შალვა პაპუაშვილი: რომ მოუწოდეს წავიდეთ და პრეზიდენტის სასახლის გასაღები ჩავიბაროთო, გასაღები გასამრავლებლად უნდა წაეღოთ? ხალხს, რომ ეუბნები - წავიდეთ და ჩავიბაროთო, მივა იქ და მიღება- ჩაბარების აქტს მიაწვდის, რომ ხელი მოგვიწერეთო?

რაც შეეხება 4 ოქტომბრის პროცესს, ყველაფერი ჩვენს თვალწინ არ იყო, როცა გვიანონსებდნენ ნეპალს?! ბენზინის გადასხმას, რომ გვიანონსებდნენ ეს ხომ გახსოვთ?! ნეპალი, ნეპალიო ხომ გახსოვთ „ნაცმოძრაობა“ და ორგანიზატორები ვინც იყვნენ ყოველ დღე, რომ იმეორებდნენ?! ისიც ხომ გახსოვთ, ნეპალის და „ბენზინი გადავასხათ“ შემდეგ, ევროკომისიის პრესსპიკერს, რომ ჰკითხეს - მხარს თუ უჭერთო, რას იტყვით ამ აქციასთან დაკავშირებითო - სოლიდარულები ვართო! ეს არის ევროკომისიის პოზიცია, - განაცხადა საქართველოს პარლამენტის თავმჯდომარემ ხელისუფლების დამხობის მცდელობის საქმესთან დაკავშირებით.

მისი თქმით, აქციის ორგანიზატორები პირდაპირ მოუწოდებდნენ იქ შეკრებილებს, რომ „გადაებარებინათ პრეზიდენტის სასახლე“.

„ხომ გვახსოვს ულტიმატუმი, რომ მისცეს სახელმწიფოს?! თქვეს, რომ ხელისუფლება ჩვენია, დაასახელეს რამდენიმე თანამდებობის პირი ჩემი ჩათვლით და გასცა პაატა ბურჭულაძემ ჩემი და სხვათა დაკავების ბრძანება. ამის შემდეგ რომ მოუწოდეს, წავიდეთ ახლა და პრეზიდენტის სასახლის გასაღები ჩავიბაროთო, რას ფიქრობთ, გასაღები გასამრავლებლად უნდა წაეღოთ? რა გასაღებს იბარებდნენ? ხალხი რომ გყავს რამდენიმე ათასი ადამიანი და ამათ ეუბნები - წავიდეთ და ჩავიბაროთო, ის რას იზამს? მივა იქ და მიღება-ჩაბარების აქტს მიაწვდის, რომ ხელი მოგვიწერეთო? აი, ეს არის ზუსტად, წააქეზა, თვალი დაუხუჭა და სოლიდარობა გამოუცხადა ამას ბრიუსელმა. და დღეს ჩვენ ვხედავთ, ცდილობენ ააგორონ კამპანია - ხელისუფლების დამხობის მცდელობის დაკნინების შესახებ, მათ მიერ დაფინანსებული ორგანიზაციების, „სამი გოჭის“ ხუხულაში რომ არის დარეგისტრირებული ტალინში - „გამჭვირვალობა“ ყალბი ანგარიშების შედგენით. ეს ხომ ყველაფერი ჩვენს თვალწინ ხდებოდა?!“, - განაცხადა შალვა პაპუაშვილმა.

მისი თქმით, როგორც მინიმუმ შეურაცხმყოფელია ქართველი ხალხის მიმართ ბრალდებული ექიმის გიორგი ჩახუნაშვილის განცხადება, რომ თურმე ის სამედიცინო მომსახურებას უწევდა ხალხს.

„ქართველი ხალხი შტერი ვგონივართ ამ კონკრეტულ ადამიანსაც. ჩვენ უნდა დავიჯეროთ, რომ ის იქ სამედიცინო ჩანთით დარბოდა და ხელოვნურ სუნთქვას უტარებდა ვინმეს, ეს ხომ სისულელეა“, - განაცხადა შალვა პაპუაშვილმა.

მისივე თქმით, რადიკალები დამარცხდნენ ხელისუფლების დამხობის მცდელობაში.