დავით მათიკაშვილი ნიდერლანდების პარლამენტში „ენჯეოების“ გამოსვლაზე: გარეშე ძალებიდან ცდილობენ მიიღონ სასიცოცხლო ენერგია, რომელიც პირველ რიგში მათი დაფინანსებით გამოიხატება, რომ შემდეგ დესტრუქცია განახორციელონ საკუთარ ქვეყანაში

საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი, ნიდერლანდების პარლამენტში არასამთავრობო ორგანიზაციების წარმომადგენლების სიტყვით გამოსვლას ეხმაურება.

მისი თქმით, რადიკალები ცდილობენ გარე ძალებიდან მიიღონ სასიცოცხლო ენერგია, რასაც დაფინანსება ჰქვია.

„ასე დარბიან ხან ნიდერლანდებში, ხან ბრიუსელში, ხან სხვადასხვა ქალაქში რადიკალები, ქვეყნის მოძულე ძალები და იმის ნაცვლად, რომ საკუთარ ხალხთან იქონიონ კონტაქტი და საკუთარი ხალხი დაარწმუნონ მათი შეხედულებების მართებულობაში, რასაც რა თქმა უნდა ვერ შეძლებენ, ისინი სხვა გარეშე ძალებიდან ცდილობენ მიიღონ ენერგია, სასიცოცხლო ენერგია, რომელიც პირველ რიგში მათი დაფინანსებით გამოიხატება, რომ შემდეგ დესტრუქცია, დეგრადირებული დღის წესრიგი საკუთარ ქვეყანაში ანტიქართული მიმართულებით განახორციელონ“, - განაცხადა დავით მათიკაშვილმა.

არასამთავრობო ორგანიზაციების წარმომადგენლები ამჯერად ნიდერლანდების პარლამენტში გამოვიდნენ სიტყვით. გამომსვლელებს შორის არის ეკა გიგაური, რომელმაც სანქციების მნიშვნელობაზე და დამატებითი მექანიზმების მოძიების აუცილებლობაზე ისაუბრა.