ქვორუმის არარსებობის გამო, ჩხოროწყუს საკრებულოში თავმჯდომარე და მოადგილეები ვერ აირჩიეს, სხდომა ერთი კვირით გადაიდო

ქვორუმის არარსებობის გამო, ჩხოროწყუს საკრებულოს სხდომა ერთი კვირით გადაიდო. შესაბამისად, ვერ აირჩიეს საკრებულოს თავმჯდომარე და მოადგილეები.

დღევანდელ სხდომაზე, თავმჯდომარეობის კანდიდატად „ქართულმა ოცნებამ“ ჯუმბერ იზორია დაასახელა, „ნაციონალურმა მოძრაობამ“, პარტია „საქართველოსთვის“ და „ლელომ“ კი - ერთობლივი კანდიდატი გახარიას პარტიიდან, შოთა წურწუმია.

13 ხმა 12-ის წინააღმდეგ და ერთი ბათილი - ასეთი იყო დღევანდელი კენჭისყრის შედეგები. მიუხედავად იმისა, რომ „ქართული ოცნების“ კანდიდატს უმრავლესობამ დაუჭირა მხარი, ეს მაინც არ აღმოჩნდა საკამრისი, რომ ის გამხდარიყო საკრებულოს თავმჯდომარე. ჯუმბერ იზორიას ამისთვის 1 ხმა დააკლდა.

ოპოზიციამ საკრებულოს სხდომა პროტესტის ნიშნად დატოვა. დღევანდელი სხდომის შედეგები პარტიებმა ერთმანეთს დააბრალეს და მედიასთან უერთიერთგამომრიცხავი განცხადებები გააკეთეს. „ენმ“ და „ლელო“ ირწმუნება, რომ მათი მახარდაჭერა იყო ერთიანი, თუმცა გახარიას თანაგუნდელები საპირისპიროს ამტკიცებენ.

აღსანიშნავია, რომ დღევანდელ სხდომას არ დასწრებია „ნაციონალური მოძრაობის“ ერთი წევრი.

ცნობისთვის, ჩხოროწყუს 27 წევრიან საკრებულოში, „ქართულ ოცნებას“ 12 მანდატი აქვს, „ნაციონალურ მოძრაობას“ 7, ასევე 7 მანდატი პარტია „საქართველოსთვის“, ხოლო „ლელოს“ - 1.