„მაესტრომ“ მოზარდების მკვლელობის საქმეზე პირდაპირი მოწმის ჩვენება მოიპოვა

ტელეკომპანია მაესტრომ ექსკლუზიურად მოიპოვა ხორავას ქუჩის საქმის პირდაპირი მოწმის ჩვენება, რომელიც უშულოდ შეესწრო როგორც სკოლაში, ასევე ხორავას ქუჩაზე დაპირისპირების მომენტს.

მოწმე, რომელის ჩვენება 14 დეკემბრით თარიღდება, იხსენებს, რომ საპირფარეშოში ჩხუბი ნამდვილად პისტოლეტის გამო დაიწყო და იქ არც მოკლული ორი არასწრულწლოვანი და მათ მკვლელობაში ბრალდებულები არ ფიგურირებენ და კონფლიქტი არც ერთი მათგანის მიზეზით არ დაწყებული.

ამ ჩვენებით ირკვევა, რომ სპაირფარეშოში თავდაპირველად 5 პირი იყო და შელაპარაკება პნევმატურ იარაღს მოჰყვა. თუმცა, ჩვენების მიხედვით დაპირისპირებულებმა გადაწყვიტეს რომ პრობლემის გარკვევა გაკვეთილების დასრულების შემდეგ დაეწყოთ. 

უკვე 13:45 წუთზე, მას შემდეგ რაც სასწავლო პროცესი დასრულდა, საპირფარეშოს ინციდენტში მონაწილე ორ არასრულწლოვანთან ერთად დანარჩენ მონაწილეებს პირველი ექსპერიმენტული სკოლის მოსწავლეები ელოდებოდნენ. დაახლოებით 10 პირი. მოსწავლეებმა საქმის გარკვევა ე.წ. ნანრგევებში გადაწყვიტეს, რომელიც ხორავას ქუჩაზე, 51 სკოლის მახლობლად მდებარეობდა.

„სკოლის წინ იყო ბევრი ბავშვი, მაგრამ ამ დროს სად იყვნენ ჩემი კლასელები ან სხვები ვერ ვხედავდი. ამ დროს დიდი ჯგუფი ავედით ბაქრაძის ქუჩაზე და გავემართეთ ხორავას ქუჩაზე. იქვე არის ტერიტორია, რომელსაც ვეძახით ხოლმე ნანგრევებს და ბიჭები ვიკრიბებით. ამ ადგილთან რომ მივედით ჩვენ წამოგვეწია ერთ-ერთი კლასელი, რომელმაც მკითხა შენ მოგივიდა რამე? მე ვუპასუხე, არა დ.ნ-სთან მოუვიდა უთანხმოებათქო“ -აცახდებს მოწმე.

სიტუაცია მას შემდეგ იძაბება, რაც ერთ-ერთი მოკლული არასრულწლოვანი მკვლობაში ბრალდებულს უპირისპირდება სიტყვიერად. საგულისხმოა ისიც, რომ   დაპირისპირებაში ბევრი მოზარდი მონაწილეობდა და სავარაუდოდ იმაზე მეტი ვიდრე გამოძიებაშია წარმოდგენილი.

„ჩხუბის დროს დ.ს. და გ.ჯ იდგნენ ერთმანეთის პირისპირ, მე კი მათ შორის, სანამ ერთი მეორეს დაარტყამდა. დ.ს. უშულოდ ეჩხუბებოდა გ.ჯ-ს რომელსაც ეხმარებოდა მ.კ. მე ვცდილობდი დავხმარებოდი დ.ს-ს ჩხუბი მიმდინარეობდა ფარდულში, სხვა ბიჭებიც რომ ჩხუბობდნენ ეს დანამდვილებით შემიძლია გითხრათ. ზოგიერთი უცხო იყო და არ ვიცი ვინ ჩხუბობდა,  მე ერთ-ერთმა დამარტყა და სისხლი მომდიოდა, მე მას გავეკიდე. უკვე როდესაც დავბრუნდი ამ დროს დ.ს. ბარბაცით მოდიოდა ჩემსკენ  და დავუძახე დაჭრილი ხართქო? მან მიპასუხა მგონი კიო“

რაც შეხება მეორე მოკლულს, მოწმე ვერ იხსნებს დიდ დაპირისპირებაში მის მონაწილეობას, თუმცა, როგორც ვარაუდს გამოთქვამს, ის მოგვიანებით შეესწრო ინციდენტს.

გასული წლის 1 დეკემბერს თბილისის ცენტრში, ვერაზე ორი არასრულწლოვანი დავით სარალიძე და ლევან დადუნაშვილი დაჭრეს. ერთი მოზარდი საავადმყოფოში მიყვანამდე გარდაიცვალა. მეორე მოზარდი 2 დეკემბერს გარდაიცვალა. 

შინაგან საქმეთა სამინისტროს ინფორმაციით, ხორავას ქუჩის ინციდენტის გამო 2001 წელს დაბადებული პირი განზრახ მკვლელობის ბრალდებით 2 დეკემბერს დააკავეს. მანამდე, პროკურატურამ ამ დანაშაულისთვის ორი პირი პასუხისგებაში მისცა. 4 დეკემბერს კი, სასამართლომ მათ აღკვეთის ღონისძიების სახით პატიმრობა შეუფარდა.

საქმის გამოძიებასთან დაკავშირებით ბრალდებულთა ოჯახებს შეკითხვები აქვთ. კეთდება განცხადებები, რომ ხორავას ქუჩის სისხლიან გარჩევაში სხვა დამნაშავეებიც იკვეთებიან. სწორედ მათ გამოაშკარავებას და დასჯას ითხოვს ერთ-ერთი ბრალდებული არასრულწლოვნის დედა, რომელმაც "ქრონიკასთან" ორთვიანი დუმილი დაარღვია.

ხორავას ქუჩაზე მოკლული მოზარდების საქმის არსებითი განხილვა სასამართლოში 22 იანვარს დაიწყო. კანონით, საქმეზე, რომელშიც ბრალდებულებიც არასწრულწლოვნები არიან, განაჩენი 6 თვის ვადაში, ივნისამდე უნდა გამოცხადდეს.