შალვა პაპუაშვილი გახარიას პარტიის ინიციატივებზე: ისევ თავიანთ თავებს აზიანებენ ამ თემით ის ადამიანები, ვინც პარლამენტში არიან, თორემ პარტიასა და გახარიას რაც შეეხებათ, ისედაც დაზიანებულია და მათ არაფერი ეშველებათთ

ისევ თავიანთ თავებს აზიანებენ ამ თემით ის ადამიანები, ვინც პარლამენტში არიან, თორემ პარტიას და გახარიას რაც შეეხება ისედაც დაზიანებულია და მათ არაფერი ეშველებათ, - განაცხადა საქართველოს პარლამენტის თავმჯდომარე შალვა პაპუაშვილმა გახარიას პარტიის ინიციატივაზე, რომელიც „შეკრებებისა და მანიფესტაციების შესახებ“ კანონში ცვლილებების შეტანას გულისხმობს.

პაპუაშვილის შეფასებით, გახარია თავისი პარტიის წევრებს დასცინის, როცა ამ თემაზე ალაპარაკებს.

„გახარიას პარტიასთან დაკავშირებით არაერთხელ ითქვა ეს ფრაზა, რომ „დამხრჩვალის ოჯახში თოკზე არ საუბრობენ". არ ვიცი, დაფიქრდნენ ეს ადამიანები, ისინიც პარლამენტში არიან, რომ გახარია მათ დასცინით ჩვეულებრივად. ადამიანი, რომელიც სწორედ დემონსტრაციის დაშლის დროს ძალის გადამეტების გამო არის ბრალდებული, რომელთან დაკავშირებითაც არსებობს სტრასბურგის სასამართლოს გადაწყვეტილება, რომ არასწორად მოხდა მაშინ პროცესი, შედეგადად ადამიანები დაზიანდნენ. ახლა ეს ადამიანები ამ თემის აქტუალიზებას რომ ახდენენ, უპირველეს ყოვლისა მოქმედებენ საკუთარი თავის წინააღმდეგ. არ ვიცი, ან მაზოხისტები არიან და სიამოვნებთ, რომ მუდმივად შემდეგ მათი თემა გაიხსენოს ყველამ და მათზე ისაუბრონ ან უბრალოდ ასულელებთ მათ გახარია და დასცინის ამ თემების წამოწევით. ისევ თავიანთ თავებს აზიანებენ ამ თემით ის ადამიანები, ვინც პარლამენტში არიან, თორემ პარტიას და გახარიას რაც შეეხება, ისედაც დაზიანებულია და მათ არაფერი ეშველებათ“, - აღნიშნა პაპუაშვილმა.