imedi /  19 დეკემბერი 2019, 12:44 / სანდო წყარო

პროკურატურა: გამომძიებელმა ჩოლოიანმა ლუკა სირაძეს დანაშაულის აღიარება მოსთხოვა

მარიანა ჩოლოიანი

მარიანა ჩოლოიანი

15 წლის ლუკა სირაძის საქმეზე დაკავებულ გამომძიებელს მარიანა ჩოლოიანს საქართველოს სისხლის სამართლის კოდექსის 335-ე მუხლის პირველი ნაწილით გათვალისწინებული დანაშაულის ორ ეპიზოდში ბრალი წარედგინა. დანაშაული მოხელის მიერ ჩვენების მიცემის იძულებას  გულისხმობს. ამ ინფორმაციას საქართველოს გენერალური პროკურატურა ავრცელებს.

„სახელმწიფო ინსპექტორის სამსახურის საგამოძიებო დეპარტამენტის წარმოებაში არსებულ სისხლის სამართლის საქმეზე, 2019 წლის 17 დეკემბერს დაკავებულ პოლიციის უფროს გამომძიებელ მ.ჩ.-ს ბრალი წარედგინა საქართველოს სისხლის სამართლის კოდექსის 335-ე მუხლის პირველი ნაწილით გათვალისწინებული დანაშაულის ორ ეპიზოდში, რაც გულისხმობს მოხელის მიერ ჩვენების მიცემის იძულებას.

2019 წლის 10 დეკემბერს,  მ.ჩ.-მ, მის წარმოებაში არსებულ სისხლის სამართლის საქმეზე,  მოწმის სახით, გამოკითხვის მიზნით, დედასთან ერთად დაიბარა  ლ. ს. გამომძიებელმა არ იხელმძღვანელა  არასრულწლოვანთა მართლმსაჯულების კოდექსის პრინციპებით და   ლ.ს.-ს  მოსთხოვა დანაშაულის აღიარება.

აღნიშნულზე უარის შემდეგ, გამომძიებელმა გამოკითხვა განაგრძო მოწმეთა ერთმანეთთან დაპირისპირების გზით, რის შედეგადაც არასრულწლოვნებმა ფსიქოლოგიური სტრესი განიცადეს. საქართველოს გენერალური პროკურატურა  სასამართლოს მიმართავს  ბრალდებულის მიმართ აღკვეთის ღონისძიების სახით პატიმრობის შეფარდების შუამდგომლობით“, - ნათქვამია პროკურატურის განცხადებაში.

რაც შეეხება დაკავებულის პოზიციას პოლიციის განყოფილებაში მომხდართან დაკავშირებით, ადვოკატი ამბობს, რომ მოზარდის მიმართ რაიმე სახის იძულებას ადგილი არ ჰქონია.  

დაცვის მხარის განცხადებით, მოზარდი მშობლის გარეშე გამოკითხვაზე არ ყოფილა. 15 წლის მოზარდის გარდაცვალების საქმეზე ჩოლოიანი სისხლის სამართლის კოდექსის 335-ე მუხლის პირველი ნაწილით გათვალისწინებული დანაშაულის ბრალდებით არის დაკავებული, რაც ჩვენების მიცემის იძულებას გულისხმობს.

წუხელ სახელმწიფო ინსპექტორის სამსახურში ამავე საქმეზე რამდენიმე პირი გამოკითხეს. მათ შორის „მწვანე სკოლის“ დირექტორის მოადგილე, კერძო სექტორის სასწავლო ნაწილი და ამავე სკოლის დაცვის თანამშრომელი.

ინსპექტორის სამსახურის შენობა კერძო სექტორის სასწავლო ნაწილმა გვიან ღამით დატოვა. მისი განცხადებით, უწყებას აინტერესებდა, იცნობდა თუ არა გარდაცვლილს, რომელ საათზე მივიდა სკოლაში და რა დახვდა შენობაში. მისი განმარტებით , გარდაცვლილ მოზარდთან შეხება არასდროს ჰქონია და ფოტოზეც ვერ ამოიცნო, რადგან სკოლაში ორი სექტორია, გარდაცვლილი მოზარდი კი, ამ სკოლის საჯარო სექტორში სწავლობდა.

ლუკა სირაძემ თვითმკვლელობა 12 დეკემბერს სცადა. შემთხვევას წინ უძღოდა „მწვანე სკოლაში“ მომხდარ ინციდენტთან დაკავშირებით მოზარდის პოლიციის განყოფილებაში მოწმის სახით დაკითხვა. ადვოკატის თქმით, მოზარდზე დაკითხვის დროს ფსიქოლოგიური ზეწოლა განხორციელდა. მოზარდის ჯანმრთელობის მდგომარეობა, ექიმების შეფასებით უკიდურესად მძიმე იყო. ექიმების თქმით, მოზარდს 17 დეკემბერს 20:10 საათზე გაუჩერდა გული. 

სახელმწიფო ინსპექტორის აპარატმა იმავე დღეს დიდუბე-ჩუღურეთის სამმართველოს პოლიციის პირველი განყოფილების გამომძიებელი მარიანა ჩოლოიანი, ჩვენების მიცემის იძულების ბრალდებით დააკავა.საიას ინფორმაციით, მოზარდის საქმეზე დაკავებული გამომძიებელი ყინწვისის სპეცოპერაციის გამოძიებაშიც ფიგურირებს.

ყველა სიახლე

სოზარ სუბარი

06 მარტი 2021, 02:10

პოლიტიკა

სოზარ სუბარი: კიდევ ერთხელ გავიგეთ, ვინ იყო ფარული ჩანაწერების შემოქმედი და ვინ ფლობს ამ შავ არქივს

"მორიგი სიბინძურე გამოაგდეს პარტიული ტელევიზიის მუშაკებმა - უკრაინიდან მიღებული დავალებით და შემონახული სიყალბის ტირაჟირებით ცდილობენ საზოგადოების მოტყუებას. ეს და კიდევ არაერთი ფალსიფიცირებული ჩანაწერი ჯერ კიდევ „ქართული ოცნების“ ხელისუფლებაში მოსვლამდე დაამზადეს მაშინდელი რეჟიმის მონებმა და როგორც ჩანს, არც მომავალში დაიხევენ უკან მსგავსი სიბინძურეების ტირაჟირებისგან. ჩვენ მაშინვე გვქონდა ინფორმაცია, რომ სააკაშვილის დავალებით ამონტაჟებდნენ სხვადასხვა შინაარსის ჩანაწერებს და ესეც ერთ-ერთი მათგანია. თუმცა, რა უნდა გაგვიკვირდეს იმ ტელევიზიისგან, რომელმაც ორი დღის წინ ადამიანს მათი პარტიის ოფისის დარბევა დააბრალა, რასაც მოხუცი ბებიის გარდაცვალება მოჰყვა. დაბოლოს, რა გავიგეთ ამ ჩანაწერიდან?! კიდევ ერთხელ გავიგეთ, რაც მანამდეც ვიცოდით, ვინ იყო ფარული ჩანაწერების შემოქმედი და ვინ ფლობს ამ შავ არქივს“, - წერს სოზარ სუბარი.

06 მარტი 2021, 01:24

მსოფლიო

კაპიტოლიუმზე შტურმის საქმეზე სახელმწიფო დეპარტამენტის ყოფილი თანამშრომელი დააკავეს

აშშ-ში სამართალდამცველებმა კაპიტოლიუმზე შტურმის საქმეზე სახელმწიფო დეპარტამენტის ყოფილი თანამშრომელი დააკავეს.

ბრიტანეთის დედოფალი ელისაბედ II

06 მარტი 2021, 00:52

მსოფლიო

ბრიტანეთის დედოფალს კორგის ლეკვები აჩუქეს

გავრცელებული ინფორმაციით, ელისაბედ II-ის ლეკვები მას შემდეგ აჩუქეს, რაც ის ბუკინგემის სასახლეში მარტო დარჩა. მისმა მეუღლემ, პრინცმა ფილიპმა გულზე ოპერაცია გადაიტანა და ამ დრომდე კლინიკაში იმყოფება. ლეკვები სასახლეში უკვე ორი კვირაა იმყოფებიან. დედოფალს პირველი კორგი, სახელად სიუზანი 1944 წელს 18 წლის იუბილეზე აჩუქეს. მას შემდეგ მას 30-მდე ძაღლი ჰყავდა.

06 მარტი 2021, 00:43

ტაბლოიდი

ადელი ქმარს ოფიციალურად გაშორდა

ბრიტანელი მომღერალი ადელი მეწარმე საიმონ კონეკის ოფიციალურად დაშორდა. ამის შესახებ Us Weekly წყაროზე დაყრდნობით წერს. განქორწინების პროცესი ქონების გამიჯვნის გამო გაგრძელდა. ახლა ყოფილი ცოლ-ქმარი შვილზე ერთობლივად ზრუნავენ.

06 მარტი 2021, 00:38

COVID19

ბოლო 24 საათში დიდ ბრიტანეთში კორონავირუსის 5 947 ახალი შემთხვევა დადასტურდა

დიდი ბრიტანეთის ჯანდაცვის დეპარტამენტის მონაცემებით, ქვეყანაში გასული დღე-ღამის განმავლობაში კორონავირუსის 5 947 ახალი შემთხვევა დადასტურდა, ხოლო 236 ადამიანი გარდაიცვალა.

06 მარტი 2021, 00:33

COVID19

ბოლო 24 საათში თურქეთში კორონავირუსის 11 302 ახალი შემთხვევა დადასტურდა

თურქეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 11 302 ახალი შემთხვევა დადასტურდა, ხოლო 62 ადამიანი ვირუსს ემსხვერპლა.

ბიძინა კულუმბეგოვი

06 მარტი 2021, 00:28

COVID19

ბიძინა კულუმბეგოვი: არ მგონია, ვაქცინის დაყოვნებაში საქართველოს ბრალეულობა ყოფილიყო, ჩვენ ვაკმაყოფილებდით კრიტერიუმებს, მაგრამ ვაქცინა ყველგან ერთბაშად ვერ გაიგზავნება

არა მგონია, ვაქცინის დაყოვნებაში საქართველოს ბრალეულობა რამე ყოფილიყო, – ამის შესახებ ალერგოლოგ-იმუნოლოგმა, ბიძინა კულუმბეგოვმა საქართველოს პირველი არხის გადაცემაში „დღის თემა“ განაცხადა. კულუმბეგოვმა ასევე აღნიშნა, რომ „კოვაქსის“ ყველა დანაპირები წუთი-წუთზე რომ შესრულდეს, საქართველოს არ ექნება ვაქცინების 80%, რაც ეროვნული გეგმის შესასრულებლად გვჭირდება და ამიტომ, „კოვაქსზე“ ამდენი აქცენტის გაკეთება სწორი არ არის.

06 მარტი 2021, 00:27

COVID19

ბოლო 24 საათში საფრანგეთში კორონავირუსის 23 507 ახალი შემთხვევა დადასტურდა

საფრანგეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 23 507 ახალი შემთხვევა დადასტურდა, ხოლო 239 ადამიანი ვირუსს ემსხვერპლა.

ბადრი ჯაფარიძე

06 მარტი 2021, 00:21

პოლიტიკა

ბადრი ჯაფარიძე არ გამორიცხავს, რომ ახალ პოლიტიკურ პლატფორმაში „სტრატეგია აღმაშენებლისა“ და ელენე ხოშტარიას გარდა სხვა ოპოზიციური ლიდერები, მათ შორის ზურაბ ჯაფარიძეც იყოს

„რატომაც არა“, - ასე უპასუხა „ლელოს“ გენერალურმა მდივანმა ბადრი ჯაფარიძემ ტელეკომპანია „პალიტრანიუსის“ გადაცემა „360 გრადუსში“ კითხვას იმის შესახებ, გამორიცხავს თუ არა, რომ ახალ პოლიტიკურ გუნდში „სტრატეგია აღმაშენებლისა“ და ელენე ხოშტარიას გარდა სხვა ოპოზიციური ლიდერები, მათ შორის ზურაბ გირჩი ჯაფარიძეც იყოს.

06 მარტი 2021, 00:10

მსოფლიო

ისლანდიაში ერთი კვირის განმავლობაში 18 000-ზე მეტი მიწისქვეშა ბიძგი დაფიქსირდა

ისლანდიის სამხრეთ-დასავლეთ რეგიონში, ბოლო ერთი კვირის განმავლობაში, 18 000-ზე მეტი მიწისქვეშა ბიძგი დაფიქსირდა. ამის შესახებ ინფორმაციას UniLad-ი ავრცელებს. როგორც განცხადებაშია ნათქვამი, მიწისქვეშა ბიძგების ამხელა რაოდენობა იმაზე მეტყველებს, რომ მალე სავარაუდოდ რეიკიანის ნახევარკუნძულზე ვულკანი ამოიფრქვევა.

05 მარტი 2021, 23:58

COVID19

ბელგია მოგზაურობაზე დაწესებულ შეზღუდვებს 18 აპრილამდე ახანგრძლივებს

ბელგია მოგზაურობაზე დაწესებულ შეზღუდვებს 2021 წლის 18 აპრილამდე ახანგრძლივებს. ამის შესახებ ბელგიის პრემიერ-მინისტრმა, ალექსანდერ დე კროომ განაცხადა.

05 მარტი 2021, 23:54

ტაბლოიდი

დედამ შვილს მარიხუანას საყვარელი სახეობის სახელი დაარქვა

„ინდიკას პირველი დღე დაწყებით სკოლაში! გაშალე შენი ფრთები პატარა გოგონავ, მსოფლიო ლამაზი ადგილია იმისთვის, რომ აღმოაჩინო“, - წერს დედა, რომლის ვინაობაც ცნობილი არ არის. აღსანიშნავია, რომ მსოფლიოში კანაფის მცენარის უამრავი სახეობა არსებობს, ინდიკა კი მარიხუანას ერთ-ერთი ჯიშია, რომელიც თავის მოსადუნებელი და თერაპიული თვისებებითაა ცნობილი.

ოკუპაციის მსხვერპლთა ხსოვნის მემორიალის ვანდალიზმის ფაქტი

05 მარტი 2021, 23:51

საზოგადოება

ოკუპაციის მსხვერპლთა ხსოვნის მემორიალის ვანდალიზმის ფაქტზე შინაგან საქმეთა სამინისტრომ გამოძიება დაიწყო

სამინისტროს ინფორმაციით, ვანდალიზმის ფაქტზე გამოძიება სისხლის სამართლის კოდექსის 187-ე მუხლითაა დაწყებული, რაც სხვისი ნივთის დაზიანებას ან განადგურებას გულისხმობს. თბილისის მერიის ინფორმაციით, მემორიალის დაზიანება დღეს საღამოს მოხდა.

05 მარტი 2021, 23:32

მსოფლიო

Reuters: მოგადიშოში აფეთქების შედეგად, სულ მცირე 20 ადამიანი დაიღუპა

სომალის დედაქალაქ მოგადიშოში აფეთქების შედეგად, სულ მცირე 20 ადამიანი დაიღუპა. ინფორმაციას ამის შესახებ სააგენტო Reuters-ი სამედიცინო სამსახურის წარმომადგენლებზე დაყრდნობით ავრცელებს.

თამარ გაბუნია

05 მარტი 2021, 23:26

COVID19

თამარ გაბუნია: ჩვენ ანტივაქსერულ მოძრაობას ველოდებით და ვემზადებით

დღეს ნაცვლად იმისა, რომ ვაქცინის სიკეთეებზე ვსაუბრობდეთ, კომუნიკაციის მთავარი თემა არის ის, თუ სად არის ვაქცინა. მთავრობა ანტივაქსერულ მოძრაობას ელოდება და ამისთვის ემზადება კიდეც, - ამის შესახებ „რუსთავი2“-ის ეთერში დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ თამარ გაბუნიამ განაცხადა.

05 მარტი 2021, 23:17

COVID19

ევროპის წამლის სააგენტომ კოვიდინფიცირებულთა მკურნალობის ახალი რეკომენდაცია გასცა

ევროპის წამლის სააგენტო (ЕМА) კოვიდპაციენტთა სამკურნალოდ მონოკლონალური ანტისხეულების კომბინაციის, ბამლანივიმაბისა (bamlanivimab) ეტესევიმაბის (etesevimab) გამოყენების რეკომენდაციას იძლევა.

დონალდ ტრამპი

05 მარტი 2021, 23:15

მსოფლიო

დონალდ ტრამპი: ბაიდენის კატასტროფული ხელმძღვანელობის გამო, ჩვენი საზღვრები ახლა სრულიად უკონტროლოა

აშშ-ის ყოფილმა პრეზიდენტმა, დონალდ ტრამპმა ჯო ბაიდენის ადმინისტრაცია აშშ-ის საზღვრებზე შექმნილი ვითარების გამო მკაცრად გააკრიტიკა.

კორონას ვაქცინა

05 მარტი 2021, 23:10

COVID19

კანადამ ახალი კოვიდვაქცინა დაარეგისტრირა

გავრცელებული ინფორმაციით, ადგილობრივმა მარეგულირებელმა კონცერნ Johnson & Johnson-ში შემავალი კომპანიის, Janssen Pharmaceutica-ს მიერ წარმოებული ვაქცინის გამოყენების ნებართვა გასცა. ვაქცინით 18 წელს ზემოთ ასაკის მოქალაქეების აცრაა რეკომენდებული. აქამდე კანადაში Pfizer/BioNTech-ის, Moderna-ს და Astrazeneca-ს ვაქცინების გამოყენება იყო დაშვებული.

თამარ გაბუნია

05 მარტი 2021, 22:54

COVID19

თამარ გაბუნია: რუსული ვაქცინის შემოტანა პოლიტიკური მიზნებიდან გამომდინარე არ იგეგმება

ჩინურ ვაქცინასთან დაკავშირებით განხილვა დაწყებულია, რუსული ვაქცინის შემოტანა კი, პოლიტიკური მიზნებიდან გამომდინარე არ იგეგმება, - ამის შესახებ „რუსთავი2“-ის ეთერში დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ თამარ გაბუნიამ განაცხადა. მისი თქმით, რუსულმა ვაქცინამაც შეიძლება გაიაროს ავტორიზაცია, თუმცა ჯანდაცვის სამინისტრო არ თვლის, რომ რუსული ვაქცინა გამოიყენოს. „არჩევანი ფართოა და ქვეყანა მოახერხებს სხვა ვაქცინის მობილიზებას. ჩვენ განვიხილავთ ყველა ვაქცინას, რომელიც მიიღებს ჯანმოს ავტორიზაციას. მათ შორის ჩინურსაც“, - აღნიშნა გაბუნიამ.

05 მარტი 2021, 22:52

COVID19

ბოლო 24 საათში ესპანეთში კორონავირუსის 6 654 ახალი შემთხვევა დადასტურდა

ესპანეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 6 654 ახალი შემთხვევა დადასტურდა, ხოლო 637 ადამიანი გარდაიცვალა.