიდერს ევროპიდან არ დაუგმია ეს ქმედებები. 4 ოქტომბერი ნამდვილად ისეთი მოვლენა იყო, რომ აშკარად ღიად გაცხადებული იყო იმის თაობაზე, რომ უნდა დაემხოთ ხელისუფლება. არავის არ შეუფასებია არც 4 ოქტომბერი. პირიქით, თავიანთი განცხადებებით, რასაც ჩვენ ვისმენდით იყო ერთგვარი წაქეზება, მხარდაჭერა იმ ძალების და ვითომ მშვიდობიანი ადამიანების დარბევა“, - განაცხადა ლევან ნიკოლეიშვილმა.