ტიერი მარიანი: ქართველ ხალხს სურს ევროკავშირში როგორც ქართველებს და არა როგორც გერმანელებს, ფრანგებს ან იტალიელებს. ევროკომისიის ოცნებაა შექმნას ისეთი რეალობა, როგორც კომუნისტების დროს - არ არსებობდეს ერები, განსხვავება, იდენტობა

ევროკომისიის ოცნებაა შექმნას ისეთი რეალობა, როგორც კომუნისტური პერიოდის დროს იყო - იყვნენ ერთნაირი მოქალაქეები, არ არსებობდეს ერები, განსხვავება, იდენტობა, რომ მხოლოდ ისეთი ადამიანები არსებობდნენ, რომლებიც აკეთებენ იმას, რაც მათ სურთ, - განუცხადა „ქრონიკას“ ევროპარლამენტარმა ტიერი მარიანიმ.

მისი თქმით, ევროკომისიის ინსტიტუტში უნდა მოხდეს რევოლუცია, რომ იგი დაუბრუნდეს ხელშეკრულების მთავარ მიზანს, რომ თითოეული ქვეყანა იმსახურებს პატივისცემას.

„ჩვენ უნდა მოვიტანოთ მშვიდობა ევროპაში. ეს ნიშნავს, რომ ეს ომი უნდა შეჩერდეს. სამწუხაროდ, არავინ ფიქრობს, რომ უკრაინა შეძლებს გამარჯვებას. მნიშვნელოვანია ცეცხლის შეწყვეტის შეთანხმების მიღწევა და ომის შეჩერება. თუ ქართველ ხალხს სურს ევროკავშირში შესვლა, მათ სურთ შესვლა, როგორც ქართველებს და არა როგორც გერმანელებს, ფრანგებს ან იტალიელებს. ევროკომისიის ოცნებაა შექმნას ისეთი რეალობა, როგორც კომუნისტური პერიოდის დროს იყო - იყვნენ ერთნაირი მოქალაქეები, არ არსებობდეს ერები, განსხვავება, იდენტობა, რომ მხოლოდ ისეთი ადამიანები არსებობდნენ, რომლებიც აკეთებენ იმას, რაც მათ სურთ. მე ვფიქრობ, რომ ჩვენ ამ ინსტიტუტში უნდა მოვახდინოთ რევოლუცია, რათა დავუბრუნდეთ ხელშეკრულების მთავარ მიზანს, რომ თითოეული ქვეყანა იმსახურებს პატივისცემას. მე მინდა, საქართველო შევიდეს ევროპაში, მაგრამ მინდა, რომ თქვენ შეინარჩუნოთ თქვენი იდენტობა. გარდა ამისა, ახლა პრიორიტეტი უნდა იყოს ომის შეჩერება, რადგან ამჟამად ხელშეკრულების ყველა დარღვევა ამ ომის გამო არის გამართლებული. ჩვენ პატივი უნდა ვცეთ ხელშეკრულებას, რის საფუძველზეც შეიქმნა ევროკავშირი. პატივი უნდა ვცეთ ერებს, თავისუფლებას. ამ შემთხვევაში ექნება ევროპას მომავალი“, - აღნიშნა ევროპარლამენტარმა.