აუდიოჩანაწერი: რა მეთოდებს განიხილავდნენ სააკაშვილის დავალებით პატარაკაციშვილის მოსაკლავად

მთავარმა პროკურატურამ ბიზნესმენ ბადრი პატარკაციშვილის მკვლელობის მომზადების საქმესთან დაკავშირებით, საქმეში არსებული აუდიოჩანაწერები გამოაქვეყნა, კერძოდ, მკვლელობის მომზადების შესახებ კუდის მაღალჩინოსნების საუბარი.

პროკურატურის ინფორმაციით, 2007 წლის 5 თებერვლის ჩანაწერში ე.წ. „მოდულის“ შენობაში გამართული თათბირია ჩაწერილი, რომელსაც კუდის მაშინდელი მაღალჩინოსნები გიორგი დგებუაძე (მეტსახელად „მასტერა“), რევაზ შიუკაშვილი, ლევან ქარდავა და გიორგი მერებაშვილი ესწრებიან. 

ჩანაწერის თანახმად, პოლიტიკური სივრციდან ჩამოშორების მიზნით, ბადრი პატარკაციშვილის მკვლელობას ამზადებენ. ისინი განიხილავენ პატარკაციშვილის მოსაკლავად შესაბამისი პირობების შექმნას, მათ შორის დაცვის თანამშრომელთა სიის მოპოვების და პერსონალის შესახებ ინფორმაციის შეგროვების შესაძლებლობებს.

2007 წლის 5 თებერვლის ჩანაწერში, კუდის ყოფილი მაღალჩინოსნები ასევე მსჯელობენ მკვლელობის სხვადასხვა გზაზე, კერძოდ, ბიზნესმენის ისეთი ნივთიერებით მოწამვლაზე, რაც ბუნებრივი სიკვდილის ეფექტს გამოიწვევს. ამავე საუბრის თანახმად, ყველა საკითხი, მათ შორის ბადრი პატარკაციშვილის ლიკვიდაციის შესაბამისი მეთოდები თანხმდება კუდის იმდროინდელ ხელმძღვანელ დათა ახალაიასთან. 

საუბარში ასევე ისმის, რომ მათ პატარკაციშვილთან დაკავშირებული პირების სატელეფონო საუბრების მოსმენა სურთ, რისთვისაც შესაბამისი ქმედებები უნდა განახორციელონ. საუბარში კუდის ყოფილი მაღალჩინოსნები ასევე ამბობენ, რომ მიზნის მისაღწევად პატარკაციშვილის შვილის მოტაცება რომ დასჭირდეთ, უნდა მოიტაცონ:

„გიორგი დგებუაძე: ბიჭო ეხლა ჩვენ ვიფიქროთ რა, აი ვთქვათ, გაზი შევუშვათ რა.
გიორგი  მერებაშვილი: გაზი? როგორი? 
გიორგი დგებუაძე: მე ისიც ვერ მითხრა ეხლა დათამ რა სახის მოწამვლა იქნებაო. 
ლევან ქარდავა: არა აქვსო, რაც გინდათ, მარა ჩვენ გვინდა. ეხლა იმან, დათას დღეს რა უთხრათ იცი ჩვენ? კაროჩე დაგვაკავშიროს იმას, ვინც გვაძლევს ამ იმას რა და იმან უნდა.
გიორგი დგებუაძე: რა ვარიანტზე ვიმუშაოთ რა.  
ლევან ქარდავა: ხო, ჰო რა.
გიორგი დგებუაძე: კაროჩე, ხო შეიძლება, ვთქვათ საწოლში ოთახში ძილის დროს შეაგდო რაღაცა რა და პროსტა? 
ლევან ქარდავა: მაგას ვიძახი, სუნთქვით რო დაიღუპოს
რევაზ შიუკაშვილი: არა, ოთახში იქ, როცა ოთახში იქნება და როცა ეძინება, იქ დაცვა იდგება.
ლევან ქარდავა: არ იყოს თუ გინდა, არ იყოს კაცო, დალაგების პონტში ააკარი რა
რევაზ შიუკაშვილი: ხო, აი ეგ, მოსულა, სანამ ეგ არ არის იქ.
გიორგი დგებუაძე: ისა, იმას აქ პროსტა, იცი რა, აი მაგალითად? 
რევაზ შიუკაშვილი: ხო, ვიცი რა შეიძლება.
გიორგი დგებუაძე: და აი რუჩკაზე წაუსმევდი, ხელს მოკიდებდი და ორ სამ დღეში იბრიდებოდა თუ გინდა ორ საათში.
რევაზ შიუკაშვილი: ნუ ვსიო, დედა ქონდა მოტ... 
ლევან ქარდავა: აუ რა მაგარია ჩემი ბოზიშ... ვიყო
გიორგი დგებუაძე: ამან გინდა თუ არა საჭმელი, საჭმელიო მარა
რევაზ შიუკაშვილი: რთულია მასე, ძალიან რთულია. უშუალოდ გადიხარ პოვარზე და მერე დედას უტყნ...
გიორგი დგებუაძე: ეხლა უყურე რა ხდება, მე ეჭვი მეპარება, რო ისეთი მომწამვლელი გვქონდეს ჩვენ, აი რასაც ჩვენ 
ლევან ქარდავა: რო არ დარჩეს, ხო?
გიორგი დგებუაძე: არა, რო არ დარჩეს კი არა, აი ეგეთი რო ასანთი და რაღაც რა. 
 ლევან ქარდავა: და იქნება, შანსი არაა.
რევაზ შიუკაშვილი: ჩეჩნებს ჰქონდათ. აი სადმე ან ფეხსაცმელში რო ჩაუსხა რაღაც კოსტიუმში მიუსხა. ხო უწესრიგებს ვიღაცა?
გიორგი დგებუაძე: ესე იგი შენ, შენ ჩამოყალიბდი რა, ჩვენ გვინდა ყველა დამლაგებელი, დამლაგებლებიც გვაწყობს საძინებლის და არა მარტო საძინებლის, კაბინეტის.
კაბინეტის დამლაგებლები კაროჩე, საძინებლის დამლაგებლები, კუხნის დამლაგებლები“, - ისმის კუდის მაღალჩინოსნების აუდიოჩანაწერის ფრაგმენტში, რომელიც 17 ოქტომბერს საქართველოს მთავარმა პროკურატურამ გამოაქვეყნა.

მთავარი პროკურატურის განცხადებით, „ფარული კადრების ჩამწერი პირების საქმეზე“,  ერთ-ერთი ბრალდებულის საცხოვრებელ სახლში ჩატარებული ჩხრეკის დროს, იპოვეს შსს-ს აუდიოჩანაწერები, რომელიც 2007 წლის 4 და 5 თებერვლით თარიღდება. ჩანაწერებში კუდის ყოფილი მაღალჩინოსნები ბადრი პატარკაციშვილის მკვლელობას გეგმავენ, მათ შორის ცდილობენ გადმოიბირონ ბიზნესმენის დაცვის წევრი. ამასთან ჩანაწერებით ირკვევა, რომ პატარკაციშვილის ლიკვიდაცია მიხეილ სააკაშვილის მიერ იყო სანქცირებული. საქმეზე ბრალდებულები არიან: გიორგი დგებუაძე, რევაზ შიუკაშვილი, ლევან ქარდავა და გიორგი მერებაშვილი.