ევროპარლამენტარი კინგა გალი: ჩვენ არ გვინდა ბრიუსელში არსებული ბიუროკრატია, რომელიც ჩვენს ნაცვლად იღებს გადაწყვეტილებებს. ხალხის ნება უნდა იყოს გადამწყვეტი

„ჩვენ არ გვინდა ბრიუსელში არსებული ბიუროკრატია, რომელიც ჩვენს ნაცვლად იღებს გადაწყვეტილებებს. ხალხის ნება უნდა იყოს გადამწყვეტი“, - განაცხადა ევროპარლამენტარმა, პარტია „ფიდესის“ ვიცე-პრეზიდენტმა კინგა გალიმ უნგრეთის პარლამენტში გამართულ პანელურ დისკუსიაზე.

მისი თქმით, „ეწინააღმდეგებიან ეროვნული უფლებების ეტაპობრივ შემცირებას, როცა ბრიუსელის ელიტა ბოროტად იყენებს სამართლებრივ მექანიზმებს და კრიზისებს საკუთარი ძალაუფლების გასაძლიერებლად“.

„დღეს ჩვენ იმ გზაზე ვდგავართ, სადაც უნდა დავიცვათ ჩვენი საერთო ღირებულებები და უზრუნველყოთ ჩვენი სუვერენიტეტი, უსაფრთხოება. გვჯერა ისეთი ევროპის, რომელიც ეფუძნება ძლიერ და სუვერენულ სახელმწიფოებს. ქვეყნებს, რომლებიც თანამშრომლობენ, მაგრამ ინარჩუნებენ საკუთარ ღირებულებებს, ტრადიციებსა და დემოკრატიულ უფლებებს. ჩვენ არ გვინდა ბრიუსელში არსებული ბიუროკრატია, რომელიც ჩვენს ნაცვლად იღებს გადაწყვეტილებებს. ხალხის ნება უნდა იყოს გადამწყვეტი. ვეწინააღმდეგებით ეროვნული უფლებების ეტაპობრივ შემცირებას, როცა ბრიუსელის ელიტა ბოროტად იყენებს სამართლებრივ მექანიზმებს და კრიზისებს საკუთარი ძალაუფლების გასაძლიერებლად, ხოლო ქვეყნების დასასუსტებლად. უნგრეთის მომავალ არჩევნებში არჩევანი მკაფიოა, ან გავაგრძელებთ პატრიოტულ მმართველობას, ან მივიღებთ ბრიუსელიდან მართვად ხელისუფლებას“, - აღნიშნა მან.

საქართველოს საგარეო საქმეთა მინისტრი ბუდაპეშტშია. ვიზიტის ფარგლებში, მაკა ბოჭორიშვილი პატრიოტთა პირველ ასამბლეაში მონაწილეობს.