ვინ სარგებლობს და როგორ გაიცემა საყოფაცხოვრებო სუბსიდია

საყოფაცხოვრებო სუბსიდია ყოველთვიური ფულადი სახის გასაცემელია, რომელსაც სახელმწიფო
სხვადასხვა სოციალურ კატეგორიას მიკუთვნებულ პირებისთვის საყოფაცხოვრებო-კომუნალური საჭიროებების უზრუნველსაყოფადგასცემს. დევნილთა, შრომის, ჯანმრთელობისა და სოციალური დაცვის სამინისტროს ინფორმაციით, საყოფაცხოვრებო სუბსიდია ენიშნებათ იმ პირებს, რომლებიც სოციალური მომსახურების სააგენტოში აღრიცხულნი არიან სახელმწიფო პენსიის მიმღებად.

სოციალური მომსახურების სააგენტოს ცნობით, საყოფაცხოვრებო სუბსიდიის მიღების უფლება აქვთ: მეორე მსოფლიო ომის, სხვა სახელმწიფოთა ტერიტორიაზე საბრძოლო მოქმედებისა და საქართველოს ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედების შედეგად მიღებული შეზღუდული შესაძლებლობების მქონე პირებს, გასაცემელი სუფსიდია 44 ლარით განისაზღვრება. ასევა მეორე მსოფლიო ომის მონაწილეებისთვის - 44 ლარი.

საქართველოს ტერიტორიული მთლიანობისა და დამოუკიდებლობისათვის საბრძოლო მოქმედებებში დაღუპულთა შვილებს 18 წლის ასაკამდე, ბავშვობიდან შეზღუდული შესაძლებლობის სტატუსის მქონე შვილებს, ასაკის მიუხედავად, აგრეთვე მეუღლეს, რომელიც შემდეგ აღარ დაქორწინებულა და შრომისუუნარო მშობლებს (თითოეულ ოჯახს) - 44 ლარის ოდენობით,

მეორე მსოფლიო ომის მონაწილეებთან გათანაბრებულ პირებს - 22 ლარის ოდენობით, ასევე 22 ლარით განისაზღვრება სხვა სახელმწიფოთა ტერიტორიაზე საბრძოლო მოქმედებისა და საქართველოს ტერიტორიული მთლიანობისათვის, თავისუფლებისა და დამოუკიდებლობისათვის საბრძოლო მოქმედების მონაწილეებისთვის და მეორე მსოფლიო ომის, სხვა სახელმწიფოთა ტერიტორიაზე საბრძოლო მოქმედებების დროს დაღუპული,  ტერიტორიული მთლიანობისათვის დაღუპული მეომრების ოჯახების 18 წლამდე ასაკის შვილებისთვის, ბავშვობიდან შეზღუდული შესაძლებლობის სტატუსის მქონე შვილებისთვის ასაკის მიუხედავად და შრომისუუნარო მშობლებისთვის.

სააგენტოს ინფორმაციით, სახელმწიფო სუფსიდია, სამხედრო ძალების ვეტერანებს მოხუცებულობის გამო საპენსიო ასაკის მიღწევისას 22 ლარით განისაზღვრება.

ჩერნობილში ბირთვულ ობიექტებზე ავარიული სიტუაციების შედეგების ლიკვიდაციისას დაინვალიდებულ პირები, ობიექტებზე ავარიული სიტუაციების შედეგების ლიკვიდაციის მონაწილეები, ატომურ ელექტროსადგურზე ავარიის შედეგად მარჩენლის დაკარგვისათვის პენსიის მიმღები ოჯახები და პოლიტიკური რეპრესიების მსხვერპლად აღიარებული პირები და მათი ოჯახების შრომისუუნარო წევრები სახელმწიფო სუფსიდიას ირებენ 7 ლარის ოდენობით.

რაც შეეხება თბილისში, 1989 წლის 9 აპრილს, საქართველოს დამოუკიდებლობის მოთხოვნით გამართული მშვიდობიანი აქციის დარბევის შედეგად შეზღუდული შესაძლებლობების მქონე პირებსა და აქციის დარბევის შედეგად დაღუპულთა შრომისუუნარო მშობლებს, შრომისუუნარო მეუღლეს, რომელიც შემდეგ აღარ დაქორწინებულა, არასრულწლოვან შვილს ან/და ნაშვილებს, მათთვის სუბსიდია 44 ლარით განისაზღვრება.

ქ. თბილისში, 1989 წლის 9 აპრილს, საქართველოს დამოუკიდებლობის მოთხოვნით გამართული მშვიდობიანი აქციის დარბევის დროს დაზარალებულ პირები კი 22 ლარს იღებენ.

დაინტერესებულმა მოქალაქემ საყოფაცხოვრებო სუბსიდიის დასანიშნად, უნდა მიმართოს სოციალური მომსახურების სააგენტოს და წარადგინოს შემდეგი დოკუმენტები: საქართველოს მოქალაქის პირადობის დამადასტურებელი დოკუმენტი, შესაბამისი სტატუსის დამადასტურებელი დოკუმენტი.

საყოფაცხოვრებო სუბსიდიის დანიშვნა განხორციელდება პირის მიერ განცხადებისა და საჭირო დოკუმენტის სააგენტოში შეტანის მომდევნო თვის პირველი რიცხვიდან.