მურჯიკნელი: იმედი მაქვს ჭეშმარიტ დამნაშავეს დააკავებენ და მე სასამართლოდან გამიშვებენ

ზაზა მურჯიკნელი, რომელიც თადარიგის ყოფილი პოლკოვნიკის, დოდო გუგეშაშვილის დაჭრისა და მისი შვილის, ნოდარ გუგეშაშვილის მკვლელობის საქმეშია ბრალდებული, ბრალს არ აღიარებს და თვლის რომ სასამართლომ მის მიმართ აღკვეთის ღონისძიების არც ერთი ფორმა არ უნდა გამოიყენოს.

სახელმწიფო ბრალდება პატიმრობის შუამდგომლობას აყენებს. 

სხდომა საქალაქო სასამართლოში მიმდინარეობს.

„დანაშაულთან შემხებლობა არ მაქვს, გამოძიება შეცდომაშია შესული. იმედი მაქვს, ჭეშმარიტ დამნაშავეს დააკავებენ და მე გამიშვებენ სასამართლოდან, რადგან მე არანაირი შემხებლობა აქ მაქვს დანაშაულთან“, - განაცხადა მურჯიკნელმა. 

„ბრალდება სსკ-ს 109-ე მუხლის პირველი ნაწილისა "გ"ქვეპუნქტით (განზრახ მკვლელობა დანაშაულის დაფარვისთვის) და 19-109 მუხლის მესამე ნაწილის "ა" ქვეპუნქტით (ორი ან მეტი პირის მიმართ განზრახ მკვლელობის მცდელობა) და ასევე 236-ე მუხლის მეორე და მესამე ნაწილით (ცეცხლსასროლი იარაღის მართლსაწინააღმდეგო შეძენა-შენახვა).

დაკავებულს ბრალი ოფიციალურად 25 იანვარს წარედგინა. 

დოდო გუგეშაშვილის დაჭრისა და მისი შვილის მკვლელობის საქმეზე დაკავებულს ბრალი წარედგინა. გამოძიება ზაზა მურჯიკნელს სამი მუხლით ედავება, მათ შორის განზრახ მკვლელობას დანაშაულის დაფარვის მიზნით.

მისთვის აღკვეთის ღონისძიების შეფარდების საკითხზე სასამართლო სავარაუდოდ ხვალ იმსჯელებს. მას 16-დან 20 წლამდე ან უვადო პატიმრობა ემუქრება.  

საქმის გახსნის შესახებ 24 იანვარს გახდა ცნობილი. 

გუგეშაშვილებზე შეიარაღებული თავდასხმა დიღმის მასივში 2018 წლის თებერვალში მოხდა, რა დროსაც თადარიგის პოლკოვნიკი დოდო გუგეშაშვილი დაჭრეს, მისი შვილი, 33 წლის გრიგოლ გუგეშაშვილი კი ადგილზე დაიღუპა.