რუსთავში 26 მაისისადმი მიძღვნილი ღონისძიებები დამოუკიდებლობის სკვერში მიმდინარეობს
ფოტო: რუსთავის მერია
საქართველოს დამოუკიდებლობის დღისადმი მიძღვნილი ღონისძიებები რუსთავში, დილიდან დამოუკიდებლობის სკვერში მიმდინარეობს.
რუსთავის მერიის ინფორმაციით, საქართველოს დამოუკიდებლობის დღე,რუსთაველებს პარლამენტარმა, რუსთავის მაჟორიტარმა დეპუტატმა ირაკლი შატაკიშვილმა, ქვემო ქართლში სახელმწიფო რწმუნებულმა გიორგი დოხტურიშვილმა, რუსთავის მერის მოადგილეებმა და ადგილობრივი ხელისუფლების სხვა წარმომადგენლებმა მიულოცეს.
,,საქართველოს მთავრობის ადმინისტრაციის ჩართულობით, დღევანდელი დღე მთელი ქვეყნის მასშტაბით განსაკუთრებულად აღინიშნება. სადღესასწაულო ღონისძიებები მიმდინარეობს ქვემო ქართლის რეგიონში, მათ შორის რუსთავსა და მარნეულში. ვულოცავ სრულიად საქართველოს ჩვენი ქვეყნისთვის ყველაზე მნიშვნელოვან ეროვნულ დღესასწაულს, ვუსურვებ წინსვლასა და განვითარებას“, - განაცხადა გიორგი დოხტურიშვილმა.
26 მაისის აღსანიშნავად, რუსთავში საქართველოს სახელმწიფო დროშები და ბანერები გამოიფინა, სადღესასწაულოდ გაფორმდა ახლად რეაბილიტირებული დამოუკიდებლობის სკვერი,, სადაც გმირთა მემორიალებია განთავსებული.
,,პრემიერის ინიციატივით საქართველოს 20-მდე ქალაქში გრანდიოზული ღონისძიებებით აღინიშნება საქართველოს დამოუკიდებლობის დღე. რუსთავში განსაკუთრებულად აღვნიშნავთ ამ დღეს, სიმბოლურია, რომ რუსთავში, საზეიმო ღონისძიებები იმართება 26 მაისის-დამოუკიდებლობის სკვერში. ვულოცავ თითოეულ რუსთაველს და სრულიად საქართველოს ჩვენი ქვეყნისათვის ყველაზე მნიშვნელოვან დღესასწაულს“, - განაცხადა ირაკლი შატაკიშვილმა.
ღონისძიებების ფარგლებში დამოუკიდებლობის სკვერის მიმდებარე ტერიტორიაზე, დილიდან ქვეყნის თავდაცვის ძალების სამხედრო ტექნიკაა გამოფენილი.
როგორც რუსთავის მერის მოადგილე ოთარ ტატალაშვილმა განაცხადა, ოფიციალური პროგრამა 14:00 საათიდან ადგილობრივ მეწარმეთა პროდუქციის გამოფენით გაიხსნება. სადღესასწაულო სივრცე სხვადასხვა საბავშვო-შემეცნებითი და გასართობი აქტივობითა და პავილიონებით არის დატვირთული. გაიმართება კულინარული მასტერკლასი, ანიმატორების შოუ და ორკესტრის კოსტიუმირებული მსვლელობა. 17:10 საათზე, საქართველოს დამოუკიდებლობის გამოცხადების ისტორიულ დროს რუსთავში საზეიმოდ აღნიშნავენ.
სადღესასწაულო კონცერტს ადგილობრივი მუსიკოსები და ქორეოგრაფიული ანსამბლები გახსნიან. საღამოს კულმინაცია ნოდარიკო ხუციშვილის და ბენდის კონცერტი იქნება.
ყველა სიახლე
06 ივნისი 2023, 14:37
რეგიონი
ქუთაისში ოლიმპიური საცურაო აუზის სამშენებლო სამუშაოები დასრულდა
ქუთაისში ოლიმპიური საცურაო აუზის სამშენებლო სამუშაოები დასრულდა. სპორტულ ობიექტზე ჩატარებულ სამუშაოებს პრემიერი გაეცნო. თანამედროვე, ოლიმპიური სტანდარტის საცურაო აუზის სიგრძე 50 მეტრი, ხოლო სიგანე 25 მეტრია. აუზის კომპლექსში მოეწყო 600-მდე მაყურებლისთვის განკუთვნილი ტრიბუნა, მცირე საბავშვო აუზი, სავარჯიშო დარბაზები, გასახდელები სპორტსმენებისა და მსაჯებისათვის, სივრცეები კვებისა და სპორტული ინვენტარის მაღაზიებისათვის.
06 ივნისი 2023, 14:34
პოლიტიკა
ირაკლი ღარიბაშვილი: ჩვენი სწორი პოლიტიკით, შედეგზე გათვლილი, ორიენტირებული პოლიტიკით მივაღწევთ ჩვენი ქვეყნის გამთლიანებას. ეს არის ჩვენი საერთო მიზანი, საერთო დიდი ოცნება და ეს უნდა იყოს ეროვნული მიზანი
ჩვენ ძალიან კარგად გვესმის, რომ მრავალი წელია ელოდით ბინების გადმოცემას. ჩვენ ყველამ ერთად ძალიან ბევრი განსაცდელი გამოვიარეთ წლების განმავლობაში, მას შემდეგ, რაც დროებით დავკარგეთ ჩვენი ძირძველი, ისტორიული ტერიტორიები. მე კარგად ვიცი, თუ რაოდენ დიდია ის ტკივილი, რომელიც ჩვენ ამ ომმა მოგვაყენა, - ამის შესახებ საქართველოს პრემიერ-მინისტრმა ირაკლი ღარიბაშვილმა ქუთაისში, დევნილი ოჯახებისთვის ბინების გადაცემის ცერემონიაზე სიტყვით გამოსვლისას განაცხადა.
06 ივნისი 2023, 14:33
რეგიონი
ზურაბ აზარაშვილი: ძალისხმევას არ ვიშურებთ, რომ თითოეულ დევნილ ოჯახს შევუქმნათ უსაფრთხო და ღირსეული საცხოვრებელი პირობები
მოხარული ვარ, რომ დღეს გვაქვს შესაძლებლობა, რომ იძულებით გადაადგილებულ პირებს ახალი, გარემონტებული ბინები გადავცეთ საკუთრებაში და დღეიდან 480 დევნილი ღირსეულ პირობებში გააგრძელებს ცხოვრებას, - ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ზურაბ აზარაშვილმა ქუთაისში განაცხადა, სადაც დევნილი ოჯახებისთვის, თანამედროვე სტანდარტების შესაბამისი საცხოვრებელი კომპლექსი აშენდა.
06 ივნისი 2023, 14:32
პოლიტიკა
ირაკლი ღარიბაშვილი: გამოვიდა ევროკომისიის პრეზიდენტი და თქვა, რომ ომის ერთ-ერთი მიზეზი არის ის, რომ უკრაინას აქვს სურვილი, გახდეს ევროპული ოჯახის წევრი, ასევე გამოვიდა მაკრონი
ბოლოს მინდა ერთ საკითხზე გავაკეთო კომენტარი, ბოლო დღეებია ვუყურებ თქვენს სასოწარკვეთილ ქმედებებს, ე.წ. აჟიოტაჟი გამოიწვია ჩემმა განცხადებამ ბრატისლავაში, რომელიც კიდევ ერთხელ მინდა გავიმეორო, მე თქვი, რომ უკრაინის სურვილი, ამ დიდი ომის, ერთ-ერთი მიზეზი, ერთ-ერთი და არა ერთადერთი მიზეზი იყო უკრაინის სურვილი, რომ გამხდარიყო, თუ გახდეს ნატოს წევრი, კარგად გახსოვთ და შემდეგ ვთქვი, რომ მე არ მინდა, ციტირება მოვახდინო რუსეთის ხელისუფლების, ანუ მათი განცხადებების, კითხვა იყო თუ როგორ ფიქრობთ რატომ დაიწყო და მე ამით ვაჩვენე, ერთი, რომ უკრაინის სურვილი ჰქონდა როგორც სუვერენულ სახელმწიფოს, რომ გამხდარიყო და გახდეს ევროკავშირის ნატოს წევრი ქვეყანა და მეორე ის იყო, რომ არ მინდოდა მომეხდინა ციტირება. აქვე მინდა შეგახსენოთ ყველას, რომ მეორე დღესვე ქალბატონი ურსულა ფონ დერ ლაიენი გამოვიდა ევროკომისიის პრეზიდენტი და მან თქვა, რომ ეს ომი, ამ ომის ერთ-ერთი მთავარი მიზეზი არის ის, რომ უკრაინას აქვს სურვილი, გახდეს ევროპული ოჯახის წევრი. ახლა მე მინდა კითხვა დავუსვა აი ამ ბრძენ კრიტიკოსებს, რომელიც არ ჩერდებიან, ჯობია გაჩერდნენ, უფრო მეტის თქმა შეგვიძლია, მაგრამ არ ვამბობთ. რამდენიმე საათში ქალბატონ ურსულას გამოსვლიდან, ბატონი მაკრონი გამოვიდა, რომელმაც განაცხადა პრაქტიკულად იგივე და ცოტა უფრო მეტიც, ჩვენ მოვისმინეთ პრეზიდენტ მაკრონის განცხადება, რომ უკრაინას და საქართველოს მიეცა პერსპექტივა ნატოში გაწევრიანების, ყოველგვარი უსაფრთხოების გარანტიების გარეშე, რამაც გამოიწვია აგრესია რუსეთის, საქართველოსა და უკრაინაში, - ამის შესახებ პრემიერ-მინისტრმა, ირაკლი ღარიბაშვილმა ჟურნალისტის კითხვის პასუხად ქუთაისში განაცხადა.
06 ივნისი 2023, 14:30
პოლიტიკა
ირაკლი ღარიბაშვილი: პოლიტიკოსების, მნიშვნელობა არ აქვს ოპოზიციაში არის ადამიანი, თუ პოზიციაში, ხელისუფლებაში, ყველას ამოცანა უნდა იყოს სწორედ გაერთიანება
პოლიტიკოსების, მნიშვნელობა არ აქვს ოპოზიციაშია, პოზიციაში თუ ხელისუფლებაში, ყველას ამოცანა უნდა იყოს სწორედ გაერთიანება, - ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა.
06 ივნისი 2023, 14:25
პოლიტიკა
ირაკლი ღარიბაშვილი: 2012 წელს ბიუჯეტი, რომელიც გათვალისწინებული იყო დევნილებისთვის, 25 მილიონ ლარს შეადგენდა. წელს დევნილების მიმართულებით გამოყოფილი ბიუჯეტი 233 მილიონი ლარია
„მინდა აღვნიშნო, რომ ჩვენ კიდევ უფრო მეტის გაკეთება შეგვიძლია და ვისურვებდი, რომ ძალიან ბევრი ბინის მშენებლობა დავიწყოთ აფხაზეთში თქვენთვისაც, აფხაზებისა და ოსებისთვისავც. ეს უნდა იყოს ჩვენი მთავარი ამოცანა. მშვიდობით, სტაბილურობითა და გონივრული პოლიტიკით ამას მივაღწევთ და ჩვენი ქვეყანა გაერთიანდება“, - აღნიშნა ირაკლი ღარიბაშვილმა.
06 ივნისი 2023, 14:16
რეგიონი
ირაკლი ღარიბაშვილი: დღეს ქუთაისში 480 დევნილი მიიღებს ბინას
დღეს 480 დევნილი მიიღებს ბინას. დასრულდა სამი 16-სართულიანი კორპუსის მშენებლობა და ჯამში 800 ოჯახი მიიღებს ბინებს ამ უბანში, - ამის შესახებ პრემიერ-მინისტრმა, ირაკლი ღარიბაშვილმა ქუთაისში განაცხადა.
06 ივნისი 2023, 14:15
პოლიტიკა
ირაკლი ღარიბაშვილი ქუთაისში, შერვაშიძის ქუჩაზე დევნილი ოჯახებისთვის ბინის გადაცემის ცერემონიალში მონაწილეობს
„თქვენ მრავალი წელი ელოდით ბინების გადმოცემას. ჩვენ ყველამ ერთად ძალიან ბევრი განსაცდელი გამოვიარეთ, მას შემდეგ რაც დროებით დავკარგეთ ჩვენი ძირძველი, ისტორიული ტერიტორიები. კარგად ვიცი ის ტკივილი, რაოდენ დიდია ის ტკივილი, რომელიც ომმა მოგვაყენა. ჩვენ ძალიან ბევრი თანამოქალაქე დავკარგეთ ამ ომებში და რაც მთავარია, ჩვენი ქვეყნის 20% დროებით ოკუპირებულია. მინდა ხაზი გავუსვა, რომ ეს არის დროებითი ოკუპაცია. მჯერა, რომ ღმერთის დახმარებით, უფლის შეწევნით, ჩვენი სწორი პოლიტიკით, შედეგზე გათვლილი, ორიენტირებული, სწორი პოლიტიკით ჩვენ მივაღწევთ ჩვენი ქვეყნის გამთლიანებას. ეს არის ჩვენი საერთო მიზანი, დიდი ოცნება და ეროვნული მიზანი ეს უნდა იყოს“, - განაცხადა ირაკლი ღარიბაშვილმა. მისი თქმით, ქვეყნის გაერთიანება ყველას ამოცანა უნდა იყოს.
06 ივნისი 2023, 14:10
საზოგადოება
თბილისის საერთაშორისო თეატრალური ფესტივალი მე-15 საიუბილეო სეზონისთვის ემზადება
„წელს ფესტივალი უმასპინძლებს ისეთ ვარსკვლავებს, როგორებიც არიან: ჯონ მალკოვიჩი, ინგებორგა დაპკუნაიტე, ნინო ხარატიშვილი, ლუკაშ ტვარკოვსკი და სხვა. ფესტივალის პროგრამა შედგება სამი ნაწილისგან: საერთაშორისო პროგრამა 30 სექტემბერი - 18 ოქტომბერი; ქართული სპექტაკლების პროგრამა - 22 სექტემბერი - 27 ოქტომბერი და ვორქშოპები, ტრეინენგები, დისკუსია პროფესიონალებთან“.
06 ივნისი 2023, 14:06
რეგიონი
ჩხოროწყუს მუნიციპალიტეტში, 2,5 კილომეტრამდე სიგრძის სადრენაჟე არხებზე გაწმენდითი სამუშაოები მიმდინარეობს
ჩატარებული სამუშაოების შედეგად, არხის გამტარუნარიანობა გაიზრდება და 20 ჰექტრამდე სასოფლო-სამეურნეო დანიშნულების მიწის ფართობზე სადრენაჟე მომსახურება აღდგება, რაც სასოფლო-სამეურნეო კულტურების წარმოების გაზრდას შეუწყობს ხელს.
06 ივნისი 2023, 14:05
საზოგადოება
ირაკლი ქარსელაძე: 21 წლამდელთა ევროპის ჩემპიონატი განახლებულ სტადიონებზე ჩატარდება
განსხვავებული ემოცია და დიდი პატივია, რომ შევქმენით ისეთი ინფრასტრუქტურა, რომელიც ქუთაისის ღირსეული ტრადიციების გაგრძელების და ახალ წარმატებაში გადაზრდის შესაძლებლობას მოგვცემს. სიმბოლურია, რომ 21 წლამდე ფეხბურთელთა საქართველოს ნაკრები ევროპის ჩემპიონატზე უკვე უეფას სტანდარტებით განახლებულ სტადიონებზე მიიღებს მონაწილეობას, - ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ ქუთაისში, რამაზ შენგელიას სახელობის განახლებული სტადიონის დათვალიერების შემდეგ განაცხადა.
06 ივნისი 2023, 14:01
მსოფლიო
იენს სტოლტენბერგი კახოვკის ჰიდროელექტროსადგურის აფეთქებაზე: ეს აღმაშფოთებელი აქტია, რომელიც კიდევ ერთხელ აჩვენებს რუსეთის ომის სისასტიკეს უკრაინაში
„კახოვკის კაშხლის აფეთქება ათასობით მშვიდობიან მოქალაქეს საფრთხის ქვეშ აყენებს და დიდ ზიანს აყენებს გარემოს. ეს აღმაშფოთებელი აქტია, რომელიც კიდევ ერთხელ აჩვენებს რუსეთის ომის სისასტიკეს უკრაინაში", - წერს ნატოს გენერალური მდივანი Twitter-ზე.
06 ივნისი 2023, 13:54
რეგიონი
წყალტუბოს მუნიციპალიტეტის მერი და საკრებულოს თავმჯდომარე 9 აპრილის ქუჩაზე მცხოვრებ მოსახლეობას შეხვდნენ
წყალტუბოს მუნიციპალიტეტის მერი, გენადი ბალანჩივაძე საკრებულოს თავმჯდომარესთან, თეიმურაზ ჭეიშვილთან, მოადგილე გრიგოლ ყურაშვილთან და საკრებულოს წევრებთან ერთად, 9 აპრილის ქუჩაზე მცხოვრებ მოსახლეობას შეხვდა.
06 ივნისი 2023, 13:53
პოლიტიკა
ირაკლი ღარიბაშვილი: ჩვენს უსუსურ და მარგინალიზებულ ოპოზიციას, მთლიანად, მთელი თავისი სატელიტებით და ენჯეოებით, მთელი თავისი ამ დეგრადირებული ხალხით, არაფერი არ დარჩენიათ გარდა ერთისა, რომ გადავიდნენ პირად შეურაცხყოფაზე
„ესეც სახეა ჩვეულებრივი, მე არ მინახავს განცხადება, მაგრამ ერთი რამ მინდა გითხრათ, ჩვენს უსუსურ ოპოზიციას და მარგინალიზებულ ოპოზიციას, მთლიანად, მთელი თავისი სატელიტებით და ენჯეოებით, მთელი თავისი ამ დეგრადირებული ხალხით, არაფერი არ დარჩენიათ გარდა ერთისა, რომ გადავიდნენ პირად შეურაცხყოფაზე“.
06 ივნისი 2023, 13:50
პოლიტიკა
ირაკლი ღარიბაშვილი უკრაინასთან დაკავშირებით: მინდა კითხვა დავუსვა ყველას - რატომ არ აკრიტიკებენ ბატონი მაკრონის, ქალბატონი ურსულა ფონ დერ ლაიენის განცხადებას?
მინდა კითხვა დავუსვა ყველას. რატომ არ აკრიტიკებენ ბატონი მაკრონის, ქალბატონი ურსულა ფონ დერ ლაიენი განცხადებას და კითხვა სად რჩება?, - ამის შესახებ პრემიერ-მინისტრმა, ირაკლი ღარიბაშვილმა ჟურნალისტებს განუცხადა.
06 ივნისი 2023, 13:47
მსოფლიო
დენის შმიგალის განცხადებით, კახოვკის ჰიდროელექტროსადგურის აფეთქების გამო, 80-მდე დასახლების დატბორვის საშიშროება არსებობს
კახოვკის ჰიდროელექტროსადგურის აფეთქების გამო, 80-მდე დასახლების დატბორვის საშიშროება არსებობს. როგორც უკრაინული მედია წერს, ამის შესახებ უკრაინის პრემიერ-მინისტრმა განაცხადა.
06 ივნისი 2023, 13:46
რეგიონი
სახელმწიფო რწმუნებულის ადმინისტრაციისა და ადგილობრივი ხელისუფლების ხელმძღვანელმა პირებმა ჩოხატაურის მუნიციპალიტეტში გზის სარეაბილიტაციო სამუშაოები დაათვალიერეს
დასრულდა რეგფონდიდან დაფინანსებული ორი პროექტი: ასფალტისა და ბეტონის საფარი დაიგო სოფელ გუთურში, 1,2 კმ გზის მონაკვეთზე; სოფელ ერკეთის ცენტრიდან შუბნის ტაძრამდე მისასვლელი საავტომობილო გზის 1,3 კმ-იან მონაკვეთზე დაიგო ბეტონის საფარი.
06 ივნისი 2023, 13:40
პოლიტიკა
ირაკლი ღარიბაშვილი: ვხედავ პერსპექტივას, რომ ოპოზიცია კიდევ ერთხელ და ძლიერად დამარცხდება 2024 წლის არჩევნებში. არ მინდა არასერიოზული ადამიანების ქმედებებზე, ხაბეიშვილი ახსენეს და სხვები, კომენტარი გავაკეთო
მე ვხედავ პერსპექტივას, რომ ოპოზიცია კიდევ ერთხელ და ძლიერად დამარცხდება 2024 წლის არჩევნებში, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა.
06 ივნისი 2023, 13:35
სამართალი
პროკურატურამ ბათუმში მომხდარი ძალადობის და მუქარის ფაქტზე, ერთ პირს ბრალდება წარუდგინა
საქართველოს პროკურატურამ, ბათუმში მომხდარი ძალადობის და მუქარის ფაქტზე, ერთ პირს ბრალდება წარუდგინა, - ამის შესახებ ინფორმაციას საქართველოს პროკურატურა ავრცელებს. მათივე ინფორმაციით, შინაგან საქმეთა სამინისტროს მიერ ჩატარებული გამოძიებით დადგინდა, რომ 3 ივნისს, ბათუმში, კაფე „რეტროში“, ურთიერთშელაპარაკების ნიადაგზე კაფის მეპატრონემ ერთ-ერთი თანამშრომლის მიმართ ძალადობა განახორციელა და ჯანმრთელობის დაზიანებით დაემუქრა.
06 ივნისი 2023, 13:28
რეგიონი
ოთარ შამუგიამ სიღნაღის მუნიციპალიტეტში ზეთისხილის პირველი სანერგე დაათვალიერა
„პროგრამის „დანერგე მომავალი“ ფარგლებში, ჩვენ 16-მდე სანერგე მეურნეობა გვაქვს უკვე დაფინანსებული, მათ შორის, ეს სანერგე მეურნეობაც, რომელიც ზეთისხილის პირველი სანერგე მეურნეობაა და წელს დაახლოებით 500 000 ათასი ნერგის გამოყვანას გეგმავს; მომავალ წლებში მასშტაბი 1 მლნ ნერგამდე გაიზრდება“.