როგორ ანაზღაურდება სპეციფიკური მედიკამენტებით უზრუნველყოფა

საქართველოს ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს, სოციალური მომსახურების სააგენტოს ვებგვერდზე გავრცელებული ინფორმაციით, სპეციფიკური მედიკამენტებით უზრუნველყოფის სახელმწიფო პროგრამით სარგებლობენ საქართველოს მოქალაქეები და საქართველოში მუდმივად მცხოვრები პირები.

მომსახურება მოიცავს სხვადასხვა დაავდებების მკურნალობას. კერძოდ, დიაბეტის მართვას: დიაბეტით დაავადებულ ბავშვთა მომსახურებას; დიაბეტით დაავადებულ პაციენტთა (ბავშვები და მოზრდილები) მედიკამენტებით უზრუნველყოფას; უშაქრო დიაბეტით დაავადებულთა (ბავშვები და მოზრდილები) მედიკამენტებით უზრუნველყოფას.

იშვიათი დაავადებების მქონე და მუდმივად ჩანაცვლებით მკურნალობას დაქვემდებარებულ პაციენტთა მკურნალობას. კერძოდ. ჰემოფილიით დაავადებულ ბავშვთა და მოზრდილთა მედიკამენტებით უზრუნველყოფა; ფენილკეტონურიით დაავადებულ ბავშვთა სამკურნალო საკვები დანამატით უზრუნველყოფა; მუკოვისციდოზით დაავადებულთა სპეციფიკური მედიკამენტებით უზრუნველყოფა; მემკვიდრული ჰიპოგამაგლობულინემიით (ბრუტონის დაავადება) დაავადებულთა სპეციფიკური მედიკამენტებით უზრუნველყოფა.

პროგრამაში ასევე შედის: ზრდის ჰორმონის დეფიციტისა და ტერნერის სინდრომის მქონე ბავშვთა და მოზარდთა ზრდის ჰორმონით უზრუნველყოფა.

პროგრამის მოსარგებლეები არიან: ჰემოფილიით დაავადებული ბავშვები და მოზრდილები; მუკოვისციდოზით დაავადებული ბავშვები და მოზრდილები; სომატოტროპული ჰორმონის დეფიცის მქონე ბავშვები და მოზრდილები; ფენილკეტონურიით დაავადებული ბავშვები (18 წლამდე); მემკვიდრული ჰიპოგამაგლობულინნემიით (ბრუტონის დაავადება ) დაავადებული ბავშვები (18 წლამდე).

ამასთან, სპეციგიკური მედიკამენტებით უზრუნველყოფის პროგრამა ეხება პაციენტებს, რომლებსაც აქვთ დიალიზი და თირკმლის ტრანსპლანტაცია. სახელმწიფო მათ უზრუნველყოფს ორგანოგადანერგილთა იმუნოსუპრესული მედიკამენტებით. პროგრამა ასევე ითვალისწინებს ჩამანაცვლებელი ნარკოტიკის მიწოდების უზრუნველყოფას შესაბამისი პაციენტებისთვის.

პროგრამის მოსარგებლეთათვის მედიკამენტებით უზრუნველყოფა ხდება უსასყიდლოდ (თანაგადახდის გარეშე).

პროგრამის მოსარგებლეებისათვის მედიკამენტებისა მიწოდება ხორციელდება არამატერიალიზებული ვაუჩერის საშუალებით.

მოსარგებლეებმა გარდა "ინკურაბელურ პაციენტთა პალიატიური მზრუნველობის" და "ნარკომანიის" პროგრამებისა, ვაუჩერის მისაღებად უნდა მიმართონ სააგენტოს ან მის ტერიტორიულ ერთეულს განცხადებით რომელსაც თან უნდა დაურთონ პირადობის დამადასტურებელი დოკუმენტი (პირადობის მოწმობა, საქართველოს მოქალაქის პასპორტი, მუდმივი ბინადრობის მოწმობა); ფორმა №IV-100/ა. წარმომადგენლის მომართვისას - დამატებით, წარმომადგენლის პირადობის დამადასტურებელი დოკუმენტი.