imedi /  28 იანვარი 2020, 16:50 / სანდო წყარო

პრეზიდენტი: გაყინული კონფლიქტების, ღია ომისა ოკუპირებული ტერიტორიების მიუხედავად საქართველომ გაიკვალა გზა ევროკავშირისა და ნატოსკენ

სალომე ზურაბიშვილი

სალომე ზურაბიშვილი

სალომე ზურაბიშვილი სტრასბურგში, ევროპის საბჭოს საპარლამენტო ასამბლეაზე სიტყვით გამოვიდა. საქართველოს პრეზიდენტმა ქვეყნის მიღწევებზე, პრიორიტეტებსა და გამოწვევებზე გაამახვილა ყურადღება.

„შარშან საქართველომ ევროპის საბჭოში თავისი წევრობის 20 წლისთავი აღნიშნა. 11 წლით ადრე კი მან დამოუკიდებლობა აღიდგინა. დღეს რთული წარმოსადგენია, სად ვიყავით და როგორ სწრაფად მოხდა ეს რევოლუცია. დიდი გზა გავიარეთ. ევროპის საბჭოში გაწევრიანება ჩვენი საზოგადოების ტრანსფორმაციის, ადამიანების გათავისუფლების, პოლიტიკური სისტემის დემოკრატიზაციის, დემოკრატიული ინსტიტუტების ჩამოყალიბებისა და კანონის უზენაესობაზე დაფუძნებული სახელმწიფოს შექმნის დასაწყისი იყო.  გზა, რომელიც პასუხობდა ჩვენი საზოგადოების თავისუფალ ნებას; არჩევანი, რომელიც არ შეცვლილა და დღემდე რჩება ჩვენი შთაგონების წყაროდ, უფრო და უფრო გვაახლოებს ევროპაში ინტეგრაციასთან"- აღნიშნა პრეზიდენტმა. 

სალომე ზურაბიშვილის თქმით, ისტორიისთვის ამ მოკლე დროში საქართველომ პოსტსაბჭოთა ქვეყნიდან ძლიერ და აქტიურ დემოკრატიად გადაქცევა მოახერხა. ის ჩამოყალიბდა სახელმწიფოდ, რომელსაც ძლიერი ინსტიტუტები, თავისუფალი ეკონომიკა, მდგრადი ეკონომიკური ზრდა აქვს და ავითარებს სოციალურ და ჯანდაცვის სისტემებს. მთლიანობაში.

„ჩვენი ქვეყანა სტაბილური გარემოს მქონეა. მიუხედავად ყველაფრისა: გაყინული კონფლიქტებისა და ღია ომის, ოკუპირებული ტერიტორიების, დესტაბილიზაციის მუქარისა და მცდელობების მიუხედავად - საქართველომ გაიკვალა გზა ევროკავშირისა და ნატოსკენ. ჩვენ შევძელით წევრობისთვის საჭირო რეფორმების გატარება, მიუხედავად იმისა, რომ მკვეთრი ცვლილებები მოსახლეობისთვის ხშირად მტკივნეული იყო. ჩვენ დიდი ძალისხმევით ვმოძრაობთ ერთადერთი მიმართულებით, რომელსაც მხარს უჭერს მოსახლეობის აბსოლუტური უმრავლესობა. ევროპასთან ასოცირების ხელშეკრულება, თავისუფალი სავაჭრო სივრცის შესახებ შეთანხმება, უვიზო რეჟიმი ჩვენს მიღწევებზე მიუთითებს და ხაზს უსვამს იმას, რომ საქართველო სანდო პარტნიორია. ჩვენ ვიცით, რომ გზის დასასრულამდე არ მიგვიღწევია. იმისათვის, რომ რეფორმების ბოლო ტალღა განვახორციელოთ, საჭირო იქნება მეტი პოლიტიკური ნება. ბოლო მონაკვეთი ყველაზე რთულია, მაგრამ, ამავე დროს, დიდი ჯილდოც მოაქვს",- განაცხადა ზურაბიშვილმა.

მიღწევების, გამოწვევებისა და სამომავლო ნაბიჯების შესახებ საუბრისას პრეზიდენტმა განსაკუთრებული ყურადღება ადამიანის უფლებებზე გაამახვილა.

„2018 წელს მიღებული კონსტიტუცია ჩვენი დემოკრატიული განვითარების შემდგომ საფეხურს განსაზღვრავს. ჩვენ ადამიანის უფლებების დაცვის ვალდებულება ავიღეთ - ფუნდამენტურ უფლებებსა და თავისუფლებებს დაემატა ახალი - სოციალური, ეკონომიკური და გარემოსდაცვითი უფლებები, და ეს საქართველოს თანამედროვე და პროგრესული ევროპული ქვეყნების გვერდით აყენებს.  

გარემოსდაცვითი უფლებები, კონკრეტულად კი - ეკოლოგიური ზიანისგან მოქალაქეების დაცვა ის პრიორიტეტია, რომელთან გამკლავებასაც ბევრი ქვეყანა ახლა სწავლობს. მჯერა, რომ ჩვენს პლანეტაზე ზრუნვა მოითხოვს ერთობლივ ძალისხმევას გეოგრაფიულ, პოლიტიკურ და საზოგადოებრივ დონეზე. ამიტომაც გასაკვირი არ არის, რომ საქართველომ თავისი პრეზიდენტობის პერიოდში ერთ-ერთ პრიორიტეტად სწორედ ადამიანის უფლებები და გარემოს დაცვა აირჩია. ამ პრიორიტეტის განხორციელებას ჩვენ არა მარტო პრეზიდენტობის პერიოდში ვაპირებთ, არამედ შემდეგაც. ევროპის საბჭოში გაერთიანების შემდეგ საქართველო 89 კონვენციასა და პროტოკოლს მიუერთდა. მათ შორის მინდა განსაკუთრებით აღვნიშნო  ევროპული კონვენცია ქალთა მიმართ ძალადობისა და ოჯახში ძალადობის პრევენციისა და აღმოფხვრის შესახებ"-აღნიშნა პრეზიდენტმა.

მისივე თქმით, 2019 წელს საქართველომ ადამიანის უფლებების დაცვისთვის რამდენიმე მნიშვნელოვანი კანონი მიიღო.  

„ვამაყობ, რომ საქართველო იმ მცირერიცხოვან ქვეყნებს შორისაა, რომლებმაც თანასწორობის უზრუნველყოფისთვის მნიშვნელოვანი ნაბიჯი გადადგეს და შემოიღეს სექსუალური შევიწროების განსაზღვრება და ამ ქმედების აკრძალვა. მართალია, საზოგადოებას ერთგვარად უჭირს ამ პირობების აღიარება, მაგრამ უფრო მეტმა ადამიანმა გაიაზრა თავისი უფლებები, განსაკუთრებით - სამსახურში. 

ბავშვის უფლებათა კოდექსის მიღება მკაფიო ნიშნული გახდა ბავშვის დაცვის, მისი კეთილდღეობის უზრუნველყოფისა და სახელმწიფო სისტემების გაძლიერების კუთხით. კოდექსით განისაზღვრა ბავშვის ჩართულობის გარანტიები მასთან დაკავშირებული გადაწყვეტილებების მიღების პროცესში. ამ ეტაპზე სახელმწიფო შესაბამისი სისტემების ჩამოყალიბების პროცესშია.   

ახლახან შრომის უსაფრთხოების შესახებ მიღებული ახალი კანონი  წინ გადადგმული ნაბიჯია. იგი ადგენს დაცვის მაღალ სტანდარტებს, აწესებს ეფექტიან სანქციებს, აფართოებს შრომის ინსპექტირების მანდატს და მიზნად ისახავს შრომის კულტურის შეცვლას. კანონი შრომის საერთაშორისო ორგანიზაციის რეკომენდაციებსა და ევროკავშირის შესაბამის დირექტივებს ასახავს. მთავრობა ახლა უკვე შრომის ინსპქტირების გაძლიერებაზე მუშაობს, რათა სათანადო სტანდარტების განხორციელება უზრუნველყოს. პრაქტიკაში მათი ზედმიწევნით განხორციელება დამოკიდებული იქნება ინსპექტირებისა და მონიტორინგის სისტემის ეფექტიანობაზე. 

ადამიანის უფლებებს მუდმივი დაცვა სჭირდება. აქ კიდევ ერთხელ მინდა განსაკუთრებით აღვნიშნო კანონი დისკრიმინაციის ყველა ფორმის აღმოფხვრის შესახებ, რომელიც უმცირესობების უფლებებს იცავს"-განაცხადა პრეზიდენტმა.

ამასთან, ზურაბიშვილმა სიტყვით გამოსვლისას აღნიშნა, რომ საზოგადოებისთვის უხერხულ საკითხად რჩება სექსუალური უმცირესობების მიერ მათი უფლებების საჯაროდ დაცვა. „ლგბტ საზოგადოების მიერ საჯარო გამოსვლების (პრაიდის) მიმართ საზოგადოების უარყოფითი დამოკიდებულება ეფუძნება როგორც რელიგიურ ტრადიციებს, ისე საბჭოთა პურიტანიზმის კვალს. ხლისუფლება ყველაფერს აკეთებს საიმისოდ, რომ დაცულ იქნას ეს უფლებები და გამოხატვის თავისუფლება, თავიდან იქნას აცილებული კონფლიქტი  სხვადასხვა სოციალურ ჯგუფს შორის. სამართალდამცველებმა მოახერხეს ამ სიტუაციების მართვა. ისინი ეფექტიანად იცავენ უმცირესობებს ფიზიკური ძალადობისგან. 

სიტყვისა და გამოხატვის თავისუფლება საქართველოს კონსტიტუციით გარანტირებული და სრულად დაცულია. მაგრამ რეალობა კანონმდებლობის ჩარჩოებს სცდება: თავისუფლებას არ აქვს საზღვარი, რაც ხშირად საზოგადოებას სიძულვილის ენით ამძიმებს. კონტროლის მექანიზმისა და თვითრეგულირების არქონა კი, როგორც სხვაგან, საქართველოშიც ართულებს სოციალურ გარემოს. როგორც თავისუფალ, განვითარებულ ქვეყნებში ხდება, სოციალურ მედიაში გამოხატვის თავისუფლება იქაც პასუხისმგებლობის შეგრძნების გარეშე ხორციელდება, იგი ხშირად ანონიმურია და ისედაც პოლარიზებულ საზოგადოებაში დაძაბულობის მატებას უწყობს ხელს"- განაცხადა პრეზიდენტმა.

მისივე თქმით, დღეს მედია ორგანიზაციები და სოციალური მედია სრული თავისუფლებით სარგებლობს. თითქმის არც ერთი ორგანიზაცია არ დაჯარიმებულა სასამართლოს მიერ, ან არ გაუკრიტიკებია საზოგადოებას.

„ოპოზიციური არხის - „რუსთავი-2-ის“ საკუთრების დავა, რომელიც სასამართლოში იხილებოდა, წარმოდგენილ იქნა, როგორც ხელისუფლების მხრიდან არხის გაკონტროლების ან დახურვის მცდელობა. ამ დროს კი პირიქით მოხდა, - განხილვის პერიოდში საგადასახადო უწყებამ თავი შეიკავა დაგროვილი დავალიანების (23 მილიონი ლარის) ამოღებისგან. საქმე განიხილა როგორც საქართველოს უზენაესმა სასამართლომ, ისე ევროპის ადამიანის უფლებების სასამართლომ. 2019 წლის ივლისის გადაწყვეტილებით სტრასბურგის სასამართლომ დაადგინა, რომ „რუსთავი-2-ის“ მიმართ არც ერთი უფლება არ იყო დარღვეული, მათ შორის - არც სამართლიანი სასამართლოს უფლება, რაც ქართული მართლმსაჯულების მიუკერძოებლობის ერთ-ერთი  დადასტურება იყო. 

მიუხედავად სახელმწიფოს მიერ არხის ჩამორთმევად წარმოჩენილი გადაწყვეტილების მიმართ მრავალწლიანი პროტესტისა, სტრასბურგის სასამართლოს   გადაწყვეტილებით არხი ლეგიტიმურ მესაკუთრეს დაუბრუნდა. დრამატული პროგნოზებისგან განსხვავებით, არხის მესაკუთრის ცვლილებით არ შეცვლილა სარედაქციო პოლიტიკა. „რუსთავი-2“ კვლავ ძლიერი ოპოზიციური არხია. ამასობაში, მედიასივრცეს კიდევ რამდენიმე ახალი ოპოზიციური არხი დაემატა. დღევანდელი ქართული მედიაგარემო ერთ-ერთი ყველაზე მრავალფეროვანი და თავისუფალია. ცალსახაა, რომ დღეს მედიასივრცეში ამინდს ოპოზიციური არხები ქმნიან"- განაცხადა სალომე ზურაბიშვილმა.

მისივე თქმით, საქართველომ ადამიანის უფლებების მიმართ ერთიანი მიდგომა შეიმუშავა და 2014-2020 წლების ადამიანის უფლებების ეროვნული სტრატეგია და შესაბამისი სამოქმედო გეგმები დაამტკიცა. 

„ჩვენ კარგად გვესმის, რომ ადამიანის უფლებების დაცვის სფეროში მიღწევათა პრაქტიკაში განხორციელებისა და შედეგების მონიტორინგისთვის ზედმიწევნით მუშაობა უნდა გაგრძელდეს. განსაკუთრებული როლი აქ სახალხო დამცველს ენიჭება. ომბუდსმენი შეიმუშავებს რეკომენდაციებს და პარლამენტს წარუდგენს თავის ყოველწლიურ ანგარიშში. მიუხედავად იმისა, რომ გათვალისწინებული რეკომენდაციების რაოდენობა იზრდება, სამუშაო ჯერ კიდევ ბევრი გვაქვს. 

ახალი კონსტიტუცით, მონიტორინგის კუთხით პარლამენტს ზედამხედველობის გაფართოებული ფუნქცია მიენიჭა. ახალი რეგლამენტით შემოღებულ იქნა მონიტორინგის განხორციელებისა და პოლიტიკური გადაწყვეტილების  გავრცელების ახალი მექანიზმები: მინისტრის საათი, თემატური კვლევა და ინტერპელაცია. ასევე, გაზრდილია ოპოზიციის როლი საზედამხედველო ფუნქციებში. 2019 წლის განმავლობაში პარლამენტმა ჩაატარა 13 მინისტრის საათი, შედგა 3 თემატური ჯგუფი და 4 ინტერპელაცია. 

საქართველოში ადამიანის უფლებების დაცულობის გაუმჯობესებას ევროპის ადამიანის უფლებების სასამართლო სტატისტიკა ადასტურებს. ჩვენთან სულ უფრო მეტი ადამიანი პოულობს სამართალს და არ დგება  სტრასბურგის სასამართლოში შემდგომი გასაჩივრების საჭიროება. ბოლო ექვსი წლის განმავლობაში სარჩელების რაოდენობა ოთხჯერ შემცირდა. ამავე დროს, სასამართლო გადაწყვეტილების აღსრულების მაჩვენებლის ზრდა დასტურდება მინისტრთა კომიტეტის გადაწყვეტილებებით. აგრეთვე, სახელმწიფო წარმატებით ასრულებს დანაპირებს, ეროვნულ დონეზე მოაგვაროს სარჩელები. დღევანდელი მონაცემებით უკვე 128 საქმე მორიგებით ან მთავრობის გადაწყვეტილებით მოგვარდა"- აღნიშნა პრეზიდენტმა.

პრეზიდენტმა სიტყვით გამოსვლისას ასევე ილაპარაკა 2006 წელს რუსეთიდან საქართველოს მოქალაქეების მასობრივი დეპორტაციაზე და სასამართლო სისტემაზე. ზურაბიშვილის განმარტებით, მოსამართლის დამოუკიდებლობა და სასამართლო სისტემის მიმართ საზოგადოებრივი ნდობის გაზრდა ქვეყნისთვის კვლავ პრიორიტეტად რჩება.

„საქართველომ სასამართლო რეფორმის სამი ეტაპი უკვე განახორციელა. ახლა პარლამენტი რეფორმის „მეოთხე ტალღაზე“ მუშაობს. ეს ეტაპი მოიცავს შემდეგ პუნქტებს: 
•    მოსამართლეთა დისციპლინარული პასუხისმგებლობის მექანიზმების სრულყოფა: პასუხისმგებლობის ფორმები, პროცესის მიმდინარეობა, იუსტიციის უმაღლესი საბჭოს დამოუკიდებელი ინსპექტორის სააგენტოს გაძლიერება; 
•    დაგროვილი საქმეების შემცირება;
•    იუსტიციის უმაღლესი სკოლის რეფორმა;
•    იუსტიციის უმაღლესი საბჭოს პროცედურების დახვეწა (მოსამართლეთა წარდგენისა და შერჩევის კრიტერიუმები, გამჭვირვალობა)"- განაცხადა პრეზიდენტმა.

მისივე თქმით, 2019 წლის გაზაფხულზე პარლამენტმა შეცვალა უზენაესი სასამართლოს მოსამართლეთა შერჩევისა და წარდგენის წესი, რათა უზრუნველეყო კანდიდატების გამჭვირვალე და პროფესიული შეფასება. პარლამენტმა ვენეციის კომისიის მიერ შემუშავებული 5 რეკომენდაციიდან ოთხი გაითვალისწინა.

როგორც პრეზიდენტმა აღნიშნა, შერჩევის პროცესი დადებითად შეაფასა ყველა დაინტერესებულმა მხარემ, საერთაშორისო ორგანიზაციებმა და სამოქალაქო საზოგადოებამ.

არჩევნებზე საუბრისას ზურაბიშვილმა განაცხადა, რომ გზა დემოკრატიისკენ თავისუფალ და სამართლიან არჩევნებზე გადის. 

„სამართლიანი და თავისუფალი არჩევნებისთვის საქართველომ გააუმჯობესა პირობები და ყოველი შემდეგი არჩევნები იყო უკეთესი. მოსახლეობის ნდობის მისაღებად  და არჩევნებში  ამომრჩეველთა მონაწილეობის მაღალი მაჩვენებლის უზრუნველსაყოფად ჯერ კიდევ ბევრი საკითხია მოსაგვარებელი. დარწმუნებული ვარ, ამ მიმართულებით მიდინარე მუშაობის შედეგად გაუმჯობესდება კოდექსი და  გაიზრდება შესაბამისი სტანდარტები.

სინამდვილეში, თავისუფალ და სამართლიან არჩევნებსა და დემოკრატიას, ზოგადად, ყველაზე დიდ საფრთხეს სწორედ პოლიტიკური ცხოვრების ფართომასშტაბიანი და მზარდი პოლარიზაცია უქმნის. იგი ისეთივე გავლენას ახდენს საზოგადოებაზე, როგორც კიბოს მეტასტაზები - ორგანიზმზე. ეს დიდი გამოწვევაა ბევრი ქვეყნისთვის და არც საქართველოა გამონაკლისი"- განაცხადა პრეზიდენტმა.

ზურაბიშვილმა ოკუპაციაზეც უსაუბრა მისი თქმით, ოკუპირებულ ტერიტორიებზე ადამიანის უფლებების მდგომარეობა სავალალოა და მუდმივად უარესდება. საოკუპაციო ხაზი მუდმივად იცვლება, ხოლო გამშვები პუნქტები ხშირად დაკეტილია, რაც აფხაზეთისა და ცხინვალის რეგიონის მოსახლეობას გადაადგილების უფლებას უზღუდავს.

„ცხინვალის გამშვები პუნქტი სექტემბრიდან დახურულია, რაც ხშირად ადამიანური ტრაგედიით სრულდება, - მაგალითად, ასეთი ტრაგედია იყო მარგო მარტიაშვილის გარდაცვალება. ის არ გამოატარეს საქართველოს ტერიტორიაზე, რათა გადაუდებელი სამედიცინო დახმარება მიეღო. 

ოკუპირებულ ტერიტორიებზე ჩვენს მოქალაქეებს მუდმივად ეზღუდებათ უფლებები - ჯანდაცვის მომსახურებით სარგებლობა; იკრძალება მშობლიურ ენაზე განათლების მიღება- როგორც ქართულად, ისე - აფხაზურად და ოსურად; მიმდინარეობს რუსიფიკაცია. ასევე, გრძელდება ქართული მოსახლეობის დისკრიმინაცია გალის ტერიტორიაზე, სადაც იგი უმცირესობაშია. 

საოკუპაციო ხაზის გასწვრივ სოფლები გაყოფილია; ხშირია მოქალაქეების გატაცება, „გამოსასყიდის“ მოთხოვნა, წამების შემთხვევები და მკვლელობებიც კი არარსებული „საზღვრის“ გადაკვეთისთვის, რომელიც ხან ეზოს, ხან - სოფელს, ხან კი -სასაფლაოებს ყოფს. ბოლო ინციდენტი ცხინვალის რეჟიმის მიერ ექიმ ვაჟა გაფრინდაშვილის დაკავება იყო. იგი ადგილობრივი პაციენტის დასახმარებლად გადავიდა. ამგვარი ქმედებები ეწინააღმდეგება საერთაშორისოდ აღიარებულ ჰუმანიტარულ პრინციპებს და ქმნის საფუძველს შემდგომი ესკალაციისთვის. მინდა გამოვიყენო დღევანდელი შესაძლებლობა და მადლობა მოვახსენო ყველა საერთაშორისო პარტნიორს, რომელმაც დიდ ძალისხმევა ჩადო ექიმ გაფრინდაშვილის ორთვიანი პატიმრობიდან გათავისუფლებაში. 

აღსანიშნავია, რომ ადგილზე ვითარების მონიტორინგი შეზღუდულია, ვინაიდან რუსეთი ოკუპირებულ ტერიტორიებზე ევროკავშირის მონიტორინგის მისიას არ უშვებს. ეს 2008 წლის ცეცხლის შეწყვეტის შეთანხმების დარღვევაა"- განაცხადა პრეზიდენტმა.

ზურაბიშვილის თქმით, ჟენევის საერთაშორისო დისკუსიები გაყინულია. ინციდენტების პრევენციის მექანიზმებით ტექნიკური საკითხების მოგვარება იშვიათად მიიღწევა. როგორც კი მნიშვნელოვანი საკითხი დგება, რუსული მხარე ტოვებს მოლაპარაკების მაგიდას. მისი განმარტებით, დღევანდელი მდგომარეობით, ვერც ერთი ფორმატი ვერ არის დამაიმედებელი. ორივე დიალოგი უნდა გამოცოცოხლდეს,  აიწიოს პოლიტიკური დონე, რათა ისინი კონფლიქტის მართვის კი არა, მისი მოგვარების მექანიზმად ჩამოყალიბდეს. 

„მჯერა, რომ ჩვენი ერთადერთი გამოსავალი დიპლომატიაა, რომელიც ეფუძნება ეროვნულ თანხმობას და საერთაშორისო პარტნიორების მხარდაჭერას. გაეროს გენერალური ასამბლეის, გაეროს უშიშროების საბჭოს, ევროპის საბჭოს საპარლამენტო ასამბლეის, ეუთოს საპარლამენტო ასამბლეის მიერ მიღებულია მრავალი რეზოლუცია, რომელიც რუსეთ-საქართველოს ომს ეხება. ეს მხარდაჭერის მნიშვნელოვანი მაგალითია. მაგრამ ჩვენ მეტი გვჭირდება! 

ჩვენ გვჭირდება ყველას ჩართულობა და მზად ვართ, ყველაფერი გავაკეთოთ, რათა კონფლიქტის მოგვარების გზა ვიპოვოთ, გავაერთიანოთ ჩვენი ქვეყანა და უზრუნველვყოთ თავისუფლება საქართველოს მთელ ტერიტორიაზე. 

ჩემი არჩევის დღიდან მე აქტიურად ვმუშაობ იმისათვის, რათა საქართველოს ოკუპაციის საკითხი ჩვენი პარტნიორების პოლიტიკურ დღის წესრიგში მაღალ საფეხურზე ავიყვანო. 

მოვუწოდებთ  ჩვენს ყველა პარტნიორს, რუსეთთან თავიანთ ორმხრივ თუ მრავალმხრივ ურთიერთობებში კვლავ ჩართონ საქართველოს საკითხი, რათა შესრულდეს 2008 წლის ცეცხლის შეწყვეტის შეთანხმება, განსაკუთრებით - დეესკალაცია საოკუპაციო ხაზზე, ევროკავშირის დამკვირვებლების დაშვება ოკუპირებულ ტერიტორიებზე; რათა გადაიდგას ნაბიჯები ქვეყნის გაერთიანების, უფრო სწორად - ადამიანების გაერთიანებისკენ. 

საოკუპაციო ხაზი ჩვენი საზოგადოების ტრაგედიაა. რუსეთი, მცოცავი ოკუპაციით, უკვე თბილისიდან 30 კილომეტრშია. ოკუპირებული რეგიონების მზარდი მილიტარიზაცია მიმდინარეობს. ამის მიუხედავად, ჩვენი მთავარი მიზანი და მისწრაფება რიგით მოქალაქეების კეთილიდღეობა და უსაფრთხოებაა. ისინი უკეთეს ცხოვრებას იმსახურებენ"- განაცხადა პრეზიდენტმა.

ყველა სიახლე

07 აპრილი 2020, 09:57

COVID19

საქართველოში კორონავირუსი 195 ადამიანს დაუდასტურდა, აქედან 39 უკვე გამოჯანმრთელდა

საქართველოში კორონავირუსი -- ადამიანს ინფორმაცია ამის შესახებ მთავრობის მიერ შექმნილ ვებგვერდზე stopcov.ge გამოქვეყნდა.

ალექსანდრე გოგინავა

07 აპრილი 2020, 09:50

COVID19

ალექსანდრე გოგინავა: განმეორებითი კვლევისას უარყოფითი პასუხის შემთხვევაში, ინფექციურიდან რამდენიმე პაციენტი გაეწერება

ამ ეტაპისთვის ჩვენთან 39 დადასტურებული შემთხვევაა, აქედან 6 პაცენტის მდგომარეობა მძიმეა, ორის კი- კრიტიკულად მძიმე- ამის შესახებ ინფექციური საავადმყოფოს ინფექციონისტმა „იმედის დილის“ ეთერში განაცხადა. ალექსანდრე გოგინავას თქმით, დანარჩენი პაციენტების მდგომარეობა მცირედ გაუმჯობესდა, სტაბილურია და შესაბამისი მკურნალობა უტარდებათ.

07 აპრილი 2020, 09:38

საზოგადოება

ქეთევან ციხელაშვილმა სამოქალაქო საზოგადოების საკონსულტაციო საბჭოს სხდომა დისტანციურად გამართა

ეთნიკური უმცირესობების წარმომადგენლობით მჭიდროდ დასახლებულ რეგიონებში კორონავირუსის გავრცელების პრევენციის მიზნით, სამოქალაქო საზოგადოების საკონსულტაციოს საბჭოს სხდომა დისტანციურად გაიმართა. საბჭოს შეხვედრას სახელმწიფო მინისტრმა ქეთევან ციხელაშვილმა უხელმძღვანელა.

რადომირ ანტიჩი

07 აპრილი 2020, 09:23

სპორტი

სერბი მწვრთნელი რადომირ ანტიჩი გარდაიცვალა

ანტიჩმა ყველაზე დიდ წარმატებას „ატლეტიკოსთან” ერთად მიაღწია, როდესაც ამ გუნდს 1995/1996 წლების სეზონში ორი ტიტული მოაგებინა. 1991/1992 წლებში სერბი მწვრთნელი „რეალს”, 2003 წელს კი „ბარსას” ხელმძღვანელობდა. ანტიჩის კარიერაში ბოლო სამუშაო ადგილი ჩინეთის „შანდუნ ლუნენი” იყო, რომელსაც 2012/2013 წლებში წვრთნიდა.

07 აპრილი 2020, 09:11

რეგიონი

კახეთში საკონტროლო პუნქტების მოწყობის შემდეგ არც ერთი დარღვევა არ დაფიქსირებულა

მესამე დღეა საველე კარვები და მედ-პუნქტი, თავდაცვის სამინისტროსა და შინაგან საქმეთა სამინისტროს დანაყოფებს საგარეჯოს მუნიციპალიტეტის სოფელ ხაშმთან აქვთ მოწყობილი. ასევე, საკონტროლო პუნქტები განთავსებულია ვაზიანი-გომბორი-თელავის და თიანეთი-ახმეტის დამაკავშირებელ მაგისტრალებზეც, სადაც მოქალაქეებს თერმოსკრინინგი უტარდებათ.

07 აპრილი 2020, 08:52

კულტურა

დაავადებათა კონტროლის ცენტრი და ეროვნული ბიბლიოთეკა ჯანმრთელობის მსოფლიო დღეს ვირტუალურ გამოფენას უძღვნიან

გამოფენა მთლიანად ქართველ ექიმებსა და სამედიცინო პერსონალს დაეთმო. ექსპოზიცია ასახავს ეპიდემიის წინააღმდეგ მებრძოლი მედიკოსების საქმიანობას როგორც საქართველოში, ასევე მთლიანად მსოფლიოში. ვირტუალური ექსპოზიცია მოიცავს COVID-19-ზე ჯანდაცვის მუშაკების რეაგირების ამსახველ მასალებს.

07 აპრილი 2020, 08:38

რეგიონი

ზუგდიდში რუსთაველის ქუჩა და ბაზრის მიმდებარე ტერიტორია სპეციალური ხსნარით მოირეცხა

სპეციალური ხსნარით, ამჯერად რუსთაველის ქუჩა და ბაზრის მიმდებარე ტერიტორია მოირეცხა. სადეზინფექციო სამუშაოები კეთილმოწყობისა, ზუგდიდასუფთავების ცენტრებმა და შინაგან საქმეთა სამინისტროს საგანგებო სიტუაციების მართვის ცენტრმა ერთობლივად შეასრულეს.

07 აპრილი 2020, 08:26

COVID19

აფხაზეთის ავტონომიური რესპუბლიკის მთავრობა და უმაღლესი საბჭოს წევრები ხელფასის ნაწილს StopCoV ფონდში გადარიცხავენ

„აფხაზეთის მთავრობის პარალელურად, სოლიდარობის აქციაში აფხაზეთის ავტონომიური რესპუბლიკის უმაღლესი საბჭოც ერთვება. ჩვენი შესაძლებლობების ფარგლებში ვეცდებით მაქსიმუმი გავაკეთოთ და წვლილი შევიტანოთ პანდემიასთან ბრძოლის საქმეში“. -აცხადებს აფხაზეთის მთავრობის თავმჯდომარე რუსლან აბაშიძე.

07 აპრილი 2020, 08:16

საზოგადოება

დღეს ათენი-თბილისის რეისი განხორციელდება

მთავრობა უცხოეთიდან საქართველოს მოქალაქეების სამშობლოში ეტაპობრივი დაბრუნების პროცესს განაგრძობს. დღეს შესრულდება რეისი ათენი-თბილისის მიმართულებით, 10 აპრილს ლარნაკა-თბილისი მიმართულებით, 12 აპრილს, თბილისი-ბერნილი-თბილისის მიმართულებით, 14 აპრილს თბილისი-ამსტერდამი-თბილისის მიმართულებით.

ხარების ხატი სინას მთის წმ. ეკატერინეს მონასტრიდან

07 აპრილი 2020, 08:04

საზოგადოება

დღეს ხარების დღესასწაულია

მართლმადიდებელი ეკლესია ხვალ ყოვლადწმინდა ღვთისმშობლის ხარების დღესასწაულს აღნიშნავს. როგორც Imedinews-ს საპატრიარქოდან აცნობეს, სრულიად საქართველოს კათოლიკოს-პატრიარქი, უწმინდესი და უნეტარესი, ილია მეორე სადღესასწაულო წირვას მღვდელმთავრებთან ერთად სამების საკათედრო ტაძარში აღავლენს.

ტერეზა მეი

07 აპრილი 2020, 01:05

COVID19

ტერეზა მეიმ ბორის ჯონსონს მხარდაჭერა გამოუცხადა

დიდი ბრიტანეთის ყოფილმა პრემიერ-მინისტრმა ტერეზა მეიმ ბორის ჯონსონს მხარდაჭერა გამოუცხადა. „ჩემი ლოცვებით ბორის ჯონსონთან და მისი ოჯახის წევრებთან ვარ. ეს საშინელი ვირუსი არავის ასხვავებს. ნებისმიერს შეუძლია დაინფიცირდეს. ნებისმიერს შეუძლია გაავრცელოს ის. გთხოვთ, დარჩით სახლში“, - დაწერა ტერეზა მეიმ Twitter-ზე.

ლონდონი

07 აპრილი 2020, 00:50

COVID19

როგორ მკურნალობენ კორონავირუსით ინფიცირებულებს - BBC-მ ინტენსიური თერაპიის განყოფილება გადაიღო

როგორ მკურნალობენ კორონავირუსით ინფიცირებულ პაციენტებს ლონდონის ერთ-ერთ ჰოსპიტალში. BBC-მ ინტენსიური თერაპიის განყოფილება გადაიღო, სადაც ექიმებს ყოველდღიურად უწევთ ადამიანების სიცოცხლისთვის ბრძოლა. „ეს არის ფრონტის წინა ხაზი ომში, აქ ყოველდღე ვიღაც იბრძვის, ვიღაც კვდება, აქ ყველა პაციენტი კრიტიკულ მდგომარეობაშია“, - ასე წარადგინა სიუჟეტი ბრიტანული სამაუწყებლო კომპანიის ჟურნალისტმა.

PIKOTARO

07 აპრილი 2020, 00:30

ტაბლოიდი

Pen Pineapple Apple Pen-ის ავტორმა სიმღერის რიმეიქი კორონავირუსს მიუძღვნა

იაპონელმა შემსრულებელმა PIKOTARO-მ, რომელსაც პოპულარობა ტრეკმა Pen Pineapple Apple Pen-მა მოუტანა, მისი რიმექი ჩაწერა. კორონავირუსის პანდემიის ფონზე სიმღერის თემა ჰიგიენის წესების დაცვაა. კერძოდ, ანანასი, ვაშლი და საწერ-კალამი ხელებმა და საპონმა ჩაანაცვლა.

ადა ზანუსო

07 აპრილი 2020, 00:17

COVID19

ცნობილია უხუცესი ადამიანი, რომელმაც კორონავირუსი დაამარცხა

იტალიის ქალაქ ბიელში 104 წლის ქალი კორონავირუსისგან განიკურნა. ამის შესახებ გამოცემა The Sun წერს. ადა ზანუსოს, რომელიც მოხუცებულთა სახლში ცხოვრობდა, კორონავირუსის სიმპტომები 17 მარტს გამოუვლინდა. მას ჰქონდა ცხელება, გულის რევა და სუნთქვა უჭირდა. თუმცა ჩატარებული მკურნალობის შემდეგ ქალი გამოჯანმრთელდა.

ნინო ლომჯარია

07 აპრილი 2020, 00:16

COVID19

ომბუდსმენი: იმედია ეკლესია ქვეყანას იმ მდგომარეობაში არ ჩააყენებს, რომ სიტუაციაზე კონტროლი დავკარგოთ

„პრეზიდენტის დეკრეტი და მთავრობის დადგენილება შეზღუდვებთან დაკავშირებით ძალიან მკაფიოა. იქ რელიგიური ორგანიზაციების თუ შეკრებების გამონაკლისი ჩაწერილი არ არის. კანონმდებლობა ძალიან ცალსახად განსაზღვრავს, რომ ეკლესიებში და სხვა დაწესებულებებში შეკრება შეზღუდულია“, - აღნიშნა ომბუდსმენმა.

07 აპრილი 2020, 00:05

COVID19

კახეთში, კორონავირუსზე 14 პაციენტისთვის ჩატარებული ტესტირების პასუხი ხვალ გახდება ცნობილი

კახეთში, კორონავირუსზე 14 მოქალაქის ტესტირების პასუხი სავარაუდოდ, ხვალ გახდება ცნობილი. აქედან, საგარეჯოს „ჯეო-ჰოსპიტალსის" საავადმყოფოში მაღალი ტემპერატურით 9 ადამიანი რამდენიმე დღის წინ მოათავსეს. იმის გამო, რომ მათ საეჭვო სიმპტომები ჰქონდათ პაციენტებს შესაბამისი ნიმუშები უკვე აუღეს და ლუგარის ლაბორატორიაში გადაგზავნეს.

07 აპრილი 2020, 00:04

COVID19

პასექის დღესასწაულის წინ ისრაელში სრული კარანტინის რეჟიმი დაწესდა

ისრაელის პრემიერ-მინისტრმა ბენიამინ ნეთანიაჰუმ ქვეყნის მასშტაბით სრული კარანტინი გამოაცხადა. კარანტინის რეჟიმი პასექის დღესასწაულის წინ წესდება და 7 აპრილიდან 10 აპრილის ჩათვლით იმოქმედებს. აღნიშნულ პერიოდში ჩაიკეტება ქალაქებში შესვლა და გამოსვლა, მოპსახლეობას აეკრძალება სახლებიდან გამოსვლა.

სუპერმარკეტი

07 აპრილი 2020, 00:02

ტაბლოიდი

საფრანგეთში უსახლკარო კაცმა თვითიზოლაცია სუპერმარკეტში მოიწყო, სადაც ალკოჰოლს სვამდა და პორნოფილმებს უყურებდა

საფრანგეთის ქალაქ პოში უსახლკარო კაცმა თვითიზოლაცია სუპერმარკეტში მოიწყო, სადაც ალკოჰოლს სვამდა და პორნოფილმებს უყურებდა. ამის შესახებ გამოცემა Le Parisien-ი წერს.

მიტროპოლიტი ანდრია

06 აპრილი 2020, 23:58

COVID19

მიტროპოლიტი ანდრია: გვჭირდება ღვთის შეწევნა, დღეს ხდება ამის უგულვებელყოფა, ბევრ ექიმს ეს არ ესმის, ბევრს კარგად ესმის, რაც ზოგიერთისთვის დასაცინია

„დღეს ჩვენ გვჭირდება ღვთის შეწევნა, მთელს მსოფლიოს სჭირდება ეს - დღეს ხდება ამის უგულვებელყოფა“, განაცხადა გორისა და ატენის მიტროპოლიტმა ანდრიამ ქადაგებისას. „არ ვიცი, წაიკითეთ თუ არა ერთ-ერთი იტალიელი მწერლის წერილი, სადაც ამბობს, რომ ადამიანური ძალები გამოიფიტა. მას მოჰყავს ერთ-ერთი მამას მაგალითი, რომელიც გარდაიცვალა. ამ ადამიანმა ღვთისგან მიცემული ძალით იმედი ჩაჰბერა.

კორონავირუსი

06 აპრილი 2020, 23:53

COVID19

გორში საკონტროლო-გამ​შვებ პუნქტებზე თერმოსკრინინგი 4-ათასამდე მოქალაქეს ჩაუტარდა

გორის მასშტაბით ხუთივე საკონტროლო-გამ​შვებ პუნქტზე პირველადი თერმოსკრინინგი 4-ათასამდე მოქალაქეს ჩაუტარდა. მოქალაქეთა გადაადგილებას და რეკომენდაციების შესრულებას შსს შესაბამისი დანაყოფები და პირველი ქვეითი ბრიგადის სამ​ხედრო მოსამსახურეები აკონტროლებენ, ყველა მანქანა მუშავდება სადეზინფექციო ხსნარით.