Imedi /  11 აპრილი 2019, 00:15 / სანდო წყარო

ევროსაბჭოში საქართველოს გაწევრიანების 20 წლის იუბილე სტრასბურგში საზეიმო მიღებით აღნიშნეს

მამუკა ბახტაძე

მამუკა ბახტაძე

საქართველოს პრემიერ-მინისტრმა მამუკა ბახტაძემ, ევროსაბჭოში საქართველოს გაწევრიანების 20 წლის იუბილესთან დაკავშირებით, ევროსაბჭოს საპარლამენტო ასამბლეის პრეზიდენტს, ევროსაბჭოს გენერალურ მდივანს, მაღალი რანგის სტუმრებსა და საქართველოს მეგობრებს საზეიმო მიღებაზე უმასპინძლა. ინფორმაციას პრემიერის პრესსამსახური ავრცელებს.

ამავე წყაროს ინფორმაციით, საზეიმო მიღებაზე გამოფენილი იყო საქართველოს პარლამენტის 100 წლის იუბილესთან დაკავშირებული ექსპონატები და ევროსაბჭოში საქართველოს გაწევრიანების ამსახველი ფოტოები. პრემიერმა სტუმრებს ასევე წარუდგინა ევროსაბჭოს დაარსებიდან 70 წლის იუბილისა და ორგანიზაციაში საქართველოს გაწევრიანების 20 წლის იუბილისადმი მიძღვნილი საფოსტო მარკა, რომელიც საქართველოში წელს გამოვა. სტუმრებისთვის ქართული ხალხური სიმღერები შეასრულა ანსამბლმა “რუსთავმა”.

ღონისძიებაზე სიტყვით გამოსვლისას მთავრობის მეთაურმა აღნიშნა, რომ საქართველო თანამედროვე, დემოკრატიულ და დინამიურ სახელმწიფოდ გარდაიქმნა. 

საქართველოს მიღწევებზე გაამახვილა ყუადღება ევროპის საბჭოს საპარლამენტო ასამბლეის პრეზიდენტმა ლილიენ მორი პასკიემ. 

“დღეს ყველანი შევიკრიბეთ ევროსაბჭოში საქართველოს გაწევრიანების 20 წლის იუბილის აღსანიშნავად. ამ 20 წლის განმავლობაში ვიხილეთ როგორ უმკლავდებოდა ქვეყანა ბევრ გამოწვევას და ვითარდებოდა ჩვენთან ერთად. საქართველო ჩვენი ოჯახის 41-ე წევრი ქვეყანა გახდა 1999 წელს - ახალი ათასწლეულის გარიჟრაჟზე. მას შემდეგ ბევრჯერ გვინახავს, როგორ იღწვის ქვეყანა დემოკრატიის გაძლიერების, სამართლის უზენაესობისა და ადამიანის უფლებების დაცვის მიმართულებით. გავაგრძელებთ თქვენს დახმარებას და ხელშეწყობას მომავალში ერთად დაწინაურების მიზნით. გვიხარია და ვამაყობთ, რომ ჩვენი ევროპული ოჯახის წევრი ხართ“, - განაცხადა ლილიენ მორი პასკიემ.

საქართველოსთან თანამშრომლობა ევროპის საბჭოს გენერალურმა მდივანმა ტორბიორნ იაგლანდმაც შეაფასა.

„საქართველოს მთავრობა წარმოადგენს ევროპის საბჭოსთან ნაყოფიერი თანამშრომლობის საუკეთესო მაგალითს. ჩვენ გავაგრძელებთ თანამშრომლობას. ძალიან სასიხარულოა, რომ გვქონდა საქართველოს კონსტიტუციის ახალი რედაქციის შემუშავებაში თანამშრომლობის შესაძლებლობა. შედეგად, დღეს საქართველო არის სრულფასოვანი საპარლამენტო დემოკრატიის მქონე ქვეყანა. ქვეყნის სუვერენიტეტის დაცვის საუკეთესო გზა მდგომარეობს ძლიერი ინსტიტუტების და ბალანსისა და კონტროლის მექანიზმების უზრუნველყოფაში, რომელთაც მოსახლეობა ენდობა. თქვენ ამ გზაზე წარმატებას მიაღწიეთ. ჩვენ მომავალშიც დაგიჭერთ მხარს ამ მხრივ”, - აღნიშნა ტორბიორნ იაგლანდმა.

ყველა სიახლე

ლევან იოსელიანი

04 მარტი 2021, 10:59

პოლიტიკა

ლევან იოსელიანი: ჩვენი ამოცანაა, რომ ყველასთვის მისაღები, უკეთესი კანონი მივიღოთ და ამ ცვლილებებმა არჩევნები უკეთესი უნდა გახადოს

საარჩევნო რეფორმაზე მუშაობას ვაგრძელებთ, რაც იმას ნიშნავს, რომ მესამე მოსმენით მიღებამდე შესაძლებელია ნებისმიერი ცვლილება შევიდეს. ეს იქნება არასამთავრობო ორგანიზაციების რეკომენდაციები, თუ პოლიტიკური პარტიების მოსაზრებები. შესაძლებელია, ყველაფერი იყოს გათვალისწინებული, - ამის შესახებ „მოქალაქეების“ წევრმა, ლევან იოსელიანმა განაცხადა. მისივე თქმით, ერთ-ერთი მთავარი ამოცანაა, რომ მიღებულმა კანონმა არჩევნები უკეთესი გახადოს.

ლევან იოსელიანი

04 მარტი 2021, 10:56

პოლიტიკა

ლევან იოსელიანი: ვიწრო პოლიტიკური და პირადი ინტერესი ქვეყნის ინტერესის სასარგებლოდ უნდა იყოს დაძლეული

იმედი მაქვს, რომ შეთანხმება მოხდება, რადგან ეს არის სიტუაცია, სადაც კომპრომისის გარეშე ქვეყანა დაზარალდება, - ამის შესახებ „მოქალაქეების“ წევრმა, ლევან იოსელიანმა განაცხადა. მისივე თქმით, მოლაპარაკებისთვის ორივე მხარემ უნდა გადადგას კონკრეტული ნაბიჯები.

04 მარტი 2021, 10:53

COVID19

კორონავირუსით ინფიცირებულებიდან, 87 ხელოვნური სუნთქვის აპარატზე იმყოფება

ამ ეტაპზე მძიმე პაციენტია 249 პირი, მათ შორის, თბილისში - 106, აჭარაში - 23, იმერეთში - 64. ხელოვნური სუნთქვის აპარატზე იმყოფება 87 პირი, მათგან თბილისში - 61, აჭარაში- 2, იმერეთში - 10. 150 ადამიანი მოთავსებულია კლინიკურ-სასტუმროებში, მათ შორის 101 - თბილისში, 33 - აჭარაში, 9 - იმერეთში. 636 პირი ვირუსის მკურნალობის კურსს გადის საცხოვრებელ ბინაზე.

04 მარტი 2021, 10:52

COVID19

კოვიდინფიცირების ახალი შემთხვევებიდან 78 თბილისში, 20 კი იმერეთში გამოვლინდა

„დღეს ქვეყანაში გამოვლენილი ინფიცირების 133 ახალი შემთხვევიდან: თბილისში გამოვლენილია 78შემთხვევა, აჭარა - 3, იმერეთი - 20, ქვემო ქართლი - 1, შიდა ქართლი - 8, გურია - 3, სამეგრელო - ზემო სვანეთი -14, კახეთი - 2, მცხეთა-მთიანეთი - 1, სამცხე-ჯავახეთი - 1, რაჭა-ლეჩხუმი და ქვემო სვანეთი - 2“, - აღნიშნულია გავრცელებულ ინფორმაციაში.

04 მარტი 2021, 10:49

COVID19

საქართველოში კორონავირუსი კიდევ 133 ადამიანს დაუდასტურდა, 276 კი გამოჯანმრთელდა

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

კორონავირუსი

04 მარტი 2021, 10:48

COVID19

ბოლო 24 საათში საქართველოში 12 კოვიდინფიცირებული გარდაიცვალა

ბოლო 24 საათში საქართველოში კორონავირუსით 12 ადამიანი გარდაიცვალა. პანდემიის გავრცელებიდან დღემდე ვირუსს ჯამში 3,553 პირი ემსხვერპლა.

04 მარტი 2021, 10:47

COVID19

როგორია კოვიდინფიცირების დადებითობის დღიური მაჩვენებელი საქართველოში

დადებითობის მაჩვენებელი ნიშნავს, ტესტირებულთა საერთო რაოდენობის რამდენ პროცენტს დაუდგინდა კორონავირუსი. როგორც მთავრობის ადმინისტრაციაში აცხადებენ, სწორედ ამ მაჩვენებელზეა დამოკიდებული იმ შეზღუდვების მოხსნა ან შემსუბუქება, რომლებიც ქვეყანაში ამ დრომდე მოქმედებს. სტაბილური ეპიდვითარების პირობებში, დადებითობის მაჩვენებელი 4%-ს არ უნდა აღემატებოდეს.

შალვა პაპუაშვილი

04 მარტი 2021, 10:35

პოლიტიკა

შალვა პაპუაშვილი: ოპოზიციური პარტიების მხრიდან პროტესტის ფორმის შეცვლა დათმობა არ არის, ეს პოლიტიკოსების პასუხისმგებლობაა

დიალოგის პროცესის მიმართ არაკონსტრუქციული მიდგომა არასწორი ქმედებაა და როცა ამაზე ხელს იღებენ, კონსტრუქციული დიალოგის რეჟიმზე გადადიან და უარს ამბობენ პროტესტის იმ ფორმაზე, რაც იყო ორი დღის წინ, ეს არა დათმობა, არამედ ნორმალურ კალაპოტში მოქცევაა, რაც პოლიტიკური პარტიების პასუხისმგებლობა ისედაც არის, – ამის შესახებ საპარლამენტო უმრავლესობის წევრმა შალვა პაპუაშვილმა ოპოზიციაზე საუბრისას განაცხადა.

კაპიტოლიუმი უსაფრთხოება

04 მარტი 2021, 10:35

მსოფლიო

აშშ-ის კაპიტოლიუმში უსაფრთხოების ზომები შესაძლო შეჭრის გამო გამკაცრდა

ამის მიზეზი დაზვერვის მიერ მიღებული ინფორმაცია გახდა იმის შესახებ, რომ შენობაში შეჭრა იგეგმება. პოლიცია სხვა დეტალებზე არ საუბრობს, თუმცა მოსახლეობას არწმუნებს, რომ კონგრესმენთა და სენატორთა უსაფრთხოების დასაცავად ყველა ზომას იღებს.

04 მარტი 2021, 10:32

COVID19

გერმანიაში კორონავირუსის 11,912 შემთხვევა გამოვლინდა

გერმანიაში გასული დღე-ღამის განმავლობაში კორონავირუსის 11,912 ახალი შემთხვევა დადასტურდა, ხოლო 359 ადამიანი ვირუსს ემსხვერპლა. ამის შესახებ ინფორმაციას რობერტ კოხის ინსტიტუტი ავრცელებს. პანდემიის დაწყებიდან დღემდე, გერმანიაში კორონავირუსის 2,471,942 შემთხვევა გამოვლინდა, ხოლო 71,240 ადამიანი გარდაიცვალა.

04 მარტი 2021, 10:25

სამართალი

ჯარისკაცის გარდაცვალებასთან დაკავშირებით ახალი დეტალები გახდა ცნობილი

„როგორც ვიცით ეს უბედური შემთხვევა მეგობარ გოგოსთან დაკავშირებით მოხდა, [ჯარში] ანერვიულების ფაქტის არანაირი შემთხვევა არ ყოფილა, პირიქით ძალიან კარგი ურთიერთობა ჰქონდა ბიჭებთანაც, სერჟანტებთანაც, ოფიცრებთანაც“, - განაცხადა გარდაცვლილი სამხედროს ძმამ.

შალვა პაპუაშვილი

04 მარტი 2021, 10:22

პოლიტიკა

შალვა პაპუაშვილი: საარჩევნო რეფორმაზე სამუშაო ჯგუფი კვლავ განაგრძობს მუშაობას, რომ ეს პროექტი დაიხვეწოს

„საარჩევნო რეფორმაზე სამუშაო ჯგუფი კვლავ განაგრძობს მუშაობას, რომ ეს პროექტი დაიხვეწოს. დაახლოებით ორი თვეა წინ, ვიდრე პარლამენტი კანონპროექტს სამი მოსმენით მიიღებს. ჩვენ ველოდებით, ეუთო/ოდირის დასკვნას 31 ოქტომბრის არჩევნებთან დაკავშირებით და ვაპირებთ, თავად ეს პროექტი გავაგზავნოთ ეუთო/ოდირში, რომ რეკომენდაციები მივიღოთ.

04 მარტი 2021, 10:18

რეგიონი

გომი-საჩხერე-ჭიათურა-ზესტაფონის გზაზე მისაბმელიანი ავტოტრანსპორტის მოძრაობა აღდგა

„შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზაზე მისაბმელიანი ავტოტრანსპორტის მოძრაობა აღდგა და ამ ეტაპზე, ყველა სახის ავტოტრანსპორტის მოძრაობა თავისუფალია“,- აღნიშნულია გავრცელებულ ინფორმაციაში.

არჩილ თალაკვაძე

04 მარტი 2021, 10:10

საზოგადოება

არჩილ თალაკვაძე: ძალიან ვწუხვარ წარმატებული ბიზნესმენის, „ლოპოტა სპა რეზორტის“ დამფუძნებლის გოგა მაისურაძის გარდაცვალების გამო

საქართველოს პარლამენტის თავმჯდომარე არჩილ თალაკვაძე, „ლოპოტა სპა რეზორტის“ დამფუძნებლის გოგა მაისურაძის გარდაცვალების გამო მწუხარებას გამოთქვამს და მის ოჯახს უსამძიმრებს.

სიმფსონები

04 მარტი 2021, 09:55

კულტურა

Fox-მა ანიმაციური სერიალი „სიმფსონები“ კიდევ ორი სეზონით გაახანგრძლივა

„სიმფსონებს ძალიან უხარიათ, რომ გაგრძელდებიან. ისინი ბევრ სიურპრიზს შემოგთავაზებენ: ჰომერი დაკარგავს თმას, მილჰაუსი გაიკეთებს კონტაქტურ ლინზებს, ბარტი კი 33-ედ აღნიშნავს თავის მე-10 იუბილეს“, - ამბობს სერიალის შემქმნელი მეთ გრენინგი.

ანდრეი ბაბიში

04 მარტი 2021, 09:45

პოლიტიკა

ჩეხეთის პრემიერ-მინისტრი ირაკლი ღარიბაშვილს პრემიერ-მინისტრის თანამდებობაზე დანიშვნას ულოცავს

„თქვენო აღმატებულებავ! გილოცავთ საქართველოს პრემიერ-მინისტრის თანამდებობაზე დანიშვნას და პარლამენტის მხრიდან ნდობის გამოცხადებას. ძალიან ვაფასებ პოზიტიურ, მეგობრულ ურთიერთობებს ჩეხეთის რესპუბლიკასა და საქართველოს შორის. ვიმედოვნებ, ეს ურთიერთობები მომავალშიც გაღრმავდება საერთო ინტერესების ყველა სფეროში. გიდასტურებთ ჩეხეთის რესპუბლიკის მხრიდან საქართველოს რეფორმების მხარდაჭერას, განსაკუთრებით კანონის უზენაესობის და დემოკრატიული ღირებულებების დაცვის, ასევე ევროატლანტიკური ინტეგრაციის მიმართულებით. გისურვებთ წარმატებას თქვენს საპასუხისმგებლო საქმიანობაში“, - აღნიშნულია ჩეხეთის პრემიერ-მინისტრის ოფიციალურ მილოცვაში.

მიანმარი აქცია

04 მარტი 2021, 09:31

მსოფლიო

​მიანმარში პოლიციის მიერ საპროტესტო აქციების დაშლის შედეგად ათობით ადამიანი დაიღუპა

გაეროს შეფასებით, ეს ყველაზე „სისხლიანი დღე“ იყო ქვეყანაში სამხედრო გადატრიალების შემდეგ.დაღუპულთა შორის 14, 17 და 19 წლის მოზარდებიც არიან. აქციის მონაწილეები სამხედრო მმართველობის დასრულებასა და ქვეყნის არჩეული ლიდერების გათავისუფლებას ითხოვდნენ, რომლებიც სამხედროებმა დააკავეს.

Facebook

04 მარტი 2021, 09:09

ტექნოლოგიები

Facebook-ი პოლიტიკურ რეკლამაზე შეზღუდვებს ხსნის

„4 მარტიდან ვხსნით შეზღუდვებს პოლიტიკასა და არჩევნებთან დაკავშირებულ რეკლამაზე. 2020 წლის ნოემბერში ჩვენ ეს შეზღუდვები იმის გამო დავაწესეთ, რომ თავი აგვერიდებინა არჩევნების შემდგომ პერიოდში ჩვენი სერვისის ბოროტად გამოყენებისა და გაუგებრობებისგან. ბოლო თვეებში ჩვენ უკეთ შევისწავლეთ ამ ტიპის რეკლამის თავისებურებები და ვმუშაობთ გარკვეულ ცვლილებებზე, რომელიც ჩვენს სერვისში აუცილებლად შევა“, - ნათქვამია კომპანიის განცხადებაში.

მაიკ პომპეო

04 მარტი 2021, 08:59

მსოფლიო

მაიკ პომპეო 2024 წელს საპრეზიდენტო არჩევნებში მონაწილეობას არ გამორიცხავს

„მე ყოველთვის მზად ვიყავი ბრძოლისთვის. ჩვენ დიდი ხანია კონსერვატიული მოძრაობის ნაწილი ვართ და ვზრუნავთ ამერიკაზე. რაც შეეხება ჩემს კანდიდატურას, არ გამოვრიცხავ, 2024 წლის არჩევნებში მივიღო მონაწილეობა, მხოლოდ იმ შემთხვევაში, თუ დონალდ ტრამპი არ დააყენებს საკუთარ კანდიდატურას“, - აღნიშნა პომპეომ.

პაატა იმნაძე

04 მარტი 2021, 08:50

COVID19

პაატა იმნაძე: მსოფლიო ბაზარზე ვაქცინების დეფიციტია

„ჯანმო-ს მიერ აღიარებული, ვაქცინების ერთ-ერთი ყველაზე დიდი მწარმოებელი არის ინდოეთი, საიდანაც ახლა ყველაზე მეტი შანსია ვაქცინების მიღების. ასევე მიდის გარკვეული მოლაპარაკებები ჩინურ მხარესთანაც და დასავლელ პარტნიორებთან. იყო ასეთი დაპირება მაგრამ სამწუხაროდ თვითონ ევროპის ქვეყნები ვერ იღებენ საკმარისი რაოდენობის ვაქვინებს, რომ ჩვენც გვიწილადონ. ამჟამად ჩვენ ორი კომპანიისაგან ველოდებით მოწოდებას. რომელი რომელს დაასწრებს, ვერ გეტყვით. ჩვენ ორივეს მისაღებად მზად ვართ. სხვადასხვა ტემპერატურული რეჟიმი სჭირდება მათ, მაგრამ ორივეს მისაღებად და ვაქცინაციის სასწრაფოდ დასაწყებად ქვეყანა დიდი ხანია მზად არის“, - განამრტავს იმნაძე.