07 მაისი 2020, 18:24 / სანდო წყარო

სტრასბურგის სასამართლომ 2004-2008 წლებში სამართალდამცავი ორგანოების მიერ ნარკოტიკების „ჩადების“ პრაქტიკის არსებობა კიდევ ერთხელ დაადასტურა

იუსტიციის სამინისტროს ინფორმაციით, 2020 წლის 7 მაისს ადამიანის უფლებათა ევროპულმა სასამართლომ საქმეზე – „მეგრელიშვილი საქართველოს წინააღმდეგ“ – გადაწყვეტილება გამოაქვეყნა და დააკმაყოფილა მომჩივნის პრეტენზიები 2007 წელს სპეციალური ოპერატიული დეპარტამენტის (სოდ) მიერ მისთვის ნარკოტიკების „ჩადების“ თაობაზე.

სამინისტროს ცნობით, მომჩივანი ევროპული სასამართლოს წინაშე კონვენციის მე-6 მუხლის საფუძველზე ამტკიცებდა, რომ სოდ-ის თანმშრომლებმა ნარკოტიკები მასთან განზრახ განათავსეს და მის მიმართ გამამტყუნებელი განაჩენი ემყარებოდა უკანონოდ მოპოვებულ მტკიცებულებებს; მომჩივანსა და მისი ოჯახის წევრებს თვითნებურად ეთქვათ უარი ჩხრეკის დროს დამოუკიდებელი მოწმეების დასწრებაზე; შიდა სასამართლოებმა კი, სათანადოდ არ განიხილეს დაცვის მხარის არგუმენტები სადავო მტკიცებულებების თაობაზე.

კერძოდ, 2007 წლის 3 ივლისს, ნარკოტიკების ფლობის საფუძველზე, მომჩივანი მანქანით გადაადგილებისას სოდ-ის თანამშრომლებმა გააჩერეს, გაჩხრიკეს და როგორც შარვლის ჯიბიდან, ისე მანქანიდან ნარკოტიკული საშუალებები ამოუღეს, რასაც მომჩივანი აპროტესტებდა და ამტკიცებდა, რომ მას ნარკოტიკები არ ჰქონია. იმავე დღეს, მომჩივნის დაკავებისა და ჩხრეკის პარალელურად, სოდ-ის თანამშრომლები, მერაბ მეგრელიშვილის მეუღლის, სიდედრისა და ორი მცირეწლოვანი ბავშვის თანდასწრებით, რამდენიმე საათის განმავლობაში ჩხრეკდნენ მის ბინასა და ავტოფარეხს, სადაც დამატებით იპოვეს ნარკოტიკული საშუალებები (სახლის აივანსა და ავტოფარეხში).

ჩხრეკის ოქმები ადასტურებს, რომ მომჩივანსა და მისი ოჯახის წევრებს არ მისცეს საშუალება, ჩხრეკას დასწრებოდნენ მომჩივნის ადვოკატი ან დამოუკიდებელი მოწმეები. მომჩივანმა და მისი ოჯახის წევრებმა უარი განაცხადეს ჩხრეკის ოქმების ხელმოწერაზე და აღნიშნეს, რომ ნარკოტიკები „ჩაუდეს“ სოდ-ის თანამშრომლებმა.

2007 წლის 4 ივლისს მომჩივანს ბრალი წაუყენეს ნარკოტიკული დანაშაულისთვის. 2008 წლის 31 მარტს მომჩივანი დამნაშავედ ცნო თბილისის საქალაქო სასამართლომ და 12 წლით თავისუფლების აღკვეთა მიუსაჯა, რაც ძალაში დატოვა თბილისის სააპელაციო სასამართლომ 2008 წლის 16 ივლისს, ხოლო 2008 წლის 19 ნოემბერს უზენაესმა სასამართლომ დაუშვებლად გამოაცხადა მომჩივნის საკასაციო საჩივარი.

ევროპული სასამართლოს გადაწყვეტილების თანახმად, საქმეზე დადგინდა კონვენციის მე-6 მუხლის პირველი პუნქტის დარღვევა შემდეგი გარემოებების გამო:

1. ჩხრეკა ჩატარდა ოპერატიული ინფორმაციის საფუძველზე, რომლის სასამართლო ზედამხედველობა არ განხორციელებულა;

2. ჩხრეკა ჩატარდა სასამართლოს წინასწარი თანხმობის გარეშე „გადაუდებელი აუცილებლობის“ მოტივით, თუმცა, დასაბუთებული არ ყოფილა, რა გადაუდებელმა აუცილებლობამ გამოიწვია ჩხრეკის ამ ფორმით ჩატარება;

3. ჩხრეკას არ დაასწრეს დამოუკიდებელი მოწმეები;

4. სასამართლო განხილვის ეტაპზე ამგვარ საეჭვო ვითარებაში ჩატარებული ჩხრეკის კანონიერება სათანადოდ არ გაანალიზდა;

5. საეჭვო ჩხრეკის შედეგად მოპოვებული ნარკოტიკების გარდა, საქმეში არ ყოფილა სხვა სარწმუნო მტკიცებულება, რომელიც მომჩივნის ბრალეულობას დაადასტურებდა.

„სტრასბურგის სასამართლომ დაადგინა, რომ კუმულაციურად – ჩხრეკის დროს არსებულმა პროცედურულმა ხარვეზებმა, არაადეკვატურმა სასამართლო შემოწმებამ და საქმეში არსებულმა სხვა სუსტმა დამადასტურებელმა მტკიცებულებებმა მთლიანობაში დაარღვია მომჩივნის საქმის სამართლიანი განხილვის უფლება. სასამართლომ სახელმწიფოს მომჩივნის სასარგებლოდ დააკისრა 3 000 ევროს გადახდა მორალური ზიანის ანაზღაურების სახით.

აღსანიშნავია, რომ ევროპულმა სასამართლომ საკუთარი არგუმენტაცია დააყრდნო 2019 წლის 14 მარტს საქმეზე – „კობიაშვილი საქართველოს წინააღმდეგ“ – გამოტანილ გადაწყვეტილებას, სადაც მომჩივანი, აგრეთვე, ჩიოდა 2005 წელს შსს-ის თანამშრომლების მიერ მისთვის ნარკოტიკების „ჩადების“ გამო. სტრასბურგის სასამართლომ ამ საქმეშიც კონვენციის მე-6 მუხლის დარღვევა დაადგინა, რადგან ჩხრეკა ჩატარდა ოპერატიული ინფორმაციის საფუძველზე, „გადაუდებელი აუცილებლობის“ მოტივით, სასამართლოს წინასწარი თანხმობის გარეშე, და სასამართლო განხილვის ეტაპზე ეს საეჭვო გარემოებები არ აღმოფხვრილა“ - აღნიშნულია უწყების მიერ გავრცელებულ განცხადებაში.

ყველა სიახლე

06 ივნისი 2020, 14:19

COVID19

რუსეთის ჯანდაცვის სამინისტრომ ლიცენზია კორონავირუსის საწინააღმდეგო კიდევ ერთ პრეპარატზე გასცა

რუსეთის ჯანდაცვის სამინისტრომ კორონავირუსის საწინააღმდეგო კიდევ ერთი ადგილობრივი წარმოების პრეპარატი „ლევილამბი“ დაარეგისტრირა, - ამის შესახებ სააგენტო „ინტერფაქსი“ იტყობინება. უწყება განმარტავს, რომ პრეპარატი მძიმე პაციენტებში ე.წ. „ციტოკინურ შტორმს“ აფერხებს. ერთი კვირის წინ რუსეთის ჯანდაცვის სამინისტრომ ლიცენზია კიდევ ერთ კოვიდსაწინააღმდეგო პრეპარატზე გასცა.

ავსტრალია აქცია

06 ივნისი 2020, 14:16

მსოფლიო

ავსტრალიაში რასიზმის საწინააღმდეგო აქციაში ათობით ათასმა ადამიანმა მიიღო მონაწილეობა

ქვეყნის რამდენიმე ქალაქში მარშები პოლიციის მიერ დაკავებული ჯორჯ ფლოიდის გარდაცვალების გამო გაიმართა, თუმცა დემონსტრანტებმა ხაზი ავსტრალიის აბორიგენების მარგინალიზაციასა და ცუდ მოპყრობას გაუსვეს.

06 ივნისი 2020, 14:11

COVID19

ინდონეზიაში კოვიდინფიცირების ყველაზე მაღალი დღიური მაჩვენებელი დაფიქსირდა

ინდონეზიაში კოვიდინფიცირების ყველაზე მაღალი დღიური მაჩვენებელი დაფიქსირდა. 24 საათის განმავლობაში აქ 993 ახალი შემთხვევა აღწერეს. ქვეყანაში ინფიცირებულთა რიცხვმა უკვე 30 514-ს მიაღწია. გასული დღე-ღამის განმავლობაში ვირუსს 31 ადამიანი ემსხვერპლა და COVID-19-ის მსხვერპლთა რიცხვი უკვე 1 801-ს გაუტოლდა.

06 ივნისი 2020, 13:59

მსოფლიო

NBA-ს კალათბურთელი ტრამპს თეთრი სახლიდან გაგდებით დაემუქრა

NBA-ს ჩემპიონი სტივენ ჯეკსონი, რომელიც პოლიციელების მოკლული ჯორჯ ფლოიდის მეგობარი იყო, პირობას დებს, რომ დონალდ ტრამპს თეთრი სახლიდან გააძევებენ, - ამის შესახებ ინფორმაციას clutchpoints ავრცელებს. „გპირდები, რომ ნოემბერში თეთრ სახლში აღარ იქნები. შენ გადაგირჩევენ. ჩვენ მოვალთ და თეთრი სახლიდან გაგაგდებთ. ამას გააკეთებს 18 ქვეყანა და ამერიკის 50 შტატი, სადაც საპროტესტო აქციები იმართება. შენ აღარ იქნები თეთრ სახლში,“- განაცხადა კალათბურთელმა.

06 ივნისი 2020, 13:57

COVID19

ირანის პრეზიდენტის თქმით, ქვეყანაში კორონავირუსის გავრცელებას ერთ-ერთმა ქორწილმა შეუწყო ხელი

„ერთ ადგილას, ჩვენ პანდემიის პიკი ვიხილეთ. ამის წყარო კი იყო ქორწილი. შეკრებამ პრობლემა შეუქმნა ადამიანებს, ჯანდაცვის მუშაკებსა და ქვეყნის ჯანდაცვის სისტემას“ - განაცხადა ჰასან როუჰანმა სახელმწიფო ტელევიზიის ეთერში საუბრისას, თუმცა, არ დაუკონკრეტებია, თუ სად ჩატარდა აღნიშნული ქორწილი.

06 ივნისი 2020, 13:51

მსოფლიო

ცხინვალში ე.წ. იუსტიციის მინისტრს სახლის ფანჯრები ჩაუმსხვრიეს

ოკუპირებული ცხინვალის ე.წ. იუსტიციის მინისტრს სახლის ფანჯრები ჩაუმსხვრიეს. ამის შესახებ სააგენტო „რია ნოვოსტი“ დეფაქტო რესპუბლიკის შს სამინისტროზე დაყრდნობით იტყობინება. გავრცელებული ინფორმაციით, თავდასხმა ზალინა ლალიევას სახლზე ღამის 23:00-ზე განხორციელდა.

კახა კალაძე

06 ივნისი 2020, 13:51

ტაბლოიდი

თბილისის მერმა მოქალაქეს, რომელიც გუშინ ვარკეთილში დაუპირისპირდა, მაისური აჩუქა

„სავარაუდოდ, თვითონ შემოიხია მაისური, ამიტომაც ერთ მაისურს მას, მეორეს კი „მთავარ არხს“ გადავცემთ საჩუქრად”, - განაცხადა კალაძემ და ჟურნალისტებს შავი მაისური აჩვენა, რომელზეც მიხეილ სააკაშვილის ფოტოა გამოსახული.

06 ივნისი 2020, 13:39

COVID19

დღე-ღამეში თურქეთში 18 კოვიდინფიცირებული გარდაიცვალა

ბოლო 24 საათის განმავლობაში თურქეთში 18 კოვიდინფიცირებული გარდაიცვალა, 930 ადამიანს კი ვირუსი დაუდგინდა. სულ ქვეყანაში ინფიცირების 168 340 შემთხვევაა აღწერილი, 4 648 ადამიანი ვირუსს ემსხვერპლა, 133 400 კი გამოჯანმრთელდა. თურქეთში კოვიდინფიცირების პირველი შემთხვევა 25 მარტს გამოვლინდა.

ბათუმის სასამართლო

06 ივნისი 2020, 13:38

რეგიონი

„ლავასოღლის“ მხარდამჭერ აქციაზე დაკავებული 8 პირი 1000 ლარით დაჯარიმდა, ერთს კი სიტყვიერი გაფრთხილება მიეცა

ბათუმის საქალაქო სასამართლომ ე.წ. კანონიერი ქურდის, მინდია გორაძის („ლავასოღლი“) მხარდამჭერ აქციაზე დაკავებული პირების საქმეზე იმსჯელა. მოსამართლე ირმა ტოგონიძემ ცხრავე პირი სამართალდამრღვევად ცნო, აქედან რვა მათგანი 1000-1000 ლარით დააჯარიმა, ერთს კი სიტყვიერი გაფრთხილება მისცა.

06 ივნისი 2020, 13:28

საზოგადოება

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია

ლიბერთი აგრძელებს ზრუნვას სოციალური პასუხისმგებლობის პროგრამის #ლიბერთიგულით ფარგლებში და პანდემიის პერიოდში საკუთარ მომხმარებელს კიდევ ერთ სიახლეს სთავაზობს: დღეიდან, ლიბერთის მობაილ ბანკით სარგებლობისას არ დაიხარჯება მობილური ინტერნეტი და გამოყენება უკვე იმ შემთხვევაშიც კი იქნება შესაძლებელი თუ მობილურის ბალანსზე თანხა ან მობილური ინტერნეტის მეგაბაიტები არ არის ხელმისაწვდომი.

ბათუმი პლაჟი

06 ივნისი 2020, 13:24

COVID19

თენგიზ ცერცვაძემ განმარტა რა რისკებს შეიცავს პანდემიის დროს ზღვაზე დასვენება

„ვარაუდობენ, რომ წყლით ეს ვირუსი არ გადადის. მაგრამ ვინაიდან გამოცდილება მცირეა, ამის გარანტიას ვერავინ მოგვცემს. უბრალოდ არის ინფორმაცია, რომ წყლით გადასვლის რისკი ძალიან დაბალია. იქაც, იმ ტურისტული სეზონის და ზღვაზე დასასვენებლად გასვლის დროს წამყვან რისკ-ფაქტორად დარჩება მაინც საზოგადოებრივი თავშეყრები“, - აღნიშნა ცერცვაძემ.

06 ივნისი 2020, 13:19

საზოგადოება

როგორ დავიცვათ ზაფხულში ბავშვები ნაწლავური ინფექციებისგან? - პედიატრის რჩევები

რას უკავშირდება ზაფხულში ინფექციების გავრცელების მაღალი მაჩვენებელი და რატომ უნდა ვიყოთ განსაკუთრებით ყურადღებით ბავშვების შემთხვევაში? - ამის შესახებ ტელეკომპანია „იმედის“ ეთერში, გადაცემა „ანატომიასთან“ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, პედიატრმა და თსსუ-ის პროფესორმა, ივანე ჩხაიძემ ისაუბრა.

ლუის ჰამილტონი

06 ივნისი 2020, 13:16

მსოფლიო

ლუის ჰამილტონის თქმით, მას ბავშვობაში მუქი ფერის კანის გამო ხშირად აბულინგებდნენ და სცემდნენ

ლუის ჰამილტონის თქმით, მას ბავშვობაში მუქი ფერის კანის გამო ხშირად აბულინგებდნენ და სცემდნენ, - ამის შესახებ ინფორმაციას CNN ავრცელებს. როგორც მან აღნიშნა, მასზე ისეთი ნეგატიური ფსიქოლოგიური ეფექტები გამოიწვია ამ ყველაფერმა, რისი გაზომვაც შეუძლებელია. ფორმულა 1-ის ექვსგზის ჩემპიონმა სპორტის გარდა სახელი რასიზმისა და უთანასწორობის წინააღმდეგ ბრძოლითაც გაითქვა.

თენგიზ ცერცვაძე

06 ივნისი 2020, 13:08

COVID19

თენგიზ ცერცვაძე: ტურიზმის აღდგენა ძალიან დიდი გამოცდა იქნება

„ეს იქნება ძალიან დიდი გამოცდა, იმიტომ რომ შეზღუდვების მოხსნის პირობებში საზოგადოებამ მაინც შეინარჩუნა ის ჩვევები და ქართველებმა გამოავლინეს მათთვის არადამახასიათებელი მობილიზება და პასუხისმგებლობის გრძნობა და ამიტომ შეზღუდვების მოხსნა კარგად გადაიტანეს. ჯერ ზღვაზე გასვლის მასობრივი სეზონი და შემდეგ უკვე საერთაშორისო ტურიზმის გახსნა იქნება ძალიან დიდი გამოცდა“, - აღნიშნა ცერცვაძემ.

მირტაგი ასადოვი

06 ივნისი 2020, 13:02

სამართალი

საქართველოს მუსლიმთა სამმართველოს თავმჯდომარე სუსში გამოკითხვაზე იმყოფება

სრულიად საქართველოს მუსლიმთა უმაღლესი სასულიერო სამმართველოს თავმჯდომარე, შეიხი მირტაგ ასადოვი სახელმწიფო უსაფრთხოების სამსახურში გამოკითხვაზე იმყოფება. ინფორმაცია ამის შესახებ imedinews-ს სუს-ში დაუდასტურეს. უწყებაში განმარტავენ, რომ ასადოვის გამოკითხვა რასობრივი დისკრიმინაციის ფაქტზე დაწყებული გამოძიების ფარგლებში მიმდინარეობს.

თენგიზ ცერცვაძე

06 ივნისი 2020, 12:56

COVID19

თენგიზ ცერცვაძის თქმით, საქართველოში შეზღუდვების მოხსნას ეპიდსიტუაციაზე უარყოფითი გავლენა არ მოჰყოლია

„თქვენ ხედავთ რა ხდება ჩვენს მეზობელ ქვეყნებში, სადაც შეზღუდვები მოიხსნა. რაღაც კატასტროფა ხდება. დღეში ჰყავთ იმაზე მეტი ავადმყოფი ვიდრე ჩვენ 3 თვის განმავლობაში დაგვიგროვდა. მაგრამ ჩვენთან, საქართველოში შეზღუდვების მოხსნას ჯერჯერობით არანაირი უარყოფითი გავლენა არ მოუხდენია. ისევ გრძელდება ერთეული შემთხვევები, რაც იქნება“, - აღნიშნა ცერცვაძემ.

კორონავირუსი დიდი ბრიტანეთი

06 ივნისი 2020, 12:47

COVID19

ექსპერტებმა დიდ ბრიტანეთში კორონავირუსით გამოწვეული ყველაზე მაღალი სიკვდილიანობის მიზეზები განმარტეს

ექსპერტებმა დიდ ბრიტანეთში კორონავირუსით გამოწვეული მსოფლიოში ყველაზე მაღალი სიკვდილიანობის მიზეზები განმარტეს. ინფორმაციას ამის შესახებ Sky News-ი ავრცელებს. სამეფო სამედიცინო საზოგადოების ეპიდემიოლოგიისა და საზოგადოებრივი ჯანდაცვის განყოფილების ხელმძღვანელის, გაბრიელ სკელის განცხადებით, ქვეყნის ხელისუფლებას რომ ჯანმოს რეკომენდაციები გაითვალისწინება და დროულად დაეწესებინა საკარანტინო ზომები, გარდაცვალებების უმეტესობის თავიდან აცილება შესაძლებელი იყო.

ალექსანდრ კატაი

06 ივნისი 2020, 12:43

მსოფლიო

ალექსანდრ კატაიმ LA Galaxy ცოლის მიერ გამოქვეყნებული რასისტული პოსტების გამო დატოვა

სერბმა ფეხბურთელმა, ალექსანდრ კატაიმ LA Galaxy მას შემდეგ დატოვა, რაც მისმა ცოლმა მედიაში „რასისტული და ძალადობრივი“ ხასიათის შეთყობინებები დატოვა, - ამის შესახებ ინფორმაციას BBC ავრცელებს. კატაის ცოლი თეა, როგორც ჩანს ფერადკანიანთა უფლებადამცველებს დასცინოდა და Instagram-ზე მაღაზიების ძარცვასთან დაკავშირებით ხუმრობდა.

აშშ პოლიცია

06 ივნისი 2020, 12:42

მსოფლიო

აშშ-ში პოლიციამ მანქანაში ცოლ-ქმრის და მათი 4 შვილის ცხედარი აღმოაჩინა

სამართალდამცველებმა 30 წელს გადაცილებული კაცი, მისი ცოლი და მათი 4 შვილი, რომელთა ასაკიც 11 თვიდან 4 წლამდე მერყეობს ავტოფარეხში გაჩერებულ მანქანაში აღმოაჩინეს. პოლიციაში მიიჩნევენ, რომ საქმე სავარაუდოდ თვითმკვლელობას ეხება, რადგან ექვსივეს გარდაცვალების მიზეზი გაზით მოწამვლაა.

06 ივნისი 2020, 12:33

მსოფლიო

პოლონეთი საერთაშორისო ფრენების აკრძალვას 16 ივნისამდე გაახანგრძლივებს

პოლონეთი გეგმავს, საერთაშორისო ფრენების აკრძალვა 16 ივნისამდე გაახანგრძლივოს. ქვეყანაში პოლონურმა ავიაკომპანიამ LOT-მა 1-ლი ივნისადან შიდა ფრენები უკვე არადგინა და რეისებს ვარშავაში, გდანსკში, კრაკოვსა და ვროცლავში უკვე ასრულებს.