imedi /  31 მაისი 2018, 18:57 / სანდო წყარო

მთავარი პროკურორი გადადგა

ირაკლი შოთაძე

ირაკლი შოთაძე

მთავარი პროკურირი ირაკლი შოთაძე გადადგა. ამის შესახებ სპეციალური განცხადება მთავრი პროკურატურის ვებგვერდზე გამოქვეყნდა.

ეს გადაწყვეტილება ირაკლი შოთაძემ მას შემდეგ მიიღო, რაც სასამართლოს განაჩენის თანახმად,  გასული წლის 1 დეკემბერს მომხდარი მკვლელობის საქმეზე განზრახ მკვლელობის ბრალდებით პროკურატურის მიერ წარმოდგენილი ორი ბრალდებულიდან დავით სარალიძის მკვლელობა არცერთს არ დაუდასტურდა.

მთავარი პროკურორის განცხადებას უცვლელად გთავაზობთ:

„პირველ რიგში საზოგადოებას მინდა განვუმარტო, რომ დღეს მიღებული გადაწყვეტილება იყო სასამართლოს მხოლოდ პირველი ინსტანციის გადაწყვეტილება; სამართლებრივი პროცესი აუცილებლად გაგრძელდება და მე დარწმუნებული ვარ, რომ ყველა დამნაშავე კანონის სრული სიმკაცრით აგებს პასუხს. ამისთვის ჩვენ ყველაფერი გავაკეთეთ - საზოგადოებამ ეს უნდა იცოდეს.

ჩემთვის, როგორც საქართველოს მთავარი პროკურორისთვის, უმნიშვნელოვანესია თითოეული მოქალაქის ნდობა ჩვენი სახელმწიფო ინსტიტუტების, განსაკუთრებით კი მართლმსაჯულების მნიშვნელოვანი რგოლის - პროკურატურის მიმართ. ამ სისტემაში მუშაობის ყოველ მომენტში, მთელი ჩემი შრომა მიმართული იყო კანონის უზენაესობის დამკვიდრებისკენ და მინდა ვირწმუნო, რომ ჩვენი საზოგადოება, ჩვენ ყველა ერთად შევძლებთ დავამკვიდროთ კანონის უზენაესობა ჩვენს ქვეყანაში.

ჩემთვის განსაკუთრებულად მნიშვნელოვანია სამართლიანი მართლმსაჯულება მით უფრო მაშინ, როდესაც საქმე არასრულწლოვნების მკვლელობას ეხება. 

დღეს, პროკურატურის მიერ სასამართლოში წარდგენილი იქნა მტკიცებულებები, რომლებიც ჩემი აზრით, უზრუნველყოფდა საქმეზე სამართლიანი განაჩენის დადგომას. პირველი ინსტანციის სასამართლომ სრულად არ გაიზიარა ეს მტკიცებულებები და ამ ძალიან მძიმე საქმეზე სამართლიანი შედეგი ამ ეტაპზე ვერ დადგა. თუმცა, ეს პროცესი გაგრძელდება ზემდგომი ინსტანციის სასამართლოში და ვფიქრობ, ყველა დამნაშავე სათანადოდ აგებს პასუხს კანონის წინაშე.

ერთია სამართლებრივი მხარე, მაგრამ მეორეა ადამიანური დამოკიდებულება ამ საქმის მიმართ.

მინდა პირადად მივმართო ხორავას ქუჩაზე მოკლული მოზარდების მშობლებს: მე ვიყავი და ვარ თქვენს გვერდით.  როგორც ქვეყნის მთავარ პროკურორს და როგორც მამას, არც თანამდებობა მიღირს თქვენი შვილის სიცოცხლედ და არც არაფერი სხვა. მინდა, იცოდეთ, რომ ყველაფერი გავაკეთე, რათა დამნაშავეებს პასუხი ეგოთ. მჯერა, ამ ნაბიჯით მაინც დარწმუნდებით, რომ  ბევრი უსაფუძვლო, ბინძური ბრალდება, რაც ჩემს მიმართ ისმოდა, მიზნად ისახავდა ჩემს მიმართ პოლიტიკურ ანგარიშსწორებას იმის გამო, რომ ჩემი ხელმძღვანელობით საქართველოს პროკურატურამ ბევრ ყოფილ თანამდებობის პირს, რომელთაც ჩვენს ქვეყანაში დაამკვიდრეს სისტემური უსამართლობა, პასუხი ვაგებინეთ კანონის წინაშე. დარწმუნებული ვარ, რომ სამართლიანობის აღდგენის პროცესი ჩვენს ქვეყანაში გაგრძელდება და ბოლომდე მივა.

რადგან მინდა გჯეროდეთ იმისა, რასაც ვამბობ, დღეს ვტოვებ ჩემს თანამდებობას და დარწმუნებული ვარ, რომ ამ საქმეზე მართლმსაჯულება სრულად აღსრულდება.

აქვე მინდა მოვუწოდო საზოგადოებას, ვისაც სურს გაუბედურებულ მშობლებს გვერდით დაუდგეს, ყველაფერი გააკეთოს გამოძიების დასახმარებლად და ითანამშრომლოს მასთან. 

ბოლოს, მსურს მადლობა გადავუხადო პროკურატურის ყველა თანამშრომელს, რომლებიც ამ წლების განმავლობაში გვერდში მედგნენ და რომლებიც, საკუთარი უსაფრთხოების ფასად, ყოველდღიურ რეჟიმში მუხლჩაუხრელად შრომობენ მართლმსაჯულების აღსასრულებლად. დარწმუნებული ვარ, რომ ჩვენი უწყება გააგრძელებს განვითარებას და უდიდეს როლს შეასრულებს განვითარებული სამართლებრივი სახელმწიფოს ჩამოყალიბების გზაზე."- ნათქვამია ირაკლი შოთაძის განცხადებაში. 

დღეს  ხორავას ქუჩაზე მოზარდების მკვლელობის საქმეზე მოსამართლემ განაჩენი გამოაცხადა. პროკურატურა განაჩენს სააპელაციოში გაასაჩივრებს.  სასამართლო გადაწყვეტილებაზე განცხადებები გააკეთეს დაზარალებულების და ბრალდებულების ადვოკატებმაც.

დღის პირველ ნახევარში, საგანგებო პრესკონფერენცია გამართა მთავარმა პროკურორმაც და ამ საქმეზე პროკურატურის პოზიცია კიდევ ერთხელ განმარტა.  

მკვლელობის საქმეზე პარლამენტმა სპეციალური საგამოძიებო კომისია შექმნა.

2017 წლის 1 დეკემბერს თბილისის ცენტრში, ვერაზე ორი არასრულწლოვანი დავით სარალიძე და ლევან დადუნაშვილი დაჭრეს. ერთი მოზარდი საავადმყოფოში მიყვანამდე გარდაიცვალა. მეორე - მრავლობითი დაზიანებებით საავადმყოფოში მოთავსებიდან მეორე დღეს, 2 დეკემბერს გარდაიცვალა.

ირაკლი შოთაძე საქართველოს მთავარ პროკურორად 2015 წლის 19 ნოემბრიდან მუშაობდა. 2013 წელს ფინანსთა სამინისტროს საგამოძიებო დეპარტამენტის უფროსი იყო, 2013-2015 წლებში კი - საქართველოს მთავარი პროკურორის პირველი მოადგილე.

ყველა სიახლე

21 სექტემბერი 2021, 11:34

რეგიონი

აგროდაზღვევის სახელმწიფო პროგრამების ბენეფიციარებისთვის სეტყვით მიყენებული ზარალის ანაზღაურება მიმდინარეობს

აგროდაზღვევის სახელმწიფო პროგრამების ბენეფიციარებისთვის სეტყვით მიყენებული ზარალის ანაზღაურება მიმდინარეობს, - ამის შესახებ ინფორმაციას სოფლის განვითარების სააგენტო ავრცელებს. მათივე ინფორმაციით, დიმიტრი ბარაბანს თელავის მუნიციპალიტეტის სოფელ ნაფარეულში 26 აგვისტოს მოსულმა ძლიერმა სეტყვამ ყურძნის მოსავლის 75 %-ი გაუნადგურა. ფერმერი ზარალის ანაზღაურების თანხას, 42,000 ლარს მიიღებს. მან სადაზღვევო პოლისის შესაძენად, სახელმწიფოსგან 50 %-იანი თანადაფინანსება მიიღო. 5 ჰა ფართობის დაზღვევისთვის მის მიერ გადახდილი თანხა 3,187 ლარს შეადგენს, ხოლო 3,187 ლარია (50 %) სახელმწიფო სუბსიდიის ოდენობაა.

21 სექტემბერი 2021, 11:29

საზოგადოება

სახელმწიფო მინისტრის აპარატი ახალგაზრდებისთვის ყოველწლიურ ჯილდოს აწესებს

სახელმწიფო მინისტრის აპარატი პრესსამსახურის ინფორმაციით, ჯილდო გადაეცემა ახალგაზრდას/ახალგაზრდებს, რომლებსაც საქართველოს მთავრობის კონფლიქტის მშვიდობიანი მოგვარების პოლიტიკის მიზნებისა და ამოცანების გათვალისწინებით, თავიანთი საქმიანობითა და აქტივობით განსაკუთრებული წვლილი შეაქვთ მშვიდობის მშენებლობის და ომით გაყოფილ საზოგადოებებს შორის შერიგების, ასევე კონფლიქტით დაზარალებული მოსახლეობის დახმარების პროცესში.

21 სექტემბერი 2021, 11:21

საზოგადოება

ლევან დავითაშვილი შვეიცარიის თანამშრომლობის ოფისის ხელმძღვანელს, ქრისტიან შონენბერგერს შეხვდა

შეხვედრაზე საქართველოში ადგილობრივი ბიოწარმოების, მეცხოველეობისა და რძის სექტორის განვითარების ხელშეწყობის, ასევე, ფერმერთათვის საერთაშორისო სასწავლო პროგრამებში მონაწილეობის მხარდაჭერისა და აგრარულ სფეროში პროფესიული სასწავლებლების გაძლიერების მიმართულებით თანამშრომლობის საკითხები განიხილეს.

კახა კალაძე

21 სექტემბერი 2021, 11:19

პოლიტიკა

კახა კალაძე: წინასაარჩევნო კამპანია მშვიდ გარემოში მიმდინარეობს

პარტია „ქართული ოცნების“ თბილისის მერობის კანდიდატის, კახა კალაძის განცხადებით ქვეყანაში წინასაარჩევნო კამპანია მშვიდ ვითარებაში მიმდინარეობს. მისი თქმით, ყველა პოლიტიკურ პარტიას აქვს შესაძლებლობა მათი პოლიტიკური ხედვა და პროგრამა წარუდგინოს საზოგადოებას.

21 სექტემბერი 2021, 11:17

მსოფლიო

ყველაზე ხანდაზმული გინესის რეკორდსმენი ტყუპი დასახელდა

იაპონელი დები მსოფლიოს ყველაზე ხანდაზმულ ტყუპად დასახელდნენ. მათი ასაკი 107 წელი და 300 დღეა. დები 1913 წლის 5 ნოემბერს დაიბადნენ. დღეს, ისინი იაპონიის სხვადასხვა კუთხეში ცხოვრობენ. კორონავირუსის პანდემიის გამო, უსაფრთხოების ზომების დაცვით, მათ გინესის რეკორდსმენობა მოკრძალებულად აცნობეს - ოფიციალური სერთიფიკატები გაუგზავნეს.

გიორგი ამილახვარი

21 სექტემბერი 2021, 11:16

პოლიტიკა

გიორგი ამილახვარი: რადიკალური ოპოზიცია ყოველდღე ცდილობს, წინასაარჩევნო პროცესს ჩირქი მოსცხოს

„ისინი ყოველდღე ცდილობენ, რომ შემოიტანონ დესტრუქცია და ცხადია ისინი (რადიკალური ოპოზიცია) არ ემზადებიან 2 ოქტომბრის არჩევნებისთვის, ისინი ემზადებიან რომ 3 ოქტომბერს დადგან მორიგი სპექტაკლი, რაც 20/20-ის არჩევნებზე სცადეს“, - განაცხადა გიორგი ამილახვარმა.

კრისტიანუ რონალდუ

21 სექტემბერი 2021, 11:07

სპორტი

კრიშტიანუ რონალდუ თაღლითობის მსხვერპლი გახდა

საფეხბურთო კლუბ „მანჩესტერ იუნაიტედის“ თავდამსხმელი კრიშტიანუ რონალდუ თაღლითობის მსხვერპლი გახდა. ამის შესახებ Jornal de Notícias-ი წერს.

21 სექტემბერი 2021, 10:59

საზოგადოება

„ალმა“: სამწუხაროა, რომ ჩვენ მიერ სოციალური პასუხისმგებლობის ფარგლებში განხორციელებული ვაქცინაციის მხარდამჭერი აქცია პოზიტიური შეფასების ნაცვლად კომპანიაზე უსაფუძვლო თავდასხმების საფუძველი გახდა

მათი თქმით, მიმდინარე წლის აპრილის თვეში, სარეკლამო კომპანია „ალმამ“, დაავადებათა კონტროლისა და საზოგადოებრივი ჯანმრთელობის ეროვნული ცენტრის მხარდასაჭერად, ქვეყნის მასშტაბით უსასყიდლოდ გამოყო 40 გარე სარეკლამო მონიტორი და 14 სარეკლამო ბილბორდი, რითაც მაქსიმალურად შეუწყო ხელი საზოგადოების ვაქცინაციისკენ მოწოდების კამპანიის ეფექტიანად განხორციელებას.

21 სექტემბერი 2021, 10:58

COVID19

საქართველოში 1 199 მძიმე კოვიდინფიცირებული პაციენტიდან ხელოვნური სუნთქვის აპარატზე 310 პირი იმყოფება

ამ ეტაპზე საქართველოში 1 199 მძიმე კოვიდინფიცირებული პაციენტია, ხელოვნური სუნთქვის აპარატზე კი 310 იმყოფება. Stopcov.ge-ზე გამოქვეყნებული ინფორმაციის თანახმად, 1 199 მძიმე პაციენტიდან თბილისში მკურნალობს 452 პაციენტი, აჭარაში - აჭარაში - 132, იმერეთში - 338. ხელოვნური სუნთქვის აპარატზე იმყოფება 310 პირი, მათგან თბილისში - 195, აჭარაში - 15, იმერეთში - 29.

21 სექტემბერი 2021, 10:57

COVID19

საქართველოში კორონავირუსის დადებითობის დღიური მაჩვენებელი 7,21%-ს შეადგენს

20 სექტემბრის მდგომარეობით, დადებითობის დღიური მაჩვენებელი არის 7,21 %, ბოლო 14 დღის განმავლობაში - 7,06 %, ხოლო 7 დღის განმავლობაში - 6,65 %. ამ დროისთვის საქართველოში კორონავირუსის 598 396 შემთხვევაა დადასტურებული. მათ შორის გამოჯანმრთელდა 565 773, გარდაიცვალა 8 621 პაციენტი.

21 სექტემბერი 2021, 10:51

პოლიტიკა

ზესტაფონის მუნიციპალიტეტში „პატრიოთა ალიანსის”ერთადერთმა მაჟორიტარმა პარტია დატოვა და კანდიდატურა მოხსნა

მუმლაძე ერთადერთი მაჟორიტარი დეპუტატობის კანდიდატი იყო „პატრიოტთა ალიანსიდან” ზესტაფონის მუნიციპალიტეტში. მან უკვე მიმართა საოლქო საარჩევნო კომისიას კანდიდატურის ჩახსნის განცხადებით.

ივანე ჩხაიძე

21 სექტემბერი 2021, 10:50

COVID19

ივანე ჩხაიძე: 16-17 წლის მოზარდების ვაქცინაცია უფრო მეტად უნდა გააქტიურდეს

„თუმცა, ისიც უნდა გავითვალისწინოთ, რომ ასაკობრივი ჯგუფი სულ ახლახან შეირჩა. ეს პროცესი რა თქმა უნდა მეტ გააქტიურებას საჭიროებს, მეტი ადამიანი უნდა იყოს ჩართული, პირველ რიგში ოჯახი, რადგან ბავშვის გადაწყვეტილება, მიუხედავად იმისა, რომ ისინი 16-17 წლისები არიან, აუცილებლად უნდა იყოს მიღებული გაცნობიერებულად“, - აღნიშნა ივანე ჩხაიძემ.

ჯასტინ ტრიუდო

21 სექტემბერი 2021, 10:48

მსოფლიო

კანადაში ჯასტინ ტრიუდოს ლიბერალური პარტია არჩევნებს იგებს

კანადის მოქმედი პრემიერ-მინისტრის ჯასტინ ტრიუდოს ლიბერალური პარტია პირველადი მონაცემებით, ვადამდელ საპარლამენტო არჩევნებში იმარჯვებს. ამის შესახებ CBC საარჩევნო კომისიის წინასწარ მონაცემებზე დაყრდნობით იუწყება.

21 სექტემბერი 2021, 10:43

COVID19

კოვიდინფიცირების ახალი შემთხვევებიდან 705 თბილისში, 492 იმერეთში, 149 კი აჭარაში გამოვლინდა

დღეს ქვეყანაში გამოვლენილი ინფიცირების 2470 ახალი შემთხვევიდან: თბილისში გამოვლენილია 705 შემთხვევა, აჭარა - 149, იმერეთი - 492, ქვემო ქართლი - 181, შიდა ქართლი - 161, გურია - 48, სამეგრელო-ზემო სვანეთი - 270, კახეთი - 319, მცხეთა-მთიანეთი - 63, სამცხე-ჯავახეთი - 60, რაჭა-ლეჩხუმი და ქვემო სვანეთი - 22.

21 სექტემბერი 2021, 10:36

COVID19

რამდენი ადამიანი აიცრა კოვიდვაქცინით საქართველოში

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კორონავირუსის საწინააღმდეგო აცრა 15 096-მა ადამიანმა გაიკეთა. სულ ქვეყანაში 1 671 295 აცრა გაკეთდა.

21 სექტემბერი 2021, 10:35

COVID19

დღე-ღამეში საქართველოში 46 კოვიდინფიცირებული გარდაიცვალა

Stopcov.ge-ზე გამოქვეყნებული მონაცემებით, ბოლო 24 საათის განმავლობაში საქართველოში კიდევ 46 კოვიდინფიცირებული გარდაიცვალა.

21 სექტემბერი 2021, 10:34

COVID19

საქართველოში კოვიდინფიცირების 2470 ახალი შემთხვევა გამოვლინდა

Stopcov.ge-ზე გამოქვეყნებული მონაცემებით, ბოლო 24 საათის განმავლობაში საქართველოში კორონავირუსი კიდევ 2470ადამიანს დაუდასტურდა, გამოჯანმრთელდა 2243 პაციენტი.

21 სექტემბერი 2021, 10:33

ეკონომიკა

ნათია თურნავა: საქართველო რეგიონში ერთ-ერთი პირველი ქვეყანა იქნება, რომელიც არაბთა გაერთიანებულ საამიროებთან თავისუფალი ვაჭრობის შეთანხმებაზე მოლაპარაკებას დაიწყებს

„ჩვენ შეხვედრა გვქონდა საამიროების მსხვილ სავაჭრო ქსელთან, რომელიც საქართველოდან პროდუქციის იმპორტს ახორციელებს, შესაბამისად, აქვს საქართველოს მწარმოებლებთან თანამშრომლობის დადებითი გამოცდილება და რაც მთავარია, მის სავაჭრო ქსელში ყოველწლიურად იზრდება საქართველოში წარმოებული პროდუქციის, განსაკუთრებით, აგროსამრეწველო ნაწარმის მოცულობა. ვფიქრობ, რომ არაბთა გაერთიანებულ საამიროებთან თავისუფალი ვაჭრობის შეთანხმების ამოქმედება შესაძლებელს გახდის, რომ მეტი ქართული პროდუქცია იყოს წარმოდგენილი საამიროების ბაზარზე,“ - განაცხადა ნათია თურნავამ.

გიორგი ხელაშვილი

21 სექტემბერი 2021, 10:23

პოლიტიკა

გიორგი ხელაშვილი: მთავარი გზავნილი ევროპარლამენტარებისთვის და საერთოდ, ჩვენი დასავლელი მეგობრებისთვის არის საქართველოს დემოკრატიული განვითარების შეუქცევადობა

„ვხედავთ, რომ არანაირი განსაკუთრებული გაუგებრობა, წინააღმდეგობა, ეჭვი არ არსებობს. ეს არის ჩვეულებრივი პოლიტიკური პროცესი, საქართველო ყალიბდება ევროპის შემადგენელ ნაწილად თავისი წინააღმდეგობებით, სამწუხაროდ ძალიან დიდი პოლარიზაციით, რასაც ყველა აღნიშნავს და საერთო შთაბეჭდილება არის, რომ ეს მწვავე დაპირისპირება საქართველოში უნდა დასრულდეს სწორედ იმით, რომ მხარეებმა აღიარონ თამაშის საერთო სტანდარტები, რისკენაც იმედი მაქვს მივდივართ და იმედი მაქვს რომ ეს არჩევნები ამ მხრივ მართლაც გარდამტეხი იქნება“, - განაცხადა გიორგი ხელაშვილმა.

21 სექტემბერი 2021, 10:21

სპორტი

თეა წულუკიანი ჭიდაობის ეროვნული ფედერაციის ხელმძღვანელებს შეხვდა

საქართველოს კულტურის, სპორტისა და ახალგაზრდობის მინისტრმა თეა წულუკიანმა, მინისტრის მოადგილე სოსო გიორგაძესთან ერთად, ჭიდაობის ეროვნული ფედერაციის ხელმძღვანელ პირებთან სამუშაო შეხვედრა გამართა. ინფორმაციას სამინისტროს პრეს-სამსახური ავრცელებს.