მამუკა ბახტაძე სტრასბურგის თავდასხმის გამო ფრანგ ხალხს უსამძიმრებს

საქართველოს პრემიერმინისტრი მამუკა ბახტაძე სტრასბურგის საშობაო ბაზრობაზე დატრიალებული ტრაგედიის გამო მწუხარებას გამოთქვამს და ფრანგ ხალხს უსამძიმრებს. ამის შესახებ ის Twitter-ში წერს.

"ღრმად დამწუხრებული ვარ სტრასბურგის საშობაო ბაზრობაზე საშინელი თავდასხმის გამო. ჩვენი ფიქრები მიმართულია ყველა იმ ადამიანისკენ, ვისზეც ეს არაადამიანური ქმედება და შეტევა განხორციელდა. ქართველი ხალხი ამ მძიმე მომენტში ფრანგი ხალხის გვერდით დგას”, - წერს საქართველოს პრემიერი.

Deeply saddened by the horrendous attack on #Strasbourg Christmas market. Our thought are with all those affected by this inhuman act. #Georgia stands with the #French people in this difficult time.

— Mamuka Bakhtadze (@BakhtadzeMamuka) December 12, 2018

სტრასბურგში საშობაო ბაზრობასთან სროლა გუშინ მოხდა. 3 მოკლული და 12 დაჭრილი- ასეთია სტრასბურგში მომხდარი სროლის ბოლო მონაცემები. უსაფრთხოების მიზნით, მიმდებარე ტერიტორიაზე მოსახლეობის ევაკუაცია განხორციელდა.

თავდამსხმელი საფრანგეთში დაიბადა და ამ ქვეყნის მოქალაქეა, თუმცა წარმოშობით მაროკოდან არის. შინაგან საქმეთა სამინისტროს ცნობით, კაცი, რომელმაც საშობაო ბაზრობაზე ცეცხლი გახსნა, შეიარაღებული და სავარაუდოდ დაჭრილია. ის ჯერჯერობით პოლიციას არ დაუკავებია.