მცხეთის სასამართლო ამერიკელების მკვლელობაში ბრალდებულისთვის პატიმრობის შეფარდებაზე განცხადებას ავრცელებს

ხადის ხეობაში ამერიკელი ოჯახის მკვლელობაში ბრალდებულისთვის პატიმრობის შეფარდებაზე განცხადებას ავრცელებს.

სასამართლოს ცნობით, მათ აღკვეთის ღონისძიების სახედ პატიმრობის შერჩევისას, მხედველობაში მიიღეს ის გარემოება, რომ ბრალდებულს ბრალად ედება განსაკუთრებით მძიმე კატეგორიის დანაშაულის შესაძლო ჩადენა, რომელიც სასჯელის სახედ და ზომად ითვალისწინებს 16-20 წლამდე ვადით ან უვადო თავისუფლების აღკვეთას ითვალისწინებს. 

„მცხეთის რაიონულმა სასამართლომ დააკმაყოფილა ბრალდების მხარის შუამდგომლობა, განსაკუთრებული სისასტიკით ჩადენილი, ცოლ-ქმრისა და მათი 4 წლის შვილის მკვლელობის საქმეზე ბრალდებულ მალხაზ კ.-ს მიმართ და მას აღკვეთის ღონისძიების სახედ პატიმრობა შეუფარდა. მალხაზ კ.-ს ბრალად ედება განზრახ მკვლელობა დამამძიმებელ გარემოებებში ე.ი. განზრახ მკვლელობა ჩადენილი განსაკუთრებული სისასტიკით, სხვა დანაშაულის დაფარვის მიზნით, დამნაშავისათვის წინასწარი შეცნობით არასრულწლოვნის და ორი ან მეტი პირის მიმართ. 

საქმე ეხება 4 ივლისს, დუშეთის რაიონში, ხადას ხეობაში მომხდარ მკვლელობას, რა დროსაც ალკოჰოლური ზემოქმედების ქვეშ მყოფმა ბრალდებულმა სანადირო თოფით, მეუღლისა და 4 წლის შვილის თანდასწრებით, დამიზნებით, ზურგისა და თავის არეში ესროლა მ.ს.-ს. ფაქტს წინ უძღოდა, მ.ს.-ს შენიშვნა ბრალდებულის მიმართ, თანნაქონ სანადირო თოფთან დაუდევარი მოპყრობის გამო. ჩადენილი დანაშაულის დაფარვის მიზნით, მალხაზ კ.-მ თოფიდან ამოიღო გასროლილი მასრები და ჩაალაგა დამუხტული ვაზნები, ხოლო გარდაცვლილის მეუღლე ლ.ს. თავის გადასარჩენად გაიქცა ხევის მიმართულებით, რა დროსაც გადავარდა სიმაღლიდან და გარდაიცვალა. აღნიშნულის შემდეგ ბრალდებულმა ესროლა 4 წლის ბავშვს, რის შედეგადაც იგი ადგილზე გარდაიცვალა. ბრალდებულმა შემთხვევის ადგილზე გასროლილი მასრები გადაყარა მდინარეში, შემდეგ მ.ს.-ს გვამიც გადააგდო მდინარეში, ხოლო არასრულწლოვნის ცხედარი, მათ კუთვნილ ნივთებთან ერთად გადამალა თოვლის ზვავის ქვეშ, ბუნებრივად წარმოშობილ მცირე ზომის ქვაბულში. ბრალდებულმა მკვლელობის იარაღი-თოფი, დარჩენილ ვაზნებთან ერთად დუშეთის რაიონის სოფელ წკერეში, ე.წ. ‘’მილიონას’’ მთაზე, ცხვრის სადგომის მიმდებარე ტერიტორიაზე გადამალა. 

სასამართლომ აღკვეთის ღონისძიების სახედ პატიმრობის შერჩევისას, მხედველობაში მიიღო ის გარემოება, რომ ბრალდებულს ბრალად ედება განსაკუთრებით მძიმე კატეგორიის დანაშაულის შესაძლო ჩადენა, რომელიც სასჯელის სახედ და ზომად ითვალისწინებს 16-20 წლამდე ვადით ან უვადო თავისუფლების აღკვეთას იარაღთან დაკავშირებული უფლებების შეზღუდვით ან უამისოდ. ამ ეტაპზე მიმდინარეობს გამოძიება, ჩასატარებელია მთელი რიგი საგამოძიებო და საპროცესო მოქმედებები; შესაბამისად, წარდგენილი ბრალდების სიმძიმის, მოსალოდნელი მკაცრი სასჯელისაგან თავის არიდების, დანაშაულებრივი ქმედებების გაგრძელებისა და მოწმეებზე შესაძლო ზემოქმედების რისკების, ბრალდებულის მხრიდან მართლმსაჯულების განხორციელებაში ჩარევისა და განაჩენის აღუსრულებლობის საფრთხეების გათვალისწინებით, სასამართლომ ბრალდებულ მალხაზ კ.-ს აღკვეთის ღონისძიების სახით შეურჩია პატიმრობა. 

მოცემულ საქმეზე წინასასამართლო სხდომა გაიმართება 2018 წლის 4 სექტემბერს 14:00 სააათზე მცხეთის რაიონულ სასამართლოში“, ნათქვამია მცხეთის რაიონული სასამართლოს განცხადებაში.

დღეს მწყემს მალხაზ კობაურს წინასაწრი პატიმრობა შეეფარდა.

7 ივლისს დუშეთის მუნიციპალიტეტში, ხადის ხეობაში საქართველოსა და აშშ-ის ორმაგი მოქალაქე ცოლ-ქმარი -1975 და 1976 წელს დაბადებული რაიან სმიტი და მისი მეუღლე ლორა - დაღუპული იპოვეს.  მოგვიანებით იპოვეს მათი 4 წლის ბავშვის ცხედარიც.

მათ ორმაგი მოქალაქის სტატუსი ჰქონდათ მინიჭებული და რამდენიმე წელია, რაც საქართველოში ცხოვრობდნენ.