imedi /  20 ოქტომბერი 2020, 14:15 / სანდო წყარო

რა წერია დავით-გარეჯის საქმეზე ზურაბ ნოღაიდელის ჩვენებაში

ზურაბ ნოღაიდელი

ზურაბ ნოღაიდელი

რა წერია ყოფილი პრემიერ-მინისტრის, ზურაბ ნოღაიდელის ჩვენებაში დავით გარეჯის საქმესთან დაკავშირებით. გამოკითხვის ოქმი, რომელიც რეზონანსული საქმის მასალებშია ჩართული, „ქრონიკამ“ ექსკლუზიურად მოიპოვა.

ოქმში ზურაბ ნოღაიდელი დეტალურად იხსნებს უშიშროების საბჭოს სხდომას, რომელსაც ის პრემიერ-მინისტრის სტატუსით ესწრებოდა და სადაც მთავარი განსახილველი საკითხი სწორედ დავით-გარეჯის იყო.

როგორც ნოღაიდელი ამბობს, ამ სხდომაზე დელიმიტაცია-დემარკაციის სახელმწიფო კომისიის მაშინდელმა თავმჯდომარემ წარადგინა ინფორმაცია, რომლის მიხედვითაც ქართული მხარე ამბობდა, რომ დავით-გარეჯში შემავალი ჩიჩხიტურისა და უდაბნოს მონასტერები საზღვრების დადგენის შემდეგ, აზერბაიჯანის მხარეს ხვდებოდა და ეს საკითხი სადავო კომისიის არც ერთ წევრს არ გაუხდია.

მისივე თქმით, ამ საკითხთან დაკავშირებით დამატებითი კითხვები კომისიაზე არ დაუსვამს თავად უშიშროების საბჭოს მაშინდელ ხელმძღვანელს, მიხეილ სააკაშვილს.

ზურაბ ნოღაიდელი ამავე ოქმში საუბრობს იმაზე, რომ მისთვის გასაკვირია სააკაშვილისა და „ნაციონალური მოძრაობის“ დღევანდელი განცხადებები დავით-გარეჯთან დაკავშირებით.

„სხდომაზე საკითხის მომხსენებელმა შესაბამისმა პირმა, რომლის ვინაობას ვერ ვიხსენებ, მაგრამ მახსოვს, რომ სადელიმიტაციო კომისიას წარმოადგენდა და, სავარაუდოდ, ამ კომისიის თავმჯდომარე იყო, ერთმნიშვნელოვნად და ცალსახად განაცხადა, რომ დავით გარეჯას სამონასტრო კომპლექსში შემავალი ზემოაღნიშნული მონასტრები, იმ დრიოსათვის ჩვენ ხელთ არსებული ყველა დოკუმენტითა და შესაბამისი რუკების საფუძველზე, მთლიანად რჩებოდა აზერბაიჯანის მხარეს. საკითხის მომხსენებელმა ცალსახად განაცხადა, რომ ყველა დოკუმენტი და რუკა ერთმნიშვნელოვნად მიუთითებდა ამ ფაქტს.
ამ გარემოებებზე დაყრდნობით, იმავე უშიშროების საბჭოზე მიღებულ იქნა გადაწყვეტილება, რომ ვინაიდან შესაბამისი კარტოგრაფიული მასალის საფუძველზე აღნიშნული მონასტრები ჩვენს ტერიტორიაზე არ შემოდიოდა და საზღვრის დადგენის შემდეგ დარჩებოდა აზერბაიჯანის ტერიტორიაზე, გვეზრუნა მათი რეკონსტრუქციისა და ქართულ ქრისტიანულ სალოცავად შენარჩუნებისათვის.
უშიშროების საბჭოს აღნიშნულ სხდომას ესწრებოდნენ საბჭოს წევრები და მისი თავმჯდომარე - საქართველოს პრეზიდენტი მიხეილ სააკაშვილი.

აქვე მინდა მოგახსენოთ, რომ ნებისმიერ შემთხვევაში გადაწყვეტილებას უშიშროების საბჭოს სხდომაზე იღებდა მისი თავმჯდომარე - საქართველოს პრეზიდენტი და ამ სხდომაზეც, რასაკვირველია, იგივე მოხდა. რაც შეეხება თქვენ მიერ წარმოდგენილ წერილს, იგი ასახავს მაშინდელ ვითარებას და იმ დროისათვის ხელისუფლებაში არსებულ უპირობო კონსენსუსს იმის თაობაზე, რომ დავით გარეჯის კომპლექსის სამი სალოცავი, აზერბაიჯანის მხარეზე იყო და ჩვენ უნდა მოგვეხერხებინა მათი რესტავრაცია და ქრისტიანულ სალოცავებად ამოქმედება-განახლება. ამდენად, წარმოდგენილი წერილი სრულად გამოხატავს უშიშროების საბჭოზე მიღებული გადაწყვეტილების სულისკვეთებას და მისი აღსრულების ნაწილად უნდა იქნეს განხილული. თუმცა, აქვე მინდა მივუთითო, რომ აღნიშნული წერილი ვერანაირ შემთხვევაში ვერ გახდება, საქართველოს მიერ ზემოაღნიშნულ ტერიტორიებზე უარის თქმის საფუძველი“, - წერია ოქმში.

კითხვაზე: ვინ მიიღო გადაწყვეტილება ზემოაღნიშნულ სხდომაზე, დავით გარეჯის სამონასტრო კომპლექსში შემავალი მონასტრების რეაბილიტაციაზე?

პასუხი ასეთია: „გადაწყვეტილება მიღებული იქნა პრეზიდენტის მიერ. მინდა დავაზუსტო, რომ გადაწყვეტილება იქნა მიღებული არა მხოლოდ სალოცავების რეაბილიტაციაზე, არამედ იმის შესახებაც, რომ გვეზრუნა, რათა აზერბაიჯანის ტერიტორიაზე მყოფ სამონასტრო კომპლექსს ქართული-ქრისტიანული სალოცავების სტატუსი შეენარჩუნებინა“.

„კითხვა: როცა საკითხის მომხსენებელმა უშიშროების საბჭოს სხდომაზე განახცადა, რომ დავით გარეჯას სამონასტრო კომპლექსში შემავალი ზემოაღნიშნული მონასტრები, იმ დრიოსათვის არსებული ყველა დოკუმენტითა და შესაბამისი რუკების საფუძველზე, მთლიანად რჩებოდა აზერბაიჯანის მხარეს აღნიშნულ განცხადებას მოჰყვა თუ არა განხილვა სხდომაზე, დოკუმენტების მოთხოვნა, ამ საკითხის სიღრმისეული გამოკვლევა, თუ იგი მიღებული იქნა გამოკვლევის გარეშე?
პასუხი: როგორც ვიხსენებ, დასმულ საკითხს მოჰყვა განხილვა, მაგრამ შესაბამისი დამადასტურებელი დოკუმენტების მოთხოვნის საკითხი არ დასმულა. უშიშროების საბჭოს რომელი წევრები მონაწილეობდნენ დისკუსიაში, ახლა ზუსტად ვერ ვიხსენებ, მაგრამ ის კი მახსოვს, რომ პრეზიდენტისგან განსხვავებული პოზიცია განხილვისას არცერთ მათგანს არ დაუფიქსირებია. როდესაც დღეს მედიით ვისმენ საპირისპირო განცხადებებს, პირველ რიგში საქართველოს იმდროინდელი პრეზიდენტის და წინა ხელისუფლების სხვა წარმომადგენლების მხრიდან, რომ თურმე ყველა მასალა ხელთ ჰქონდათ და არაფრის დათმობას არ აპირებდნენ, რბილად რომ ვთქვათ, ძალიან მიკვირს, რადგან ეს განცხადებები დიამეტრალურად განსხვავდება იმ გაბატონებული აზრისგან, რაც ჩემი პრემიერ-მინისტრობის დროს არსებობდა ხელისუფლებაში და საჯაროდაც ცხადდებოდა მისი ცალკეული წარმომადგენლების მხრიდან“, - წერია გამოკითხვის ოქმში.

17 აგვისტოს საქართველოს გენერალურ პროკურატურაში გამოძიება დაიწყო სისხლის სამართლის საქმეზე, უცხო ქვეყნისთვის საქართველოს ტერიტორიის ნაწილის გადაცემისაკენ მიმართული მოქმედების განხორციელების ფაქტზე.

7 ოქტომბერს პროკურატურამ საქართველოს ტერიტორიის ნაწილის გადაცემისკენ მიმართული ქმედების ბრალდებით დააკავა საგარეო საქმეთა სამინისტროს მეზობელი ქვეყნების დეპარტამენტის, სასაზღვრო ურთიერთობათა სამსახურის უფროსი ივერი მელაშვილი და შსს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

ივერი მელაშვილსა და ნატალია ილიჩოვას აღკვეთის ღონისძიების სახით პატიმრობა 8 ოქტომბერს შეეფარდათ.

ყველა სიახლე

გიორგი ვოლსკი

24 იანვარი 2021, 21:54

პოლიტიკა

გიორგი ვოლსკი ბიძინა ივანიშვილის ქველმოქმედებაზე: გავა დრო, ეს პროექტები იარსებებს და ყველას ეცოდინება, რომ ეს არ იყო გაკეთებული რაიმე ფინანსური შემოსავლის ან ანგარებით

„გავა დრო, ჩვენი შვილიშვილები იქნებიან უკვე ხანში შესულები და ეს პროექტები იარსებებს და ყველას ეცოდინება, რომ ეს არ იყო გაკეთებული რაიმე ფინანსური შემოსავლის ან ანგარებით, რომელიც პირად ემოციას ან ამპარტავნებას უკავშირდება. ქვეყანას დარჩება უნივერსიტეტიც, ბოტანიკური ბაღიც, დენდროლოგიური პარკიც და უამრავი სხვა რამ და არაერთი გადარჩენილი, ჩვენი სახელმწიფოსთვის საგანგებოდ მნიშვნელოვანი ისტორიული ძეგლი. ვფიქრობ, მაინც წარსულს ჩაბარდება ის ღვარძლი, გააფთრებული შეტევა, უსაფუძვლო უტიფარი ხშირ შემთხვევაში, უზნეო, მაგრამ ასეა თუ ისე, გაკეთებული საქმეები თავის თავზე უფრო მეტს ილაპარაკებს, ვიდრე პოლიტიკური გუნდი, რომელი მხრიდანაც არ უნდა იყოს განცხადებები გაკეთებული“, - მიიჩნევს გიორგი ვოლსკი.

სოზარ სუბარი

24 იანვარი 2021, 21:48

პოლიტიკა

სოზარ სუბარი: ოპოზიცია ბოლომდე იმაშიც ვერ ჩამოყალიბდა წავიდა თუ არ წავიდა ბიძინა ივანიშვილი და ეს არის მათი ტრაგედია

„მე რასაც ვუყურებ, თვითონ დარჩნენ საფუძველგამოცლილნი. მართლა არ იციან რაზე ილაპარაკონ, არ იციან რა აკეთონ. არსი დაკარგეს თითქოს თავისი არსებობის. თუ მართლა ვინმე სერიოზულად ფიქრობს იმას, რომ ბიძინა ივანიშვილი ქველმოქმედებას აკეთებდა იმიტომ, რომ პოლიტიკაში მოსულიყო და მან ეს ქველმოქმედება დაიწყო პოლიტიკაში მოსვლამდე 20 წლით ადრე, 20 წლით ადრე დაგეგმა, რომ დახმარებოდა ადამიანებს, რომ მათი სიცოცხლე გადაერჩინა ხშირ შემთხვევაში, მან ეს ყველაფერი შეასრულა, 20 წლის მერე მოიგო და კიდევ 10 წლის მერე წავიდა პოლიტიკიდან, თუ ასეთი ძლიერია მაშინ საერთოდ რაღას იბრძვიან, დაყარონ ფარ-ხმალი“, - ამბობს სუბარი.

ვახტანგ მეგრელიშვილი

24 იანვარი 2021, 21:36

პოლიტიკა

ვახტანგ მეგრელიშვილი: ყველა შანსი უნდა გამოვიყენოთ მოლაპარაკების წარმატებით დასასრულებლად

ყველა შანსი უნდა გამოვიყენოთ ამ მოლაპარაკების წარმატებით დასასრულებლად. თუ ამას არ ვაკეთებთ, მერე პასუხისმგებლობა მოგვიწევს, რატომ არ მოვიქეცით ასე, - ამის შესახებ განაცხადა პოლიტიკური გაერთიანება „გირჩის“ წევრმა ვახტანგ მეგრელიშვილმა „იმედის კვირასთან“ საუბრისას.

დავით- გარეჯი ამირან გულაშვილი

24 იანვარი 2021, 21:32

სამართალი

ამირან გულუაშვილი: ივერი მელაშვილმა უკანონოდ გაცემული ბრძანების შესაბამისად ხაზი გაავლო ისე, რომ ჩიჩხიტურის მიმდებარე ტერიტორია აღმოჩნდა აზერბაიჯანული მხარის კუთვნილება

„მიუხედავად ამისა, როგორც ივერი მელაშვილი ჩანაწერში საუბრობს, მან უკანონოდ გაცემული ბრძანების შესაბამისად ფაქტობრივად ხაზი გაავლო იმ ფორმით, რომ ჩიჩხიტურის მიმდებარე ტერიტორია აღმოჩნდა აზერბაიჯანული მხარის კუთვნილება“, - განაცხადა ამირან გულუაშვილმა.

თეა წულუკიანი

24 იანვარი 2021, 21:25

პოლიტიკა

თეა წულუკიანი: საგულისხმოა, რომ სააკაშვილის ბრძანება, რომელმაც 10 აგვისტოს დილით გამოიყვანა ჯარები სამხედრო არეალიდან, არსად აღმოჩნდა

„საგულისხმოა, რომ თავად მაშინდელი მთავარსარდლის, სააკაშვილის ბრძანება, რომელმაც 10-ში დილით გამოიყვანა ჯარები სამხედრო არეალიდან, ჩვენთვის სამართლებრივად სასიცოცხლო მნიშვნელობის მტკიცებულება იყო, რომ გვეჩვენებინა, რომ ჩვენ დავტოვეთ სამხედრო მოქმედებები არეალი, მაგრამ რუსეთი ჩვენზე თავდასხმას მაინც აგრძელებდა, ეს ბრძანება არსად აღმოჩნდა და დღეს ვხედავთ, რომ ის მთავარსარდალი, რომელმაც საკუთარ ბრძანებას ვერ მიხედა, ამბობს, რომ მოიგო. მეორედ თი მესამედ გაუგებარი გამარჯვება მოიპოვა“, - განაცხადა იუსტიციის ყოფილმა მინისტრმა თეა წულუკიანმა.

24 იანვარი 2021, 20:35

კულტურა

დეა კულუმბეგაშვილის „დასაწყისს“ როტერდამის საერთაშორისო კინოფესტივალზე აჩვენებენ

საქართველოს კინემატოგრაფიის ეროვნული ცენტრის ინფორმაციით, როტერდამის საერთაშორისო კინოფესტივალის 2021 წლის გამოშვება ორ ნაწილად გაიმართება: 1-7 თებერვალსა და 2-6 ივნისს. ფორმატი შერეული იქნება, რაც ონლაინღონისძიებების გარდა, კინოჩვენებებზე ფიზიკურ დასწრებასაც გულისხმობს. როტერდამის საერთაშორისო კინოფესტივალი 1972 წელს დაარსდა. იგი მაყურებელს საავტორო და ექსპერიმენტულ კინოს სთავაზობს და ფოკუსირებულია ახალი ტალანტების აღმოჩენაზე.

კორონავირუსი

24 იანვარი 2021, 20:21

COVID19

აშშ-ში კორონავირუსის შემთხვევების რიცხვმა 25 მილიონს გადააჭარბა

პანდემიის დაწყებიდან დღემდე, აშშ-ში კორონავირუსის 25 003 695 შემთხვევა დადასტურდა, 417 538 ადამიანი კი გარდაიცვალა.

ნუგზარ სხირელი

24 იანვარი 2021, 20:09

სპორტი

​თავისუფალ ჭიდაობაში საქართველოს ახალგაზრდული ნაკრების მთავარი მწვრთნელი ნუგზარ სხირელი გარდაიცვალა

მსოფლიო საჭიდაო სამყაროში აღიარებულმა მწვრთნელმა ნუგზარ სხირელმა გორში თავისუფალი ჭიდაობის სკოლას საფუძველი ჩაუყარა. მას არაერთი სახელოვანი შეგირდი და მსოფლიოს უძლიერესი ფალავანი აღუზრდია, მათ შორის არიან ვლადიმერ ხინჩეგაშვილი და გენო პეტრიაშვილი.

მიხეილ სარჯველაძე

24 იანვარი 2021, 19:59

პოლიტიკა

მიხეილ სარჯველაძე „ნაცმოძრაობის“ მიერ დაანონსებულ „საპროტესტო სეირნობაზე“: არავინ მისცეს თავს უფლება კანონზე მაღლა დადგეს

„უნდა დავგმოთ ასე ვთქვათ ხელმოცარული ადამიანების მხრიდან მცდელობა, რომ ყურადღება მიიქციონ კანონდარღვევის ჩადენის გზით. ეს არის აბსოლუტურად მიუღებელი და ეს არ არის ის ღირებულება, რომლის ირგვლივაც დაფუძნებულია ქართული საზოგადოება. კანონდარღვევა, კანონშეუსაბამო ქცევა - ეს არ არის ის, რაც მოსაწონი უნდა იყოს საზოგადოებაში. პროტესტის ფორმა ნებისმიერ შემთხვევაში ნებადართულია, მაგრამ მანამ ვიდრე ეს მიიღებს კანონსაწინააღმდეგო ხასიათს. შესაბამისად, ჩემი მოწოდება ყველას მიმართ გახლავთ ის, რომ არავითარ შემთხვევაში არავინ მისცეს თავს უფლება, რომ დადგეს კანონზე მაღლა. წესრიგი არის ის ღირებულება, რაც აერთიანებს მთლიანად ჩვენს საზოგადოებას. უმთავრესი და უძირითადესი ღირებულება. შესაბამისად ამის დარღვევის და ფეხქვეშ გათელვის უფლება და შესაძლებლობა არავის უნდა ჰქონდეს. არცერთი მოტივაციის გზით“, - განაცხადა სარჯველაძემ.

სასამართლო კახეთი მკვლელობა

24 იანვარი 2021, 19:48

სამართალი

სასამართლომ სოფელ კისისხევში მკვლელობასა და მკვლელობის მცდელობაში ბრალდებული პატიმრობაში დატოვა

პროცესზე პროკურორის მიერ დაკავებულის პატიმრობაში დატოვების შუამდგომლობა გააპროტესტა დაცვის მხარემ იმ არგუმენტით, რომ ბრალდებულს ჯანმრთელობის პრობლემები აქვს, რის გამოც მან აღკვეთის გაუქმება მოითხოვა. ამ მოთხოვნას მოსამართლე არ დაეთანხმა.

ბათუმი აქცია

24 იანვარი 2021, 19:36

რეგიონი

„ნაცმოძრაობის“, „ლელოსა“ და „ალტერნატივას“ წევრები ირაკლი ფანგანის დაკავებას აპროტესტებენ

აქციის მონაწილეთა თქმით, მსგავსი ქმედების ჩადენისთვის ჯერ არავის დაუკავებიათ. აქციის მონაწილეებსა და პოლიციას შორის იყო სიტყვიერი დაპირისოირება, თუმცა სიტუაცია მალევე განიმუხტა.

ნიკა მელია

24 იანვარი 2021, 19:26

პოლიტიკა

ნიკა მელია: ისტორია ყველაფერს თავის სახელს დაარქმევს - ჩავლეიშვილს მანდატის „ხამად“ მოიხსენიებს, დაჭერილ ფანგანს კი გულანთებულ ახალგაზრდად

„ისტორია კი ყველაფერს თავის სახელს დაარქმევს - ჩავლეიშვილს მედროვედ, მანდატის ხამად მოიხსენიებს, დაჭერილ ფანგანს – გაბრაზებულ, აღშფოთებულ, გულანთებულ ახალგაზრდად, რომელსაც ზომიერებამ უღალატა პროტესტის ფორმის შერჩევისას“, - წერს მელია.

24 იანვარი 2021, 19:13

სამართალი

შსს ირაკლი ფანგანის დაკავების შესახებ ოფიციალურ ინფორმაციას ავრცელებს

„23 იანვარს ბათუმში მომხდარ ინციდენტთან დაკავშირებით, 1991 წელს დაბადებული ი.ფ., მოსამართლის განჩინების საფუძველზე, დევნის ბრალდებით დააკავეს. გამოძიებით დადგინდა, რომ ბრალდებული მონაწილეობდა ბათუმში, ერას მოედნის მიმდებარე ტერიტორიაზე, არასამთავრობო ორგანიზაცია „ალტერნატივას“ და პარტია „ერთიანი ნაციონალური მოძრაობის“ ახალგაზრდული ფრთის წარმომადგენლების მხრიდან აჭარის უმაღლესი საბჭოს დეპუტატის - ირაკლი ჩავლეიშვილის წინააღმდეგ მიმდინარე აქციაში. ი.ფ.-მ დეპუტატის მიმართ განახორციელა დევნა და ურნიდან ნაგავი თავზე გადააყარა“, - ნათქვამია შსს-ს განცხადებაში.

ანჯეი დუდა

24 იანვარი 2021, 18:50

მსოფლიო

პოლონეთის პრეზიდენტი რუსეთისთვის სანქციების გამკაცრებას მოითხოვს

პოლონეთის პრეზიდენტი ევროკავშირს რუსეთისთვის სანქციების გამკაცრებისკენ მოუწოდებს. ამის შესახებ ანჯეი დუდამ Financial Times-თან ინტერვიუში განაცხადა. „არ არსებობს ზეწოლის სხვა ინსტრუმენტი იმ ქვეყანაზე, რომელიც საერთაშორისო სამართლის ნორმებს არღვევს. საერთაშორისო სამართლის უზენაესობა არის უმთავრესი პრინციპი. თუ ის დაცულია, აღარ არის ომი.

24 იანვარი 2021, 18:49

COVID19

აზერბაიჯანში კორონავირუსის 287 შემთხვევა გამოვლინდა

გასული დღე-ღამის განმავლობაში აზერბაიჯანში კორონავირუსი კიდევ 287 ადამიანს გამოუვლინდა 10 ინფიცირებული კი გარდაცვლილა. ამის შესახებ ინფორმაციას ადგილობრივი მედია ქვეყნის ჯანდაცვის სამინისტროზე დაყრდნობით ავრცელებს. ქვეყანაში კორონავირუსის დადასტურებულმა შემთხვევებმა 228,975 შეადგინა. ჯამში, გარდაიცვალა 3,082 ადამიანი. ვირუსისგან 220,292 პაციენტი განიკურნა.

კორონავირუსი

24 იანვარი 2021, 18:44

COVID19

გერმანიაში კორონავირუსის სამკურნალოდ ანტისხეულებზე დაფუძნებულ მედიკამენტს გამოიყენებენ

„მომავალი კვირიდან გერმანია ევროკავშირის პირველი სახელმწიფო გახდება, სადაც კორონავირუსის სამკურნალოდ მონოკლონურ ანტისხეულებს გამოიყენებენ. თავიდან ეს საუნივერსიტეტო კლინიკებში მოხდება. ფედერალურმა მთავრობამ უკვე 200 000 დოზა შეიძინა, რისთვისაც 400 მილიონი ევრო დახარჯა“, - განაცხადა სპანმა.

აშშ

24 იანვარი 2021, 18:42

მსოფლიო

კრემლის პრესსპიკერი: რუსეთი დიალოგისთვის მზადაა, თუ ამის სურვილს აშშ გამოთქვამს

„რუსეთი მზადაა დიალოგის დასაწყებად ბაიდენის ახალ ადმინისტრაციასთან, რომლის დროსაც სავარაუდოდ გამოიკვეთება უთანხმოებები“, ამის შესახებ კრემლის პრესსპიკერმა განაცხადა და აღნიშნა, რომ პუტინი შესაბამისად უპასუხებს აშშ-ის სურვილს დიალოგთან დაკავშირებით.

გიორგი ვაშაძე

24 იანვარი 2021, 18:24

COVID19

გიორგი ვაშაძე მთავრობის ადმინისტრაციასთან აქციაზე მივიდა, რითაც თვითიზოლაციის წესი დაარღვია

„ხალხს კლავენ შიმშილოთ, ეკონომიკა მოკლეს, ამოხუთეს, არავინ არ გვისაბუთებს, რატომ არის ესა თუ ის შეზღუდვა საჭირო. არავინ ამბობს, რომ ტოტალურად გავხსნათ ყველაფერი, ყველაფერი უნდა იყოს თანაზომადი იმ რისკის, რაც ქვეყანაში არის. არ შეიძლება, ბიზნესი, ეკონომიკა, მოქალაქეები დატოვო უმუშევარი, მშიერი და თვითკმაყოფილი იჯდე სკამში, ამბობდე – ეს არის ჩემი საუკეთესო ქმედება. ამიტომ დემონსტრაციულად ვარღვევ იმ ერთ-ერთ უწესო წესს, რომელიც მათ დააწესეს, რომლის პრეცედენტიც ძალიან ცოტა არის მთელ მსოფლიოში“, - განაცხადა ვაშაძემ.

24 იანვარი 2021, 18:12

პოლიტიკა

საქართველოს საპარლამენტო დელეგაცია ევროპის საბჭოს საპარლამენტო ასამბლეის ზამთრის სესიაში მიიღებს მონაწილეობას

საქართველოს პარლამენტის მუდმივმოქმედი დელეგაცია, პარლამენტის თავმჯდომარის მოადგილის, კახა კუჭავას ხელმძღვანელობით, 25-29 იანვარს ევროპის საბჭოს საპარლამენტო ასამბლეის ზამთრის სესიაში მიიღებს მონაწილეობას. ამის შესახებ ინფორმაციას საქართველოს პარლამენტი ავრცელებს. მათივე ინფორმაციით, ეს არის საპარლამენტო დელეგაციის პირველი ვიზიტი, რომელიც მეათე მოწვევის პარლამენტის ფარგლებში განხორციელდება.

შსს

24 იანვარი 2021, 17:49

სამართალი

ირაკლი ჩავლეიშვილისთვის შეურაცხყოფის ფაქტზე ერთი პირი დააკავეს

ირაკლი ჩავლეიშვილისთვის შეურაცხყოფის მიყენების ფაქტზე ერთი პირი დააკავეს. 30 წლის ირაკლი ფანგანის დაკავების ფაქტს ადასტურებენ „ნაციონალურ მოძრაობაში“. ელგუჯა ბაგრატიონის თქმით, დაკავებული მოძრაობა „ალტერატივას“ წევრია და ის დაკავების დროს ოფისში იყო. გამოძიება დევნისა და ხულიგნობის მუხლებით მიმდინარეობს.