imedi /  07 ოქტომბერი 2020, 14:06 / სანდო წყარო

პროკურატურამ საქართველოს ტერიტორიის ნაწილის გადაცემისკენ მიმართული ქმედების ბრალდებით 2 პირი დააკავა

საქართველოს გენერალურმა პროკურატურამ საქართველოს ტერიტორიის ნაწილის გადაცემისკენ მიმართული, ჩვენი ქვეყნის საწინააღმდეგო ქმედების ბრალდებით 2 პირი დააკავა. ინფორმაცია უწყებაში ჩატარებულ ბრიფინგზე გაჟღერდა. ამასთან, პროკურატურაში არ გამორიცხავენ, რომ გამოძიების მსვლელობისას ყოფილი ან მოქმედი თანამდებობის პირთა პასუხისმგებლობაც გამოიკვეთოს.

დაკავებულია საქართველოს საგარეო საქმეთა სამინისტროს მეზობელი ქვეყნების დეპარტამენტის, სასაზღვრო ურთიერთობათა სამსახურის უფროსი ი.მ. და საქართველოს შინაგან საქმეთა სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნ.ი.

„როგორც საზოგადოებისათვის ცნობილია, მიმდინარე წლის 17 აგვისტოს საქართველოს გენერალურ პროკურატურაში გამოძიება დაიწყო სისხლის სამართლის საქმეზე, უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედების განხორციელების ფაქტზე, საქართველოს სისხლის სამართლის კოდექსის 308-ე მუხლის პირველი ნაწილით გათვალისწინებული დანაშაულის ნიშნებით.
გამოძიების დაწყებას საფუძვლად დაედო საქართველოს თავდაცვის სამინისტროდან მიღებული წერილობითი ინფორმაცია, რომლის თანახმადაც წლების განმავლობაში საგარეო საქმეთა სამინისტროსთან არსებული სახელმწიფო საზღვრის დელიმიტაცია-დემარკაციის კომისიის ექსპერტების მიერ, სახელმწიფო საზღვრის შეთანხმებისას მუდმივად ხდებოდა რელევანტური დოკუმენტაციის იგნორირება და მათთვის გვერდის ავლით საქართველოს საზიანო გადაწყვეტილებების მიღება. ამავე ინფორმაციის თანახმად, საქართველოს მოქალაქემ, სხვა ქვეყანებში მოიძია და თავდაცვის სამინისტროს გადასცა მნიშვნელოვანი საარქივო მასალა, მათ შორის ტოპოგრაფიული რუკები, რომლებიც წარმოდგენილი იქნა გამოძიების წინაშე.
მიღებული ინფორმაციის საფუძველზე, გამოძიებამ, სხვა საკითხებთან ერთად, საქართველოს სამთავრობო კომისიის ცალკეული ექსპერტების ქმედებების კანონიერების შესწავლა დაიწყო.
საქმეზე მოწმის სახით გამოიკითხა 60-მდე პირი, ჩატარდა ათეულობით საგამოძიებო და საპროცესო მოქმედება, მათ შორის საქართველოს ეროვნული არქივიდან, საჯარო რეესტრის, სასაზღვრო პოლიციის, ეროვნული უშიშროების საბჭოს და საგარეო საქმეთა სამინისტროს არქივებიდან, საქართველოს პრეზიდენტის ადმინისტრაციიდან, ეროვნული ბიბლიოთეკიდან, გარემოს დაცვის ეროვნული სააგენტოდან, კულტურული მემკვიდრეობის დაცვის ეროვნული სააგენტოდან ამოღებული იქნა მნიშვნელოვანი დოკუმენტაცია, მათ შორის კარტოგრაფიული მასალები, დაინიშნა შესაბამისი ექსპერტიზები, რის შედეგადაც დადგინდა შემდეგი:
საბჭოთა კავშირის არსებობის პერიოდში, საქართველოსა და აზერბაიჯანის რესპუბლიკებს შორის ადმინისტრაციული საზღვრის ხაზი რამოდენიმეჯერ შეიცვალა და საბოლოოდ 1938 წელს ორმხრივად შეთანხმდა.
კერძოდ, 1938 წლის მარტში, საქართველოს და აზერბაიჯანის უმაღლესმა მმართველობითმა ორგანოებმა დაამტკიცეს 1:500 000 მასშტაბის რუკაზე დატანილი ადმინისტრაციული საზღვრის ხაზი.
საბჭოთა კავშირის დაშლის შემდეგ, საქართველოსა და მის მეზობელ სახელმწიფოებს შორის წარმოიშვა სახელმწიფო საზღვრის ხაზის დადგენის აუცილებლობა, რა მიზნითაც 1994 წელს შეიქმნა საქართველოს სპეციალური სამთავრობო კომისია, რომლის ამოცანას წარმოადგენდა ქვეყნებს შორის საზღვრის დელიმიტაცია და დემარკაცია.
1996 წლის ივნისში, საქართველოს და აზერბაიჯანის სამთავრობო კომისიები ერთობლივ შეხვედრაზე შეთანხმდნენ, რომ სახელმწიფოებს შორის საზღვრის დადგენის საფუძველი იქნებოდა 1938 წელს მათ შორის ორმხრივად დამტკიცებული ადმინისტრაციული საზღვრის ხაზი.
საქართველოს სამთავრობო კომისიის ერთ-ერთ წევრი და ამავდროულად ექსპერტთა ჯგუფის ხელმძღვანელი იყო ი. მ. და მასთან ერთად ამ პროცესს წარმართავდა კომისიის ექსპერტ-კარტოგრაფი ნ. ი. ხსენებული პირები, საზღვრის დელიმიტაცია-დემარკაციის პროცესის განხორციელების მიზნებისათვის, ვალდებულნი იყვნენ ჩაეტარებინათ გეოდეზიური და კარტოგრაფიული სამუშაოები, მოეძიებინათ შესაბამისი რუკები და სხვა მასალები, მოეხდინათ მათი შეჯერება, ანალიზი და მათ საფუძველზე შეედგინათ საქართველოს საზღვრის ამსახველი რუკის ალბომები. აღნიშნულის საწინააღმდეგოდ, ბრალდებულებმა არ უზრუნველყვეს შესაბამისი აუცილებელი საექსპერტო კვლევების ჩატარება და ასევე აღნიშნულ პროცესში არ ჩართეს კარტოგრაფიის დარგის სპეციალისტები.
აღსანიშნავია, რომ სწორედ ბრალდებულთა მიერ შედგენილ ალბომებში ხდებოდა მათ მიერვე შეთანხმებული საზღვრის ამსახველი მონაკვეთების დატანა, რომელიც თავის მხრივ წარმოადგენდა ორ სახელმწიფოს შორის, 2007 წლის ჩათვლით პერიოდში, საზღვარზე მოლაპარაკება-შეთანხმების პროცესის ძირითად სახელმძღვანელო მასალას.
ბრალდებულებს ევალებოდათ შეექმნათ კონსტიტუციურ პრინციპებზე და რელევანტურ კარტოგრაფიულ მასალაზე დაფუძნებული რუკის ალბომები, სადაც დატანილი იქნებოდა საქართველოს რეალური, ისტორიული საზღვარი (1938 წ) რაც გახდებოდა ორ სახელმწიფოს შორის მოლაპარაკებისა და შეთანხმების საფუძველი.
მიუხედავად იმისა, რომ მათ მთელი საქმიანობის პერიოდში, გააჩნდათ 1937-1938 წლების 1:200 000-იანი მასშტაბის ტოპოგრაფიული რუკის დედანი, საქართველოს სამთავრობო კომისიის წევრებს უმალავდნენ ინფორმაციას აღნიშნულის თაობაზე, რათა არ მოეხდინათ მისი გამოყენება საზღვრების დელიმიტაციის პროცესში. ხსენებული რუკის დედანი გამოძიების მიერ სასამართლოს განჩინების საფუძველზე აღმოჩენილი იქნა ბრალდებულ ნ.ი-ს სამუშაო კაბინეტში.
აღსანიშნავია, რომ კომისიის წევრებისათვის ხელმისაწვდომი იყო დასახელებული რუკის მხოლოდ ასლი და მათ მიერ არაერთი მოთხოვნის მიუხედავად, რომ მომხდარიყო ამ რუკის გამოყენება საზღვრის დელიმიტაციის პროცესში, ბრალდებულები იმ მიზეზით რომ არ არსებობდა რუკის დედანი, მისი ასლი კი არ იყო ავთენტური დოკუმენტი, ეწინააღმდეგებოდნენ მის გამოყენებას.
ბრალდებულებმა რუკის ალბომებში სახელმწიფო საზღვრის გავლებისას განზრახ გამოიყენეს ისეთი კარტოგრაფიული მასალა, რომელიც ისტორიულად და სამართლებრივად არ ემყარებოდა და არ ასახავდა ჩვენი სახელმწიფოს რეალურ პოზიციას მის კუთვნილ ტერიტორიებთან დაკავშირებით.
კერძოდ: ი.მ.-მ და ნ.ი.-მ დელიმიტაციის პროცესში, სასაზღვრო ხაზზე შეთანხმებისას, ნაცვლად 1938 წლის კარტოგრაფიული მასალისა, მიზანმიმართულად გამოიყენეს 1970-80-იან წლებში გამოცემული 1:100 000-იანი და 1 : 50 000 მასშტაბის რუკებზე არსებული საზღვრის ხაზი, რომლებიც სახელმწიფოთაშორის ორმხრივად დამტკიცებული არასდროს ყოფილა და არსებით წინააღმდეგობაში მოდიოდა ჩვენს ისტორიულ საზღვრებთან.
უნდა აღინიშნოს, რომ ბრალდებულმა ი.მ-მ გამოძიებას არ გადასცა მის ხელთ არსებული 1970-80-იან წლებში გამოცემული 1:100 000-იანი მასშტაბის რუკები, რომლებიც მან საზღვრების დელიმიტაციის პროცესში რეალურად გამოიყენა, ქვეყნის ინტერესების საწინააღმდეგოდ. აღნიშნული მასალების მოპოვება გამოძიებამ მხოლოდ ი.მ-ს კუთვნილ სამუშაო ოთახში ჩატარებული ჩხრეკის შედეგად შეძლო.
მას შემდეგ, რაც გამოძიებამ მოიპოვა 1937-1938 წლების 1:200 000-იანი მასშტაბის რუკა, მათი შესწავლისა და შეთანხმებულ საზღვრის ხაზთან დადარების მიზნით, ს.ს.ი.პ. ლევან სამხარაულის სახელობის სასამართლო ექსპერტიზის ეროვნულ ბიუროში დანიშნული იქნა კარტოგრაფიული ექსპერტიზა, რომელშიც ჩართული იქნენ ივანე ჯავახიშვილის სახელობის თბილისის სახელმწიფო უნივერსიტეტის, სოხუმის სახელმწიფო უნივერსიტეტისა და ტექნიკური უნივერსიტეტის პროფესორები და კარტოგრაფიული დარგის წამყვანი ექსპერტები.
მიღებული ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემული რუკებზე დატანილი საზღვრის ხაზებით, რაც როგორც აღინიშნა არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.
ჩატარებული ექსპერტიზით ასევე დადგინდა, რომ 1:500 000 მასშტაბში მომზადებული ამონახაზი, რომლითაც ბრალდებულების განმარტებით ხელმძღვანელობდნენ საზღვრების დელიმიტაციისას და ეს იყო მათი ძირითადი სახელმძღვანელო დოკუმენტი, როგორც კარტოგრაფიული პროდუქტი, ვერ გამოდგება შესასრულებელი კარტოგრაფიული სამუშაოს საფუძვლად, რადგან ასეთი ამონახაზები არ მოიცავს სრულფასოვან ტოპოგრაფიულ ინფორმაციას, მასზე არ არის დატანილი ადგილმდებარეობის გეოგრაფიული ობიექტები და ტოპოგრაფიული ელემენტები (მწვერვალები, მყარი წერტილები, სიმაღლითი ნიშნულები, გზათა გადაკვეთები, დასახლებული პუნქტები, და სხვა).
და რაც ყველაზე მნიშვნელოვანია, ჩატარებული ექსპერტიზით დადგინდა, რომ საქართველოსა და აზერბაიჯანს შორის, 2007 წლის ჩათვლით პერიოდში, შეთანხმებული საზღვრის რიგი მონაკვეთები არ შეესაბამება 1937-1938 წლებში გამოცემულ 1:200 000 მასშტაბის ტოპოგრაფიულ რუკებზე დატანილ საქართველოს საზღვრის ხაზს, სხვაობა საქართველოს საზიანოდ, შეადგენს 3500-მდე ჰა ფართობს. შესაბამისად, ბრალდებულთა დანაშაულებრივი ქმედების შედეგად საქართველოს ისტორიულად კუთვნილი ტერიტორიების დაკარგვის საფრთხე შეიქმნა.

ი.მ-ს და ნ.ი-ს მიმართ სისხლისსამართლებრივი დევნა დაიწყო საქართველოს სისხლის სამართლის კოდექსის 308-ე მუხლის პირველი ნაწილით, რაც სასჯელის სახედ და ზომად ითვალისწინებს თავისუფლების აღკვეთას ათიდან თხუთმეტ წლამდე. საგამოძიებო უწყება კანონით დადგენილ ვადაში მიმართავს სასამართლოს ბრალდებულთა მიმართ აღკვეთის ღონისძიების სახით პატიმრობის შეფარდების მოთხოვნით. საქმეზე გრძელდება გამოძიება.

მაღალი საჯარო ინტერესის გათვალისწინებით, საქართველოს პროკურატურა პერიოდულად მოახდენს საზოგადოების ინფორმირებას გამოძიების შედეგების თაობაზე“, - ნათქვამია პროკურატურის მიერ გავრცელებულ განცხადებაში.

ყველა სიახლე

ბიძინა კულუმბეგოვი

25 ოქტომბერი 2020, 12:27

COVID19

ბიძინა კულუმბეგოვი: თუ ადამიანი კორონავირუსს გადაიტანს, მინიმუმ ნახევარი წელი დაცული იქნება განმეორებითი ინფიცირებისგან

„ადამიანის ორგანიზმში ნებისმიერი უცხო აგენტის შეჭრისას, ორგანიზმი ორი ტიპის იმუნიტეტს ავითარებს: ერთია ანტისხეულები - ესაა მობილური „დესანტი“, „ჯარისკაცები“ და ამას ებრძვის მეორე „ბატალიონიც“, T-ლიმფოციტების. ამას ჰქვია უჯრედული იმუნიტეტი, რომლებიც ბაზირებული და მყარად არიან, ანუ, ასე ვთქვათ, არ მოძრაობენ“.

ბათუმი

25 ოქტომბერი 2020, 12:20

რეგიონი

ბათუმში, საცხოვრებელ სახლში სავარაუდოდ ძარცვის მიზნით შეპარულ პირთან წინააღმდეგობის გაწევისას 51 წლის კაცი დაშავდა

ბათუმში ფრიდონ ხალვაშის გამზირზე ხიმშიაშვილების საცხოვრებელში გამთენიისას უცნობი პირი სავარაუდოდ ძარცვის მიზნით შეიპარა. Როგორც ხიმშიაშვილები ამბობენ, ის იმ ოთახში გადაძვრა, სადაც მეპატრონეს არასრულწლოვანთან ერთად ეძინა. Მეპატრონემ 51 წლის ბადრი ხიმშიაშვილმა წინააღმდეგობის გაწევა სცადა, რის გამოც უცნობმა პირმა მას თავში ბლაგვი სგანი რამდენჯერმე ჩაარტყა. უცნობია, სახლიდან არის თუ არა გატანილი თანხა, დაშავებული კლინიკაშია გადაყვანილი.

25 ოქტომბერი 2020, 12:07

COVID19

უკრაინაში კორონავირუსი კიდევ 6,088 ადამიანს დაუდასტურდა

ბოლო 24 საათის განმავლობაში უკრაინაში კორონავირუსი კიდევ 6,088 ადამიანს დაუდასტურდა. ჯამში ქვეყანაში კორონავირუსი 343,498 ადამიანს დაუდგინდა. ინფორმაციას ქვეყნის ჯანდაცვის სამინისტრო ავრცელებს. ბოლო 24 საათში ქვეყანაში ვირუსს 102 პაციენტი ემსხვერპლა, ჯამში კი 6,391 ინფიცირებული გარდაიცვალა. უკრაინაში 141,508 კოვიდინფიცირებული გამოჯანმრთელდა.

25 ოქტომბერი 2020, 12:05

COVID19

სომხეთში ბოლო 24 საათში, 23 კოვიდინფიცირებული გარდაიცვალა

სომხეთში კორონავირუსი კიდევ 2,314 პაციენტს დაუდასტურდა, 23 ინფიცირებული კი გარდაიცვალა. ამის შესახებ ადგილობრივი მედია იტყობინება. სულ ქვეყანაში კორონავირუსის 77,837 შემთხვევა დადასტურდა, გარდაიცვალა 1,180 ადამიანი, გამოჯანმრთელდა - 50,908.

25 ოქტომბერი 2020, 12:02

COVID19

რუსეთში COVID-19-ის 16,710 ახალი შემთხვევა გამოვლინდა

ბოლო 24 საათის განმავლობაში რუსეთში COVID-19-ის 16,710 ახალი შემთხვევა გამოვლინდა, სულ კი ინფიცირების 1,513,877 შემთხვევაა დადასტურებული. ამის შესახებ ინფორმაციას ადგილობრივი მედია, ჯანდაცვის სამინისტროზე დაყრდნობით ავრცელებს. გასული დღე-ღამის განმავლობაში რუსეთში კორონავირუსს 229 ადამიანი ემსხვერპლა, ჯამში პანდემიის დაწყებიდან ქვეყანაში 26,050 კოვიდინფიცირებული გარდაიცვალა.

ლი კუნ-ჰი

25 ოქტომბერი 2020, 11:56

მსოფლიო

ტექნოლოგიური გიგანტის Samsung-ის ხელმძღვანელი გარდაიცვალა

Samsung-ის განცხადებით, ლი კვირას, სახლში გარდაიცვალა, თუმცა კომპანიას სიკვდილის მიზეზი არ დაუსახელებია. 2014 წელს მან გულის შეტევა გადაიტანა. ლი კუნ-ჰი სამსუნგის ჯგუფის დამაარსებლის ლი ბიუნგ-ჩულის მესამე ვაჟი იყო. ის ოჯახურ ბიზნესს 1968 წელს შეუერთდა. 1987 წელს, მამის გარდაცვალების შემდეგ კი თავმჯდომარედ დაინიშნა. Samsung ჯგუფი 1938 წელს დაარსდა.

25 ოქტომბერი 2020, 11:54

COVID19

შემოსავლების სამსახურის მოქალაქეთა მომსახურების ცენტრებში სადეზინფექციო სამუშაოები გრძელდება

საქართველოს მთავრობის უწყებათაშორისი საკოორდინაციო საბჭოს მიერ მიღებული გადაწყვეტილების შესაბამისად, კორონავირუსის გავრცელების პრევენციის მიზნით, შემოსავლების სამსახურის სხვადასხვა ობიექტების, მათშორის, მოაქალაქეთა მომსახურების სერვისცენტრების სპეციალური სითხეებით დამუშავება გრძელდება.

25 ოქტომბერი 2020, 11:52

სამართალი

სპეციალური პენიტენციური სამსახური: ბრალდებულის სუიციდის ფაქტს კი არ ვმალავთ, არამედ პატიმრის პერსონალური მონაცემების გასაჯაროებისგან თავს ვიკავებთ

სპეციალური პენიტენციური სამსახური ეხმიანება ტელეკომპანია „ფორმულას“ ეთერში 2020 წლის 24 ოქტომბერს გასულ სიუჟეტს, რომელშიც სამოქალაქო სექტორის კლინიკაში ბრალდებულის სუიციდზე იყო საუბარი. როგორც სპეციალური პენიტენციური სამსახური იუწყება, სიუჟეტში ითქვა, რომ „პატიმარი მეთადონის პროგრამაში იყო ჩართული. მეთადონზე დამოკიდებულების გამო, ახალგაზრდა მამაკაცს დაუმძიმდა მდგომარეობა და დაეწყო ნარკოტიკული შიმშილი“. სიუჟეტის ნარატივი არის იმგვარი, რომ თითქოს სწორედ ეს გახდა სუიციდის მიზეზი.

ბიძინა კულუმბეგოვი

25 ოქტომბერი 2020, 11:48

COVID19

შესაძლებელია თუ არა, კოვიდინფიცირებულს არც ერთი სიმპტომი არ ჰქონდეს და ორგანიზმში ცვლილებებიც არ მიმდინარეობდეს - ბიძინა კულუმბეგოვის განმარტება

ამერიკის დაავადებათა კონტროლის ცენტრი ამბობს, რომ კოვიდინფექციის უსიმპტომოდ ტარების პროცენტი არის, დაახლოებით, 40%. ეს ძალიან დიდი პროცენტია, მაგრამ მინდა, ერთი თავისებურება ვთქვა: უსიმპტომო მტარებლობა აპრიორი არ ნიშნავს, რომ ორგანიზმში არავითარი ცვლილებები არ მიმდინარეობს, - ამის შესახებ იმუნოლოგ-ალერგოლოგმა, ბიძინ აკულუმბეგოვმა „დილის შოუს“ ეთერში ისაუბრა.

ბიძინა კულუმბეგოვი

25 ოქტომბერი 2020, 11:36

COVID19

ბიძინა კულუმბეგოვი: გრიპისგან განსხვავებით, კოვიდინფიცირებული ორსულები და მცირე ასაკის ბავშვები მაღალი რისკის პაციენტებად არ მიიჩნევიან

„გრიპისგან განსხვავებით, კოვიდინფიცირებული ორსულები და მცირე ასაკის ბავშვები მაღალი რისკის პაციენტებად არ მიიჩნევიან. მცირე ასაკის ბავშვების შემთხვაში, რა საკვირველია, რაღაც ტიპის გართულებები აღწერილია მსოფლიოში, მაგრამ საქართველოში რაიმე სერიოზული შემთხვევა და, ღმერთმა დაგვიფაროს, არც ლეტალური შემთხვევა არ გვაქვს, თუმცა, ერთი მოზარდი არის, ჯერჯერობით, მართვით სუნთქვაზე და იმედია, ყველაფერი კარგად დამთავრდება“.

ხაბიბ ნურმაგომედოვი

25 ოქტომბერი 2020, 11:32

სპორტი

ხაბიბ ნურმაგომედოვმა კარიერის უკანასკნელი ბრძოლა გამართა

UFC-ის მსუბუქ წონის საჩემპიონო ქამრის მფლობელმა, ხაბიბ ნურმაგომედოვმა კარიერის უკანასკნელი ბრძოლა გამართა. მისი მეტოქე დივიზიონის დროებითი ჩემპიონი ამერიკელი ჯასტინ გეიჯი იყო. ბრძოლა აბუ დაბიში „მებრძოლთა კუნძულძე“ შედგა და ხაბიბ ნურმაგომედოვის გამარჯვებით დასრულდა. ხაბიბმა გამარჯვება მეორე რაუნდში ვადაზე ადრე მოიპოვა.

25 ოქტომბერი 2020, 11:22

რეგიონი

მდინარე იორზე წყლის ხარისხის ქიმიური და ბიოლოგიური კვლევები ჩატარდა

გარემოს დაცვისა და სოფლის მეურნეობის სამინისტროს გარემოს ეროვნული სააგენტოსა და გარემოსდაცვითი ზედამხედველობის დეპარტამენტის სპეციალისტების ჩართულობით, საქართველოში, ევროკავშირის წყლის ჩარჩო დირექტივის (WFD) შესაბამისად, ზედაპირული წყლის ხარისხის მონიტორინგის მეთოდოლოგიის დანერგვის პროცესი მიმდინარეობს.

25 ოქტომბერი 2020, 11:15

COVID19

კოვიდინფიცირების 1 928 ახალი შემთხვევიდან 788 თბილისში დაფიქსირდა და 551 - აჭარაში

დღეს გამოვლენილი 1 928 შემთხვევიდან, თბილისში არის - 788, აჭარაში - 551, იმერეთში - 245, ქვემო ქართლში - 87, შიდა ქართლში - 33, გურიაში - 35, სამეგრელოსა და ზემო სვანეთში - 93, კახეთში - 42, მცხეთა-მთიანეთში - 20, სამცხე-ჯავახეთში - 27, რაჭა-ლეჩხუმსა და ქვემო სვანეთში - 7

სოზარ სუბარი

25 ოქტომბერი 2020, 11:11

პოლიტიკა

სამგორში მცხოვრები ომის ვეტერანების ინიციატივით, სოზარ სუბართან შეხვედრა გაიმართა

სამგორის საარჩევნო ოლქში მცხოვრები ომის ვეტერანების ინიციატივით, მაჟორიტარი დეპუტატობის კანდიდატთან, სოზარ სუბართან შეხვედრა გაიმართა. შეხვედრა კითხვა პასუხის რეჟიმში წარიმართა, ისაუბრეს პრობლემებზეც. ვეტერანების უმრავლესობამ ორი პრობლემა გამოყო - ერთი მხრივ დაუბეგრავი მინიმუმის და მეორე მხრივ, 22-ლარიანი საყოფაცხოვრებო სუფსიდიის თანხის გაზრდა.

სკარლეტ იოჰანსონი

25 ოქტომბერი 2020, 11:08

კულტურა

სკარლეტ იოჰანსონი ფრანკენშტეინის პატარძლის როლს შეასრულებს

ჰოლივუდის ვარსკვლავი სკარლეტ იოჰანსონი ფრანკენშტეინის პატარძლის როლს შეასრულებს. ამის შესახებ გამოცემა The Hollywood Reporter-ი იტყობინება. ფილმს, სახელწოდებით Bride („პატარძალი“) ოსკაროსანი რეჟისორი სებასტიან ლელიო გადაიღებს. ფილმის სცენარზე ის ლორენ შუკერ ბლუმთან და რებეკა ანჯელოსთან ერთად მუშაობს.

ავღანეთი

25 ოქტომბერი 2020, 11:03

მსოფლიო

აშშ-მა დაადასტურა, რომ ალ-ქაიდას ერთ-ერთი ლიდერი მოკლულია

აშშ-ის ანტიტერორისტული ცენტრის ხელმძღვანელმა დაადასტურა, რომ ალ-ქაიდას ერთ-ერთი ლიდერი ალ-მასრი მოკლულია. კრის მილერის განცხადებით, ეს ფაქტი ტერორისტული ორგანიზაციის დიდი მარცხია.

25 ოქტომბერი 2020, 10:58

რეგიონი

შალვა კერესელიძე შარხევის მოსახლეობას შეხვდა

მცხეთის, დუშეთის, თიანეთის და ყაზბეგის საარჩევნო ოლქში „ქართული ოცნება დემოკრატიული საქართველოს“ მაჟორიტარი დეპუტატობის კანდიდატი საარჩევნო კამპანიის ფარგლებში თიანეთის მუნიციპალიტეტის სოფელ შარახევის მოსახლეობას შეხვდა. შალვა კერესელიძემ ადგილობრივებისგან საჭიროებების შესახებ ინფორმაცია პირადად მოისმინა.

25 ოქტომბერი 2020, 10:57

COVID19

საქართველოში კორონავირუსი კიდევ 1 928 ადამიანს დაუდასტურდა, 604 პაციენტი კი გამოჯანმრთელდა

საქართველოში კორონავირუსი კიდევ 1 928 ადამიანს დაუდასტურდა, 604 პაციენტი კი გამოჯანმრთელდა. ინფორმაცია ვებგვერდ stopcov.ge-ზე გამოქვეყნდა. ამ დროისთვის საქართველოში კორონავირუსის 28 431 შემთხვევაა დადასტურებული, გამოჯანმრთელებულთა საერთო რაოდენობაა 10 767, გარდაიცვალა 201 პაციენტი.

25 ოქტომბერი 2020, 10:55

COVID19

საქართველოში კორონავირუსით კიდევ 8 ადამიანი გარდაიცვალა

გასული 24 საათის განმავლობაში საქართველოში 8 კოვიდინფიცირებული გარდაიცვალა. ინფორმაცია ვებგვერდ stopcov.ge-ზე გამოქვეყნდა. ამ დროისთვის საქართველოში კორონავირუსის 28 431 შემთხვევაა დადასტურებული, გამოჯანმრთელებულთა საერთო რაოდენობაა 10 767, გარდაიცვალა 201 პაციენტი.

25 ოქტომბერი 2020, 10:48

COVID19

გერმანიაში კორონავირუსი კიდევ 11,176 ადამიანს დაუდასტურდა

ბოლო 24 საათის განმავლობაში, გერმანიაში ახალი კორონავირუსის დიაგნოზი კიდევ 11,176 ადამიანს დაუდგინეს, 29 ინფიცირებული კი ვირუსს ემსხვერპლა. ამის შესახებ ინფორმაციას Reuters-ი, რობერტ კოხის ინსტიტუტის მონაცემებზე დაყრდნობით ავრცელებს. სულ გერმანიაში კოვიდინფიცირების 429,181 შემთხვევა გამოვლინდა, 10,032 ადამიანი გარდაიცვალა.