imedi /  02 აგვისტო 2018, 11:50 / სანდო წყარო

ნინო გვენეტაძე თანამდებობას ტოვებს

ნინო გვენეტაძე

ნინო გვენეტაძე

უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძე დაკავებულ თანამდებობას ტოვებს. ამის შესახებ განცხადება საქართველოს უზენაესი სასამართლოს ვებგვერდზე გამოქვეყნდა.

გვენეტაძე გადადგომის მიზეზად ჯანმრთელობის მდგომარეობას და საზღვარგარეთ რამდენიმეთვიანი მკურნალობის საჭიროებას ასახელებს.

“საქართველოს იუსტიციის უმაღლესი საბჭოსა და საქართველოს უზენაესი სასამართლოს თავმჯდომარე ქალბატონი ნინო გვენეტაძე ავრცელებს განცხადებას ჯანმრთელობის მდგომარეობის შესახებ, რომელიც მოითხოვს რამდენიმეთვიან მკურნალობას საზღვარგარეთ.

ამასთან, მოკლედ მიმოიხილავს 2015 წლის 20 მარტიდან დღემდე მისი ხელმძღვანელობით საქართველოს იუსტიციის უმაღლეს საბჭოს, უზენაეს სასამართლოსა და საერთო სასამართლოების სისტემაში გატარებულ სარეფორმო ღონისძიებებს:

1. მართლმსაჯულების რეფორმის მესამე ტალღის წარმატებით განხორციელება, რაც გულისხმობს საერთო სასამართლოების სისტემაში შემოსულ საქმეთა შემთხვევითი, ელექტრონული წესით განაწილების დანერგვას და მის წარმატებით ამუშავებას; თბილისის საქალაქო სასამართლოს ტერიტორიაზე თანამედროვე დატა ცენტრის გამართვას, რომელიც ემსახურება საქმეთა ელექტრონულ განაწილებას. დამოუკიდებელი ინსპექტორის ინსტიტუტის შექმნას და მის ეფექტურ ფუნქციონირებას; სასამართლო გადაწყვეტილებათა გამოქვეყნების წესის ეტაპობრივ დანერგვას.

2. იუსტიციის უმაღლესი საბჭოს მიერ მართლმსაჯულების ხუთწლიანი სტრატეგიისა და ორწლიანი სამოქმედო გეგმის მიღებას; წარმატებული ერთწლიანი პერიოდის - ანგარიშის პრეზენტაციას ფართო საზოგადოების წინაშე.

3. პირველად ქართული მართლმსაჯულების ისტორიაში არასრულწლოვანთა მართლმსაჯულების კოდექსის მიღებას და ამოქმედებას; მიმდინარე სამუშაოებს სასამართლო პრაქტიკის განზოგადებით არასრულწლოვანთა მართლმსაჯულების კოდექსის კომენტარებზე.

4. მართლმსაჯულების რეფორმის მეოთხე ტალღის ფარგლებში აქტიურ საქმიანობას საქართველოს პარლამენტთან, იუსტიციის სამინისტროსა და საერთაშორისო დონორ ორგანიზაციებთან, რაც უახლოეს მომავალში დასრულდება ახალი საკანონმდებლო ნოვაციებით „საერთო სასამართლოების შესახებ“ საქართველოს ორგანულ კანონში.

კერძოდ, მოსამართლეთა ანგარიშვალდებულების - დისციპლინური პასუხისმგებლობის საფუძვლების დახვეწას; იუსტიციის უმაღლესი საბჭოს გამჭვირვალე საქმიანობის მარეგულირებელი ნორმების შემუშავებას და იუსტიციის უმაღლესი სკოლის რეფორმას; კომერციული პალატების ფუნქციონირების წესის საკანონმდებლო რეგლამენტაციას და სასამართლოთა განტვირთვას საქმეთა ჭარბი ნაკადისაგან.

5. საკონსტიტუციო ცვლილებების შედეგად საქართველოს უზენაეს სასამართლოს მოსამართლეთა უვადოდ დანიშვნა.

6. საერთო სასამართლოების სისტემაში სსიპ საერთო სასამართლოების დეპარტამენტის მიერ დაახლოებით ორმოცზე მეტი წარმატებული ინფრასტრუქტურული პროექტის განხორციელება. ბორჯომის მაგისტრატი სასამართლოს ახალი შენობის მშენებლობა; თბილისის საქალაქო სასამართლოს ახალი კორპუსის (სამოქალაქო სამართალწარმოებისათვის) დასრულება; თბილისის საქალაქო სასამართლოს ახალი შენობის მშენებლობისათვის საპროექტო სამუშაოების მომზადება.

წარმატებებში დიდი წვლილი მიუძღვით საელჩოებს, საერთაშორისო და დონორ ორგანიზაციებს, რომლებიც ყველა მნიშვნელოვან სარეფორმო ეტაპზე აქტიურ მხარდაჭერას ახორცილებდნენ მართლმსაჯულების სისტემისადმი. ასევე ნაყოფიერი იყო თანამშრომლობა არასამთავრობო და უფლებადამცველ ორგანიზაციებთან მართლმსაჯულებისადმი ნდობის გაღმავების კუთხით.

ნინო გვენეტაძე მადლობას უხდის კოლეგებს ნაყოფიერი თანამშრომლობისათვის და გამოთქვამს იმედს, რომ ქართული მართლმსაჯულება ღირსეულად უზრუნველყოფს ადამიანის უფლებების დაცვას, ღირსეულად მოემსახურება კანონის უზენაესობასა და სამართლიანობის დამკვიდრებას“, - ნათქვამია უზენაესი სასამართლოს პრესამსახურის მიერ გავრცელებილ განცხადებაში.

ნინო გვენეტაძე უზენაესი სასამართლოს თავმჯდომარის პოსტზე საქართველოს პარლამენტმა 2015 წლის 20 მარტს აირჩია. მან ამ პოზიციაზე კოტე კუბლაშვილი შეცვალა. უზენაესი სასამართლოს თავმჯდომარის კანდიდტატად გვენეტაძე პრეზიდენტმა გიორგი მარგველაშვილმა შეარჩია და პარლამენტს წარუდგინა.

2017 წლის ნოემბერში ნინო გვენეტაძეს და იუსტიციის უმაღლესი საბჭოს წევრებს შორის მოსამართლეთა უვადო დანიშნვნასთან დაკავშირებით კონფლიქტი წარმოიქმნა. მაშინ სასამართლოს თავმჯდომარემ, რომელიც იმავდროულად იუსტიციის უმაღლესი საბჭოს ხელმძღვანელიცაა განაცხადა, რომ საბჭოს წევრების მხრიდან ზეწოლას განიცდიდა. იმავე დღეებში გავრცელდა ინფორმაცია, რომ ამ დაპირისპირების გამო გვენეტაძემ თანამდებობიდან წასვლა გადაწყვიტა, რაც არ მოხდა და მან 34 მოსამართლის უვადოდ დანიშვნას ხელი მოაწერა.

საქართველოს უზენაესი სასამართლოს თავმჯდომარეს კონსტიტუციის მოქმედი რედაქციით წარადგენს ისევ საქართველოს პრეზიდენტი და ირჩევს საქართველოს პარლამენტი 10 წლის ვადით. პრეზიდენტს კანდიდატის წარდგენა ხვალვე შეუძლია, პარლამენტს კი მისი დამტკიცება - რიგგარეშე ან საშემოდგომო სესიაზეც. თუ პროცედურა გაჭიანურდა საპრეზიდენტო არჩევნებამდე და უზენაესი სასამართლოს ახალ თავმჯდომარეს პარლამენტი 2018 წლის ოქტომბრამდე არ აირჩევს, ახალი პრეზიდენტის ინუგურაციის შემდეგ ამოქმედდება ახალი კონსტიტუცია, რომელიც უზენაესი სასამართლოს თავმჯდომარის არჩევის განსხვავებულ პროცედურას ითვალისწინებს. მას 10 წლის ვადით ისევ პარლამენტი ამტკიცებს, მაგრამ არა პრეზიდენტის, არამედ უზენაესი სასამართლოს წევრთანაგან იუსტიციის უმაღლესი საბჭოს წარდგინებით. სასამართლოს ახალი ხელმძღვანელის არჩევამდე უზენაესი სასამართლოს თავმჯდომარის მოვალეობას ასრულებს მისი პირველი მოადგილე.

ყველა სიახლე

ბელგია მთავრობა

14 აგვისტო 2020, 18:11

მსოფლიო

ბელგიაში მთავრობის ჩამოყალიბების მორიგი მცდელობა ჩავარდა

ბელგიაში მთავრობის ჩამოყალიბების მორიგი მცდელობა ჩავარდა. გამოცემა Le Soir-ის ცნობით, 20 ივლისს დაწყებული მოლაპარაკებები უშედეგოდ დასრულდა. ფლამანდიელი ნაციონალისტების ლიდერი ბარტ დე ვევერი და სოციალისტების ლიდერი პოლ მაგნეტი ბოლო დღეების განმავლობში მოლაპარაკებებს შედარებით სუსტ პარტიებთან მართავდნენ. სავარაუდოდ, დე ვევერი და მაგნეტი 17 აგვისტოს ბელგიის მეფეს შეხვდებიან და მომხდარის შესახებ შეატყობინებენ.

გიორგი ვოლსკი

14 აგვისტო 2020, 18:07

პოლიტიკა

გიორგი ვოლსკი: ოპოზიციის დამახასიათებელი ნიშანია, მისწრაფება დესტრუქციული პროცესების განვითარებისკენ

„ოპონენტების წარმომადგენლები, როგორც მაჟორიტარები ასევე, პარტიულები, (მცირე გამონაკლისების გარდა) არის ერთგვაროვანი ჯგუფი. მთავარი დამახასიათებელი ნიშანი, რაც ამ პოლიტიკურ ძალებს გააჩნიათ არის ის, რომ ძალიან დიდია ამბიციები და ეს ამბიციები ერთმანეთში საკმაოდ სერიოზულ დაპირისპირებას განაპირობებს. ისეთსავე დაპირისპირებას, როგორიც აქამდე იყო. ისინი აგინებდნენ ერთმანეთს, შემდეგ აქებდნენ და შემდეგ იცვლიან პოზიციას. ეს არის მათი საერთო დამახასიათებელი ნიშანი. მეორე ნიშანი რაც მათ არ განარიდებს ერთმანეთს, ეს არის მისწრაფება დესტრუქციული პროცესების განვითარებისკენ, რაც უჩენს მათ პერსპექტივას, რომ იქნებ იმდენად აიმღვრეს წყალი, რომ ეს დესტრუქცია პოლიტიკური დივიდენდების მიღების წყაროდ იქცეს“, - ამის შესახებ პარლამენტის თავმჯდომარის პირველმა მოადგილემ გიორგი ვოლსკიმ ტვ „რუსთავი 2“ -ის ეთერში განაცხადა.

ირაკლი ღარიბაშვილი

14 აგვისტო 2020, 18:04

პოლიტიკა

ირაკლი ღარიბაშვილი: უნდა გაიმარჯვოს დათო სონღულაშვილმა და ყველამ ერთად უნდა გავაგრძელოთ ჩვენი ქვეყნის შენება

მოგესალმებით ჩემო მაგარო კახელებო, მაგარო ქიზიყელებო, დედოფლისწყაროელებო! ჩემთვის ორმაგად ემოციურია დღეს აქ თქვენთან შეხვედრა, - განაცხადა საქართველოს თავდაცვის მინისტრმა, ირაკლი ღარიბაშვილმა დედოფლისწყაროში, „ქართული ოცნების“ გურჯაანი-საგარეჯო-სიღნაღი-დედოფლისწყაროს მაჟორიტარი დეპუტატობის კანდიდატის, დავით სონღულაშვილის წარდგენის ღონისძიებაზე.

14 აგვისტო 2020, 17:52

მსოფლიო

ნეპალში მეწყერმა ათობით სახლი მოიყოლა, დაიღუპა 16 ადამიანი

ნეპალის მთიან სოფლებში მეწყრული პროცესები გრძელდება. ინტენსიურმა წვიმამ დღეს, რამდენიმე ადგილას, კვლავ გამოიწვია მეწყრული პროცესები, რის შედეგადაც, 16 ადამიანი დაიღუპა. ნეპალის შინაგან საქმეთა სამინისტროს ცნობით, მიწის მასაშია მოყოლილი ათობით სახლი, ადამიანთა ნაწილს კი, ამ დრომდე ეძებენ.

ირაკლი ღარიბაშვილი

14 აგვისტო 2020, 17:30

პოლიტიკა

ირაკლი ღარიბაშვილი: უგუნურმა ხელისუფლებამ ვერ აარიდა ჩვენს მოსახლეობას ის უბედურება, ნგრევა და დესტაბილიზაცია, რომელიც აგვისტოს ომმა გამოიწვია

ყოფილმა უგუნურმა ხელისუფლებამ ვერ აარიდა ჩვენს მოსახლეობას ის უბედურება, ნგრევა და დესტაბილიზაცია, რომელიც გამოიწვია აგვისტოს ომმა. შედეგად ჩვენ მივიღეთ ასზე მეტი დაკარგული სოფელი, დავკარგეთ კოდორი, დავკარგეთ ახალგორი და დამატებით მივიღეთ 10 ათასზე მეტი, დაახლოებით 25 ათასი დევნილი, - ამის შესახებ პარტია „ქართული ოცნების“ პოლიტიკურმა მდივანმა, თავდაცვის მინისტრმა ირაკლი ღარიბაშვილმა საგარეჯოში, მაჟორიტარი დეპუტატობის კანდიდატის წარდგენის ღონისძიებაზე განაცხადა.

კახა კალაძე

14 აგვისტო 2020, 17:23

პოლიტიკა

კახა კალაძე: ჩვენ კიდევ ერთხელ უნდა ვუთხრათ უარი ანტისახელმწიფოებრივ, ანტიეროვნულ ძალებს და სათანადო ადგილი მივუჩინოთ მათ

გამოწვევების დასაძლევად და განვითარების ახალ ეტაპზე გადასასვლელად საჭიროა, რომ თქვენი მაჟორიტარობის კანდიდატი ღირსეული ადამიანი იყოს. ჩვენ ძალიან ბევრი ვიმუშავეთ, ჩავატარეთ გამოკითხვები, თუ ვინ უნდა ყოფილიყო ეს ადამიანი, - ასე წარუდგინა „ქართული ოცნების“ გენერალურმა მდივანმა და თბილისის მერმა, კახა კალაძემ გურჯაანი-საგარეჯო-სიღნაღი-დედოფლისწყაროს მაჟორიტარი დეპუტატობის კანდიდატი „ქართული ოცნებიდან“, დავით სონღულაშვილი დედოფლისწყაროს ამომრფჩეველს.

სვეტლანა ტიხანოვსკაია

14 აგვისტო 2020, 17:20

მსოფლიო

სვეტლანა ტიხანოვსკაიამ ხელისუფლების გადაბარების უზრუნველსაყოფად საკოორდინაციო საბჭოს შექმნა დააანონსა

ბელარუსის პრეზიდენტობის ოპოზიციონერმა კანდიდატმა სვეტლანა ტიხანოვსკაიამ განაცხადა, რომ შექმნის საკოორდინაციო საბჭოს, რომელიც ხელისუფლების გადაბარებას უზრუნველყოფს. ამის შესახებ ინფორმაციას ოპოზიციური კანდიდატების გაერთიანებული შტაბი ავრცელებს.

14 აგვისტო 2020, 17:13

სამართალი

შინაგან საქმეთა სამინისტროს საექსპერტო-კრიმინალისტიკურ დეპარტამენტს აშშ-ის ელჩი ეწვია

შინაგან საქმეთა სამინისტროს საექსპერტო-კრიმინალისტიკურ დეპარტამენტს აშშ-ის ელჩი - კელი დეგნანი, აშშ-ის საელჩოს ანტინარკოტიკული და სამართალდამცავ ორგანოებთან ურთიერთობის ბიუროს (INL) დირექტორთან - რებეკა ჰანტთან და აშშ-ის საელჩოს სამართალდაცვით საკითხებში უფროს მრჩეველთან - მაიკლ ტერნერთან ერთად ეწვია.

გიორგი გახარია

14 აგვისტო 2020, 17:13

პოლიტიკა

გიორგი გახარია: „ქართული ოცნება“ ყოველთვის გვერდით ედგა ქართველ გლეხსა და ფერმერს, ამის დადასტურება იქნება ეს რთველიც

მოგესალმებით დედოფლისწყაროში, ღირსეულ კახელებთან ერთად. ყოველთვის დღევანდელ დღეს უნდა დავიწყოთ იმის გახსენებით, რომ ზუსტად 28 წლის წინ საქართველოში, სოხუმში დაიწყო შეიარაღებული კონფლიქტი. ეს ის დღეა, როდესაც ჩვენ უნდა გვახსოვდეს, რომ ჩვენი ქვეყანა ოკუპირებულია. ყველაფერი უნდა გავაკეთოთ ერთად, ვიშრომოთ ერთად, რომ მშვიდობიანად ქვეყანა გავამთლიანოთ, - ამის შესახებ საქართველოს პრემიერ-მინისტრმა გიორგი გახარიამ კახეთში განაცხადა, სადაც „ქართული ოცნების“ მაჟორიტარი დეპუტატობის კანდიდატი გურჯაანში, საგარეჯოში, სიღნაღსა და დედოფლისწყაროში, დავით სონღულაშვილი წარადგინა.

გიორგი გახარია

14 აგვისტო 2020, 17:11

რეგიონი

გიორგი გახარია: რეგიონებში გზის, წყალმომარაგებისა და გაზის პრობლემის მოგვარებას წლები არ უნდა დასჭირდეს

„ძალიან კარგად გვესმის, რომ დედოფლისწყაროში ბევრია საშრომი. ბევრია საშრომი, რომ პირველ რიგში, წყალმომარაგების პრობლემა მოვაგვაროთ. მთელს საქართველოში ასეა - გზა, წყალმომარაგება და გაზი სოფლად და რეგიონში მცხოვრები ადამიანების პირველადი მოთხოვნაა. ამას წლები არ უნდა დასჭირდეს“.

გიორგი გახარია

14 აგვისტო 2020, 17:05

პოლიტიკა

გიორგი გახარია: ყველაფერი უნდა გავაკეთოთ იმისთვის, რომ ჯან-ღონით სავსე ადამიანებს სამართლიან გარემოში შრომის შესაძლებლობა ჰქონდეთ

გიორგი გახარია: 2012 წელს კახეთში ჩაბარდა 52 000 ტონა ყურძენი, 2019 წელს - 278 000 ტონა ყურძენი და 2020 წელს ჩაბარდება 300 000 ტონა

14 აგვისტო 2020, 16:57

მსოფლიო

დასახელდა ევროპული ქალაქები, სადაც ბინის დაქირავება ყველაზე ძვირია

ევროპული ქალაქი, სადაც ბინის დაქირავება ყველაზე ძვირია, მალტის დედალაქი ვალეტაა. როგორც PropertyWire წერს, Spotahome-ის კვლევის თანახმად, იქ ფართის დაქირავება თვეში 942 ფუნტი სტერლინგი ღირს. რეიტინგში მეორე ადგილს იკავებს ვილნიუსი, მესამეზე კი ვარშავაა. ათეულში ასევე მოხვდნენ კოპენჰაგენი, სტოკჰოლმი, ათენი, ბუდაპეშტი და პრაღა.

14 აგვისტო 2020, 16:55

COVID19

თურქეთში კორონავირუსს უკვე 5 900-ზე მეტი ადამიანი ემსხვერპლა

ბოლო 24 საათის განმავლობაში თურქეთში ახალი კორონავირუსით ინფიცირების კიდევ 1 243 შემთხვევა გამოვლინდა, 21 ადამიანი ვირუსს ემსხვერპლა, 968 კი გამოჯანმრთელდა. ქვეყანაში კოვიდინფიცირების 245 635 შემთხვევაა დადასტურებული, გარდაიცვალა 5 912 ადამიანი, 228 057-მა კი ვირუსის დამარცხება შეძლო.

14 აგვისტო 2020, 16:49

პოლიტიკა

„ქართული ოცნების“ ლიდერები საგარეჯოში, სახელმწიფოს მხარდაჭერით შექმნილ ჩირის საწარმო „ჯეოორგანიკში“ იმყოფებოდნენ

საქართველოს პრემიერ-მინისტრი გიორგი გახარია, ქართული ოცნების“ გენერალური მდივანი კახა კალაძე და გურჯაანის, საგარეჯოს, დედოფლისწყაროსა და სიღნაღის ოლქში ,,ქართული ოცნების” მაჟორიტარი დეპუტატობის კანდიდატი დავით სონღულაშვილი ჩირის საწარმო „ჯეო ორგანიკში“ იმყოფებოდნენ.

14 აგვისტო 2020, 16:25

სამართალი

ბათუმში, საკარანტინო სასტუმროდან მოქალაქის გადახტომის ფაქტზე გამოძიება დაიწყო

13 აგვისტოს, ბათუმში, ერთ-ერთ სასტუმროში, საკარანტინო სივრცეში მომხდარ ინციდენტზე შინაგან საქმეთა სამინისტროს აჭარის პოლიციის დეპარტამენტმა გამოძიება სისხლის სამართლის კოდექსის 115-ე მუხლით დაიწყო, - ინფორმაციას შსს ავრცელებს.

კორონავირუსი ტესტი

14 აგვისტო 2020, 16:24

COVID19

ბავარიაში 44 000 ადამიანი კორონავირუსზე ტესტის პასუხს კვირაზე მეტხანს ელოდებოდა

ბავარიაში 44 000 ადამიანი კორონავირუსზე ტესტის პასუხს კვირაზე მეტხანს ელოდებოდა, რის გამოც რეგიონის პრემიერ-მინისტრ მარკუს ზედერს ბოდიშის მოხდა მოუწია. ინფორმაციას ამის შესახებ გამოცემა The Local-ი ავრცელებს.

დავით სონღულაშვილი

14 აგვისტო 2020, 16:21

პოლიტიკა

დავით სონღულაშვილი: ჩემ უკან წარმატებული გუნდია, „ქართული ოცნების“ სახით

მე კახელი ვარ და მაჟორიტარობის კანდიდატობა კახეთში არ არის მხოლოდ პოზიცია ან მომავალი თანამდებობის დაკავების სურვილი. მე ამ კულტურის ნაწილი ვარ და კახეთის მსახურება ჩემი სულიერი მისიის დიდი ნაწილია, - ამის შესახებ გურჯაანი-საგარეჯო-სიღნაღი-დედოფლისწყაროს მაჟორიტარი დეპუტატობის კანდიდატმა „ქართული ოცნებიდან“, დავით სონღულაშვილმა განაცხადა.

14 აგვისტო 2020, 16:09

COVID19

დაბა სტეფანწმინდაში კორონავირუსზე ტესტირება 50-ზე მეტ ადამიანს ჩაუტარდა

დაბა სტეფანწმინდაში ეპიდემიოლოგიური კვლევა დასრულდა. სპეციალისტებმა 50-ზე მეტი ადამიანის ბიოლოგიური ნიმუშები ლაბორატორიებში გადააგზავნეს კორონავირუსზე ტესტირებისთვის. ადგილზე იმყოფებოდნენ ადგილობრივი ხელისუფლების წარმომადგენლებიც.

ტიგრან ხაჩატრიანი

14 აგვისტო 2020, 16:07

COVID19

სომხეთის პოლიციამ ქვეყნის ეკონომიკის მინისტრს პრესკონფერენციაზე პირბადის გარეშე გამოჩენის გამო ჯარიმა გამოუწერა

სომხეთის პოლიციამ ქვეყნის ეკონომიკის მინისტრს, ტიგრან ხაჩატრიანს ჯარიმა გამოუწერა პრესკონფერენციაზე პირბადის გარეშე გამოჩენის გამო. ამის შესახებ სომხეთის ეკონომიკის სამინისტროს ოფიციალურმა წარმომადგენელმა, ანა ოგანიანმა განაცხადა.

გიორგი გახარია

14 აგვისტო 2020, 16:04

პოლიტიკა

პრემიერი: „ქართული ოცნებისთვის“ ყველაზე მნიშვნელოვანია ადამიანი და მასზე ზრუნვა, ბევრი მნიშვნელოვანი საქმეა დაწყებული, რომელიც ბოლოშია გასაყვანი

მოგესალმებით კუთხეში, სადაც ბრძოლის ფასიც იციან, სითამამეც და სტუმარ-მასპინძლობაც. აუცილებლად უნდა დავიწყოთ იმით, რომ დღეს 28 წელი გავიდა მას შემდეგ რაც სოხუმში დაიწყო შეიარაღებული კონფლიქტი. საერთოდ, აგვისტო მძიმე თვე დაგვებედა ბოლო ათწლეულების განმავლობაში და ყოველთვის უნდა გვახსოვდეს, რომ დღეს ჩვენი ქვეყანა არის ოკუპირებული. ყოველთვის უნდა გვახსოვდეს და ვიცოდეთ, რომ ეს ის პრობლემაა, რომელიც რადაც არ უნდა დაგვიჯდეს, უნდა გადავწყვიტოთ მშვიდობით, შრომით და იმით, რომ ავაშენებთ წარმატებულ ევროპულ სახელმწიფოს. ჩვენი დევნილები, რომლებიც თავის სამშობლოში ცხოვრობენ დევნილად, აუცილებლად უნდა დავაბრუნოთ სახლებში და ერთიან, გამთლიანებულ ქვეყანაში უნდა ვიცხოვროთ, მაგრამ ყველაფერი უნდა გავაკეთოთ ჩვენი მიზანმიმართულობით, ერთიანობით, რა თქმა უნდა, ჩვენი შრომით და რაც ყველაზე მთავარია, მშვიდობიანად, - ამის შესახებ საქართველოს პრემიერ-მინისტრმა გიორგი გახარიამ კახეთში განაცხადა, სადაც „ქართული ოცნების“ მაჟორიტარი დეპუტატობის კანდიდატი გურჯაანში, საგარეჯოში, სიღნაღსა და დედოფლისწყაროში, დავით სონღულაშვილი წარადგინა.