ონის მერი სერგო ხიდეშელი: სავარაუდოდ, დაგუბდა მდინარე, რის შედეგად წარმოიშვა მეწყერი, დაშავებულების შესახებ ამ ეტაპზე კონკრეტული ინფორმაცია არ გამაჩნია

წარმოიშვა მეწყერი ჩამოიშალა მიწის ძალიან დიდი მასა. ყველა სამაშველო სამსახური ადგილზე იმყოფება, სასაზღვრო პოლიციის ორი ვერტმფრენი მოემართება ჩვენი მიმართულებით, - ამის შესახებ ონის მერმა სერგო ხიდეშელმა „ქრონიკაში“ სატელეფონო ჩართვისას განაცხადა.

„ონის მუნიციპალიტეტში, კურორტ შოვის მიმდებარე ტერიტორიაზე მეწყრული პროცესი განვითარდა. სავარაუდოდ, დაგუბდა მდინარე, რის შედეგად წარმოიშვა მეწყერი. ჩამოიშალა მიწის ძალიან დიდი მასა. ყველა სამაშველო სამსახური ადგილზე იმყოფება. მობილიზება ხდება შესაბამისი ტექნიკის, ასევე, შსს-ის შესაბამისი სამსახურები ადგილზე არიან. სასაზღვრო პოლიციის ორი ვერტმფრენი მოემართება ჩვენი მიმართულებით. რაც შეეხება დაშავებულებს, ამ ეტაპზე კონკრეტული ინფორმაცია არ გამაჩნია და შესაბამისად, ვერ ვიტყვი მათ შესახებ დაზუსტებულ ინფორმაციას. „სანსეტ შოვთან“ არსებული ხიდი ამ ეტაპზე წაღებულია და არ ვიცით იქ რა ვითარებაა, რამდენი ადამიანი იმყოფება“,- აღნიშნა ხიდეშელმა.