შოთა ხაბარელი ძიუდოს ფედერაციის საკითხზე თანაგუნდელ თამაზ ნავერიანს დაუპირისპირდა

ქართული ოცნების წევრი შოთა ხაბარელი თანაგუნდელს თამაზ ნავერიანს ნაციონალური მოძრაობის ინტერესებს ემსახურება. მან ნავერიანი ძიუდოს ფედერაციის პრეზიდენტის დავით ქევხიშვილის მფარველობაში დაადანაშაულა. ამის შესახებ ხაბარელმა სპორტისა და განათლების სამინისტროსში ძიუდოს ფედერაციაში მიმდინავე მოვლენებთან დაკავშირებით გამართული შეხვედრის შემდეგ თქვა. ინფორმაციას სააგენტო "ინტერპრესნიუსი" ავრცელებს.

ხაბარელის განცხადებით, თამაზ ნავერიანი, როგორც 2012 წლამდე, ისე რეალურად ახლაც, „ნაციონალურ მოძრაობას“ ემსახურება და ცდილობს პრობლემების შექმნას.

„დღეს თამაზ ნავერიანი პრობლემებს ავითარებს. ამ სხდომაზეც ცდილობდა ქევხიშვილის დაცვას, ვინაიდან ის მისი გუნდის წევრია. კომისიამ ცალსახად თქვა, რომ შეცდომა იყოს დაშვებული მწვრთნელების გათავისუფლების საკითხში და ფინანსური კუთხით. ყველა ერთ აზრზე იყო, გარდა ნავერიანისა. ის ცდილობდა ხმაურის ატეხვას“, – თქვა შოთა ხაბარელმა.

შეხვედრის შემდეგ ძიუდოს ფედერაციის მოვლენებზე კიდევ ერთხელ დააფიქსირა პოზიცია მინისტრმა მიხეილ გიორგაძემ. მან გაიმეორა რამდენიმე დღისწინანდელი განცხადება და თქვა, რომ დავით ქევხიშვილის გადადგომის აუცილებლობას ვერ ხედავს.

27 მაისს ძიუდოისტების ნაწილმა პარლამენტის წინ კიდევ ერთხელ მოითხოვა ქევხიშვილის გადადგომა. 

სპორტსმენების პროტესტი მას შემდეგ დაიწყო, რაც ქართული ძიუდოს ისტორიაში პირველად, ევროპის ჩემპიონატიდან ქართველი ძიუდოისტები უმედლოდ დაბრუნდნენ.

თელ-ავივიდან ნაკრების დაბრუნების შემდეგ კი დავით ქევხიშვილმა სამწვრთნელო შტაბი დაითხოვა.