ულამაზესი ფოტოები აბასთუმნიდან. ბადრი ვადაჭკორიას ფოტორეპორტაჟი

ფოტოგრაფი ბადრი ვადაჭკორია Facebook-ის საკუთარ გვერდზე აბასთუმანში გადაღებულ ფოტოებს აქვეყნებს.

„ამ რეპორტაჟს თამამად შეიძლება დავარქვათ „მოგზაურობა აბასთუმანში". გაგეცინებათ და, აბასთუმანში თოვლის ძებნაში აღმოვჩნდი, მართალია თოვლი თითქმის აღარ დამხვდა, სამაგიეროდ, ჩემი აღფრთოვანება აღდგენილმა აბასთუმანმა მიიპყრო, როგორც დაბის ყოფილმა გამგებელმა, კარგმა კაცმა, გიორგი გედევანიძემ მიამბო, აბასთუმნის აღდგენა და მისი ახალი სიცოცხლე 2018 წლის მაისიდან დაიწყო, დღეისთვის აღდგენილია XVIII-XIX საუკენეში აგებული 18 სახლი და (არა 8!!!) კიდევ რიგშია 20-22 სახლის რესტავრაცია, შენდება გარემოსთან შეხამებული ახალი სახლებიც... მალე აშენდება დაახლოებით 10 ახალი მაღალი კლასის სასტუმროც.

ბევრისთვის, მაგალითად ჩემთვის, აბასთუმანი ასოცირდება, სახელგანთქმულ ობსერვატორიასთან და არა მარტო უიშვიათეს კურორტთან, როგორც ობსერვატორიის დირექტორის მოადგილემ, ბ-ნმა ვაჟა ყულიჯანაშვილმა გვითხრა, ბევრი კარგი რამ გაკეთდა და მომავალში კიდევ უფრო მეტის იმედი გვაქვსო, მეც მივიღე პირობა რომ აუცილებლად „გამაჭყიტებს" ოკულარში, როცა უახლესი და უმაგრესი ტელესკოპი დაიდებს ბინას აბასთუმნის სახელგანთქმულ ობსევატორიაში... ველოდოთ და იმედი ვიქონიოთ... ამ სახლების მესაკუთრები ისინი არიან ვინც იქ ცხოვრობდნენ, მხოლოდ 3 სახლის ნაწილზე აქვს სახელმწიფოს კუთვნილება (ბიბლიოთეკა და აშ.)“ - წერს ფოტოგრაფი.

ფოტოები ერთი კვირის წინაა გადაღებული.