გომეწრის ხეობაში ავტომობილი ხრამში გადავარდა

თუშეთში, გომეწრის ხეობაში მსუბუქი ავტომანქანა ხრამში გადავარდა. დაშავებულების შესახებ ზუსტი ინფორმაცია ჯერ ცნობილი არ არის. ინფორმაციას სააგენტო "ინტერპრესნიუსი" ავრცელებს.

შემთხვევის ადგილზე  სამაშველო ჯგუფი და პოლიცია მიდის.

როგორც საზოგადოებრივი მაუწყებელი საგანგებო სიტუაციების მართვის სამსახურზე დაყრდნობით წერს, ვეღარ უკავშირდებიან ადამიანს, რომელმაც დახმარებისთვის დარეკა. 

„იქ ტელეფონი ცუდად იჭერს. ვცდილობთ დავუკავშირდეთ ზარის ინიციატორს, მაგრამ კავშირზე ვეღარ გავდივართ. ერთი, რაც დანამდვილებით ვიცით, არის ის, რომ არ არის მსხვერპლი. ომალოში იმყოფება პოლიციის ჯგუფი და ისინი მიემართებიან შემთხვევის ადგილას. მათი მეშვეობით შევიტყობთ დაშავებულების მდგომარეობას და რაოდენობას. ამ ინფორმაციის შემდეგ განისაზღვრება შემდგომი სამოქმედო გეგმა. გახდება თუ არა ჩვენი ჩარევა საჭირო“, – აცხადებს ჩარკვიანი.