შალვა პაპუაშვილი: „ნაცმოძრაობა“ იქნება, „ახალი“ თუ სხვა ადამიანი, ვინც „ნაცურ“ იდეოლოგიაზე დგას, მხოლოდ მაშინ არიან მომძლავრებული, როცა სხვების დავალებას ასრულებენ ხოლმე, მაშინ არიან შინაგანადაც ბედნიერი - ასხივებენ ხოლმე ამ ბედნიერებას

ყველაზე „ურანაცების“ დამატება თუ უკან დაბრუნება დაიწყეს თავის პარტიაში, რაც თავისთავად აჩვენებს, რომ არ არის საშველი - ამ პარტიას არ ეხება მხოლოდ, - განაცხადა საქართველოს პარლამენტის თავმჯდომარემ მედიასთან.

შალვა პაპუაშვილმა ასე უპასუხა კითხვას „ნაციონალურ მოძრაობის“ განახლების, მათ შორის ნანუკა ჟორჟოლიანის დამატების შესახებ.

„ამ იდეოლოგიას ერთადერთი დანიშნულება აქვს და ამ იდეოლოგიის მიმდევარი ადამიანი ერთადერთ შემთხვევაში არის ძლიერი - „ნაცმოძრაობა“ იქნება, „ახალი“ თუ სხვა ადამიანი, ვინც „ნაცურ“ იდეოლოგიაზე დგას - მხოლოდ მაშინ არიან მომძლავრებული, როცა სხვების დავალებას ასრულებენ ხოლმე, მაშინ არიან შინაგანადაც ბედნიერი - ასხივებენ ხოლმე ამ ბედნიერებას, როდესაც სხვების დავალებას ასრულებენ, ტაშს დაუკრავენ. ეს არის მათი მთავარი კმაყოფილება, რასაც ისინი იღებენ საკუთარი ქცევიდან“, - აღნიშნა პარლამენტის თავმჯდომარემ.