კვლევა: რატომ არის აუცილებელი ბავშვს ხელით წერა ვასწავლოთ და არა კლავიატურით

ამერიკის შეერთებული შტატებისა და ფინეთის ზოგიერთი სკოლა უმცროსკლასელებისთვის განკუთვნილი წერის გაკვეთილზე უარს ამბობს. ისინი თვლიან, რომ პირველკლასელის ლამაზი ხელწერა წარსულის გადმონაშთია. თუმცა აღმოჩნდა, რომ ბავშვისთვის ხელით წერის სწავლა მისთვის მეტყველების, წვრილი მოტორიკისა და თვალის საზომის განვითარებაში დახმარებას ნიშნავს. ამის შესახებ პორტალი edu.aris.ge წერს.

გამოცემის ცნობით, რაც უფრო უკეთესად წერ, მით უფრო სწრაფად კითხულობ. ასევე გრამატიკულად სწორად საუბრობ! ტვინის ზონები, რომლებიც პასუხისმგებელნი კითხვაზე არიან, საუკეთესოდ სწორედ წერის დროს ვითარდება.

ხელით წერის სარგებელი დაწერილი ტექსტის ამოცნობაცაა. აღმოჩნდა, რომ ტვინი გაცილებით დიდ სამუშაოს ხელით დაწერილი ტექსტის წაკითხვის დროს ასრულებს. აბსტრაქტული აზროვნება და ფანტაზია კალმისა და რვეულის საშუალებით ვითარდება

მეცნიერების მიერ ჩატარებული კვლევები ადასტურებს, რომ წარმოსახვა ბევრად უფრო აქტიურად მუშაობს, როცა ტექსტი ხელით იწერება. თუ იმავე წინადადებას კომპიუტერში აკრეფთ, სავარაუდოდ, საერთოდ ვერ გაიგებთ რაზეა მასში საუბარი.

პირველკლასელის ლამაზი ხელწერა კარგი სწავლის საწინდარია. კვლევებმა აჩვენა, რომ მეხსიერება ხელით წერის უნართან მჭიდროდ არის დაკავშირებული. ჯერ კიდევ   200 წლის წინ ბავშვებს სასწავლო დაწესებულებაში ასე ასწავლიდნენ: აძლევდნენ ლექსებსა და წიგნებს განსხვავებულ ენაზე, მოსწავლეები კი მათ ხელით იწერდნენ. ამ ყველაფრის შედეგი შესანიშნავი მეხსიერება და სტრიქონების გახსენების უნარია.

თანამედროვე მეცნიერებიც ამტკიცებენ, რომ ხელით წერის უნარი და ინფორმაციის უკეთესად დამახსოვრება ერთმანეთს პირდაპირ უკავშირდება.