imedi /  24 მარტი 2019, 21:53 / სანდო წყარო

რატომ ეუბნებიან საქართველოს მოქალაქეებს ევროკავშირში თავშესაფარზე უარს. სტატისტიკა

ევროკავშირი

საქართველოს მოქალაქეები ევროკავშირის 22 წევრ, 4 არაწევრ და შენგენის 4 კანდიდატ ქვეყანაში უვიზოდ უკვე 3 წელია მოგზაურობენ. ევროკავშირი-საქართველოს ისტორიული შეთანხმება 2016 წლის 28 მარტს ამოქმედდა. ევროპული ქვეყნების საზღვრების გახსნას წინ უძღოდა სამოქმედო გეგმის შესრულება და ხანგრძლივი მოლაპარაკებები.

საქართველომ საჭირო სტანდარტები და კრიტერიუმები დააკმაყოფილა და ევროკავშირმაც პარტნიორი ქვეყნისთვის მიცემული პირობა შეასრულა. შედეგად, საქართველოს მოქალაქეებს ბიომეტრიული პასპორტით ევროპაში უვიზოდ  მოგზაურობა 6 თვის, ანუ 180 დღის განმავლობაში 90 დღით შეუძლიათ.

სავიზო ვალდებულების მოხსნას მოჰყვა მოწოდება წესების დაცვის შესახებ. ვადების პატივისცემა აუცილებელია. ამ რეჟიმის ბოროტად გამოყენება კი აკრძალული და შეიძლება ისტორიული მონაპოვარის შეჩერებამდე მიგვიყვანოს. 

ბოლო სამი წლის განმავლობაში უვიზო რეჟიმით საქართველოს 600 000-ზე მეტმა მოქალაქემ ისარგებლა. საქართველოს ელჩი ბელგიის სამეფოსა და ლუქსემბურგის დიდ საჰერცოგოში, ევროკავშირში საქართველოს მისიის ხელმძღვანელი ნატალია საბანაძე „იმედის კვირასთან“ ინტერვიუში ამბობს, რომ რამდენიმე ქვეყანა შეშფოთებას გამოთქვამს. მათ შორისაა გერმანია, საფრანგეთი და შვედეთი.

მიზეზი საქართველოდან თავშესაფრის მაძიებელთა რიცხვის ზრდაა. საუბარია აპლიკაციების  გაორმაგებაზე და ზოგ ქვეყანაში გასამმაგებაზეც კი. 

"ეს საკითხი უკვე რამდენიმე თვეა დგას შესაბამის უწყებებში. ეს საკითხი ვიზა-ლიბერალიზაციის მიღებიდან ძალიან მალე დადგა, მაგრამ ბოლო ხანს გაძლიერებულად მიმდინარეობს ამაზე საუბარი და არა მხოლოდ წევრი სახელწმიფოებიდან, არამედ ევროკომისიიც აქტიურადაა ჩართული. მე მაქვს შეხვედრები უწყებებთან და კაბინეტის წევრებთან. საქართველო არის მიჩნეული უსაფრთხო ქვეყნად და ამიტომ საქართველოდან წამოსული თავშესაფრის მოთხოვნა ითვლება უსაფუძვლოდ. საუბარი არ არის მხოლოდ პოლიტიკურ თავშესაფარზე,ხშირად მიმართავენ სამედიცინო მიზნით, ეკონომიკური მიზნით. ყველა ეს საფუძველი არის მიუღებელი. ვერ ვიტყვი, რომ 100 %-ით , მაგრამ 99 %-ით ეს სრულდება უარით", - თქვა ნატალია საბანაძემ.

საქართველო უსაფრთხო ქვეყნების სიაში შეიყვანა ბელგიამ, დანიამ, ბულგარეთმა, ისლანდიამ, საფრანგეთმა, ჰოლანდიამ, ავსტრიამ, ლუქსემბურგმა. გერმანიაში ამ საკითხზე ბოლო კენჭისყრა უახლოეს ხანებში გაიმართება. სტატუსის მინიჭებით ევროპული ქვეყნები ამბობენ, რომ საქართველო დემოკრატიული, წამების, სხვა სახის სასტიკი, არადამიანური მოპყრობის და დასჯის წინააღმდეგ გაეროს კონვენციის ხელმომწერი ქვეყანაა, სადაც დაცულია ადამიანის უფლებები, არ დევნიან  მოქალაქეებს და კონსტიტუციით უზრუნველყოფილია მოქალაქეთა თანასწორობა. შესაბამისად, ეს სახელმწიფოები მიიჩნევენ, რომ საქართველოს მოქალაქეებს თავშესაფრის ძიების საფუძველი არ აქვთ და მათი მცდელობა უპერსპექტივოა. ამიტომ ყველა განაცხადს შემჭიდროვებულ ვადაში ამუშავებენ. მოქალაქეების უმრავლესობისთვის პასუხი ნეგატიურია. მეტიც, მათ ეზღუდებათ ევროპაში მოგზაურობა.

ადამიანის უფლებათა დაცვის საერთაშორისო ორგანიზაციები ქვეყანაში შეფერხების გარეშე მუშაობენ და ამიტომ საქართველო უსაფრთხო ქვეყნის სტატუსისთვის საჭირო ყველა კრიტერიუმს აკმაყოფილებს. ასეთია "იმედის კვირის" რესპოდენტის ევროპარლამენტარი რებეკა ჰარმსის გზავნილი.

"ევროკავშირი თავშესაფრით უზრუნველყოფს ადამიანებს, რათა დაიცვას პოლიტიკური, რელიგიური, გენდერული ნიშნით დევნისგან. ეს არის ის, რაც ბოროტად არავინ უნდა გამოიყენოს. მე შემიძლია პოლიტიკური დევნა წარმოვიდგონო ბევრ ქვეყანაში, მაგრამ არა საქართველოში. ევროკავშირის ასოცირებული ქვეყანა არის ამბიციური რეფორმების პროცესში. საქართველოს მოქალაქეებმა უნდა პატივი სცენ წესებს, ვიზალიბერალიზაცია ბოროტად არ გამოიყენონ, რათა ეს შესაძლებლობა ჰქონდეთ. თუ გინდათ უვიზო მიმოსვლა, წესებიც უნდა დაიცვათ, თუ არ გსურთ, რომ ისევ სირთულეებთან იყოს დაკავშირებული ევროკავშირის ქვეყნებში მოგზაურობა", - ამბობს ევროპარლამენტარი რებეკა ჰარმსი.

უვიზო მიმოსვლაზე  ევროკავშირი- საქართველოს ასოცირების საბჭოს სხდომაზეც ისაუბრეს. ევროკომისარმა იოჰანეს ჰანმა თავისუფალი მიმოსვლის შესახებ ჩვენს მიერ დასმული კითხვის პასუხად თქვა, რომ საქართველოს მოქალაქეებს არ აქვთ შანსი, ევროკავშირის ქვეყნებში რაიმე სახის თავშესაფარი მიიღონ. 

"არის თავშესაფრის მაძიებელთა დაუსაბუთებელი მოთხოვნები. მინდა მოგიწოდოთ თქვენც, მედიის წარმომადგენლებს, რომ გამოიყენოთ თქვენი შესაძლებლობები, ძალა და საზოგადოებას აცნობოთ, რომ საქართველოს მოქალაქეები ვერ მოიპოვებენ ვერცერთი სახის თავშესაფარს ევროპაში, ვინაიდან საქართველოს ჩვენ უსაფრთხო ქვეყნდა მივიჩნევთ. ვიზა-ლიბერალიზაციაც იმიტომ მიიღო საქართველომ, რომ ქვეყანას ამ ჭრილში განვიხილავთ", - განაცხადა იოჰანეს ჰანმა.

ბოლო მონაცემები ევროსტატმა 2019 წლის 12 მარტს გამოაქვეყნა. დეკემბერთან შედარებით იანვარში ევროპაში თავშესაფრის მაძიებელთა მიმართვიანობა 21%-ით გაიზარდა. 2018 წლის იანვართან შედარებით კი 9%-ით და 58 609-ს  მიაღწია. საქართველო პირველ ათეულში მეცხრე ადგილზეა სირიის, ავღანეთის, ერაყის, ირანის, პაკისტანის, თურქეთის, ალბანეთის და ვენესუელას შემდეგ. ტოპ-ათეულში საქართველოს მოსდევს ნიგერია. 

მონაცემებით, რომელიც „იმედის კვირამ“  თავშესაფრის მინიჭების ევროპული ოფისიდან გამოითხოვა, აპლიკაციების რიცხვი გაიზარდა პაკისტანიდან, ირანიდან, ნიგერიიდან, თურქეთიდან, ვენესუელადან, ალბანეთიდან და საქართველოდან, რაც ტენდენციების შესახებ მომზადებულ დოკუმენტშიც აისახა.

2019 წლის იანვარში თავშესაფარი საქართველოს  2412-მა მოქალაქემ მოითხოვა, მოლდოვიდან 658-მა. თავშესაფრის მოთხოვნით შესაბამის სამსახურებში ორივე ქვეყნიდან ბოლო 5 წლის განმავლობაში  ყველაზე მეტი აპლიკაცია  2019 წლის იანვარში  შევიდა. 

ბოლო 12 თვის განმავლობაში თავშესაფარი ევროპულ ქვეყნებში მოითხოვა საქართველოს 17 980 -მა მოქალაქემ.

საქართველოსთვის და უკრაინისთვის უვიზო რეჟიმის მინიჭება ევროპაში მიგრაციის უმწვავესი კრიზისის ფონზე მიმდინარეობდა. თავისუფალი მიმოსვლა ასოცირებულ პარტნიორებთან დროებითი შეჩერების მექანიზმის ამოქმედებასთან ერთად შევიდა ძალაში. 

ევროკავშირის თითოეულ წევრს აქვს უფლება მოითხოვოს დროებითი შეჩერების მექანიზმის ამოქმედება:  თუ საგრძნობლად გაიზრდება იმ ადამიანების რიცხვი, რომლებიც ევროკავშირის სახელწმიფოებში შესვლაზე უარს მიიღებენ ან გაიზრდება ევროკავშირში ამ სახელმწიფოების მოქალაქეების არალეგალურად დამრჩენთა რიცხვი.  თუ თავშესაფრის უსაფუძვლოდ მაძიებელთა მიმართვა საგრძნობლად გაიზრდება ან თუ ქვეყანა არ ითანამშრომლებს ევროკავშირთან რეადმისიაზე. თუ უვიზო რეჟიმით მოსარგებლე ქვეყნიდან ჩასული ადამიანები საფრთხეს შეუქმნიან ევროკავშირის სახელმწიფოს საზოგადოებრივ წესრიგსა და შიდა უსაფრთხოებას. 

ევროკავშირი-საქართველოს საპარლამენტო ასოცირების კომიტეტის თავჯდომარე ამბობს, რომ ვიზა-ლიბერალიზაცია პარტნიორ ქვეყანასთან ურთიერთობის ძალიან მნიშვნელოვანი ნაწილია.

„ჩვენ ახლოსაც კი არ ვართ დროებითი შეჩერების მექანიზმის გამოყენებასთან. ციფრების კონტროლი უნდა შევძლოთ. ვნახეთ საქართველოს ხელისუფლების მხრიდან მყისიერი და ეფექტიანი რეაქცია. მოდით ვუწოდოთ ამას, კრიზისის მენეჯმენტი. საგანგაშო სიგნალები ნამდვილად არ არის. ევროკავშირი- საქართველოს ურთიერთობები ასეთ მაღალ ნიშნულზე არასდროს ყოფილა",- განაცხადა ევროკავშირი-საქართველოს საპარლამენტო ასოცირების კომიტეტის თავჯდომარემ საჯად კარიმიმ.

საქართველოს უახლოეს მომავალში დიმიტრის ავრამოპულოსი ეწვევა. ევროკომისარი ერთ-ერთი პირველი იყო, ვინც საქართველოს სამი წლის წინ სამოქმედო გეგმის  შესრულება და უვიზო რეჟიმის მინიჭება მიულოცა.

ყველა სიახლე

პაველ დუროვი

18 იანვარი 2020, 15:18

ტექნოლოგიები

Telegram-ის დამფუძნებელი ნიუ-იორკის სასამართლოში დაკითხეს

დაკითხვისას დუროვმა განმარტა, რამდენი ფული დახარჯა Telegram-ის განვითარებასა და ბლოკჩეინ პლატფორმა TON-ზე და რატომ გადაწყვიტა პირველადი მონეტარული შეთავაზებების (ICO) ჩატარება. 17 იანვარს SEC-მა დაკითხვის ოქმები ნაწილობრივ გაასაჯაროვა.

ტოჩინოშინი

18 იანვარი 2020, 14:59

სპორტი

ტოკიოში მიმდინარე სუპერტურნირზე ტოჩინოშინმა გამარჯვება მოიპოვა

ტოკიოში მიმდინარე სუპერტურნირის, ჰაცუ ბაშოს მეშვიდე დღეს ლევან გორგაძემ გამარჯვება მოიპოვა. ტოჩინოშინმა ტაკარაფუჯი ჰატატიკომის ილეთით დაამარცხა.

რეჯეფ თაიფ ერდოღანი

18 იანვარი 2020, 14:50

მსოფლიო

ერდოღანი ევროპას ტერორიზმის ახალი საფრთხის შესახებ აფრთხილებს

თურქეთის პრეზიდენტი რეჯეფ თაიფ ერდოღანი ევროპას ტერორიზმის ახალი საფრთხის შესახებ აფრთხილებს. ერდოღანის განმარტებით, ასეთი საფრთხის წინაშე ევროპა იმ შემთხვევაში დადგება, თუ გაეროს მიერ აღიარებული მთავრობა ტრიპოლში დამარცხდება.

აფრიკა შიმშილი

18 იანვარი 2020, 14:29

მსოფლიო

WFP: აფრიკაში 45 მილიონ ადამიანს შიმშილი ემუქრება

2015 წლიდან აფრიკის სამხრეთში არაერთი ბუნებრივი ანომალია დაფიქსირდა. ამ რეგიონისთვის დამახასიათებელი წვიმის სეზონის არარსებობამ აგრარულ სექტორს სერიოზული ზიანი მიაყენა. ზედიზედ ხუთი წლის განმავლობაში ნალექის სიმცირეს თან სდევს არნახული გვალვა და ტემპერატურის მკვეთრი ზრდა.

საქართველო XV

18 იანვარი 2020, 14:20

სპორტი

„საქართველო XV“ არგენტინის „ხაგუარესთან“ დამარცხდა

„დიდი ათის“ მორაგბეებით დაკომპლექტებულმა „საქართველო XV“-მა არგენტინის „ხაგუარესთან“ პირველი შეხვედრა გამართა. ქართველი მორაგბეები სუპერაგბის ვიცეჩემპიონ გუნდთან დიდი ანგარიშით, 3:66 დამარცხდნენ. საქართველოს ნაკრების შემადგენლობაში ერთადერთი საჯარიმო რევაზ ჯინჭველაშვილმა გაიტანა.

მკვლელობა

18 იანვარი 2020, 13:03

ძალოვნები

სურამში ქმარმა ცოლი სავარაუდოდ ნაჯახით მოკლა

დანაშაულის ჩამდენი პირი იდენტიფიცირებულია, მის დასაკავებლად სამძებრო ღონისძიებები მიმდინარეობს. მომხდარზე გამოძიება სსკ-ის 109-ე მუხლის მეორე ნაწილის „ვ“ პუნქტით დაიწყო, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს.

18 იანვარი 2020, 12:56

ვიდეო

კალმისკაცი მთიდან

ზვიად კუპრავა

18 იანვარი 2020, 12:55

ძალოვნები

გენერალურ პროკურატურასთან ზვიად კუპრავა და ლაშა ცუცქირიძე დააკავეს

გენერალურ პროკურატურასთან მიმდინარე საპროტესტო აქციაზე ორი ადამიანი, მათ შორის „სამართალდამცავთა რეფორმირების ცენტრის“ ხელმძღვანელი, ზვიად კუპრავა დააკავეს. კუპრავამ პროკურატურასთან გენერალური პროკურორის თანამდებობაზე ირაკლი შოთაძის შესაძლო დანიშვნა გააპროტესტა და პროკურატურის ეზოში ბოტასები გადაყარა.

წყალბურთი

18 იანვარი 2020, 12:50

სპორტი

წყალბურთელთა ეროვნული გუნდი ევროპის ჩემპიონატის ჯგუფური ეტაპის ბოლო შეხვედრას ჩაატარებს

ქართველი წყალბურთელების მეტოქე 3-გზის მსოფლიოს და 3-გზის ევროპის ჩემპიონი იტალიის ნაკრები იქნება. საქართველოს ნაკრებმა პირველ ტურში ფრანგებს 9:7 მოუგო, რის შემდეგაც საბერძნეთის გუნდთან 10:17 დამარცხდა.

ბათუმი

18 იანვარი 2020, 12:30

საქართველო

გენერალურ პროკურორად ირაკლი შოთაძის შესაძლო დანიშვნა ბათუმში გააპროტესტეს

გენერალურ პროკურორად ირაკლი შოთაძის შესაძლო დანიშვნა ბათუმში აქცია-პერფორმანსით გააპროტესტეს. მოძრაობა „ალტერნატივას“ წევრები იუსტიციის სახლთან, სადაც აჭარის პროკურატურაა განთავსებული, საკენკით მივიდნენ.

კანადა

18 იანვარი 2020, 12:25

მსოფლიო

თვითმფრინავის ჩამოგდებისას დაღუპული კანადელების ოჯახებს მთავრობა $25000-ს გადაუხდის

ირანის მიერ თვითმფრინავის ჩამოგდებისას დაღუპულთა ოჯახის წევრები კანადის მთავრობისგან $25,000-ს მიიღებენ. ქვეყნის პრემიერმინისტრის განცხადებით, მისი მიზანი კანადის დაღუპული მოქალაქეების ოჯახის წევრებისთვის ამ დროისთვის ყველაზე საჭირო და აუცილებელი დახმარებით უზრუნველყოფაა.

რეკორდი სნიკერსი

18 იანვარი 2020, 12:23

ტაბლოიდი

ტეხასში რეკორდული ზომის „სნიკერსი“ დაამზადეს

ტეხასის ქალაქ ვაკოში, კომპანია Mars-ის ქარხანაში 3,5 მეტრის სიგრძის „სნიკერსი“ დაამზადეს. ინფორმაციას ამის შესახებ ტელეკომპანია CNN-ი ავრცელებს. შოკოლადის ფილის წონა 2 ტონას აღემატება, ზომით კი ის ჩვეულებრივ „სნიკერსზე“ 43-ჯერ დიდია.

Uefa

18 იანვარი 2020, 12:13

სპორტი

საქართველოს ფეხბურთის ფედერაციამ უეფას სპეციალური ჯილდო მიიღო

საქართველოს ფეხბურთის ფედერაცია უეფას Fair Play-ს სპეციალური ჯილდოს მფლობელი გახდა. ევროპული ფეხბურთის მმართველმა ორგანომ 55 წევრი ასოციაციიდან სამი საუკეთესო დაასახელა.მათ შორის, ფეარ პლეის ლიდერი, ყველაზე პროგრესირებადი და ყველაზე მოწესრიგებული გულშემატკივრით გამორჩეული ევროპული ქვეყანა.

18 იანვარი 2020, 12:00

სპორტი

აფეთქების გამო კვიპროსის საფეხბურთო ჩემპიონატის ტურის თამაშები გადაიდო

კვიპროსის საფეხბურთო ჩემპიონატს 36 ქულით თემურ ქეცბაიას მომზადებული „ანორთოსისი“ ლიდერობს, სადაც ოთხი ქართველი ფეხბურთელი, გიორგი ლორია, მურთაზ დაუშვილი, თორნიკე ოქრიაშვილი და ნიკოლოზ კაჭარავა თამაშობს.

18 იანვარი 2020, 11:30

სპორტი

გოგა ბითაძის „ინდიანამ“ „მინესოტა“ დაამარცხა

ეროვნულ საკალათბურთო ასოციაციაში „ინდიანამ“ „მინესოტა“ ანგარიშით 116:114 დაამარცხა. „პეისერსის“ ქართველმა ლეგიონერმა გოგა ბითაძემ 10 წუთში, 5 ქულა და 1 მოხსნა დააგროვა. 20 წლის ქართველმა კალათბურთელმა ორიდან ორი ორქულიანი და ორიდან ერთი საჯარიმო გამოიყენა.

Boeing 737 MAX

18 იანვარი 2020, 11:09

ეკონომიკა

Boeing 737 MAX-ში კიდევ ერთი ხარვეზი აღმოაჩინეს

კორპორაცია Boeing-მა 737 MAX-ის ტიპის თვითმფრინავის განახლებულ პროგრამულ უზრუნველყოფაში კიდევ ერთი ხარვეზი აღმოაჩინეს. ინფორმაციას ამის შესახებ კომპანიის პრესსამსახურზე დაყრდნობით სააგენტო Reuters-ი ავრცელებს. მისი ინფორმაციით, ახალი გაუმართაობა აშშ-ში, აიოვას შტატში ჩატარებული ტექნიკური შემოწმების დროს აღმოაჩინეს.

Brexit

18 იანვარი 2020, 11:00

მსოფლიო

დიდი ბრიტანეთის მთავრობა Brexit-მდე დარჩენილი დროის ასათვლელად ემზადება

Brexit-მდე დარჩენილ წამებს ბრიტანელები 31 იანვარს Downing Street-ზე დაითვლიან. შესაბამის ღონისძიებას მთავრობა გეგმავს. Brexit-ის დროის ათვლამდე, საღამოს ბრიტანეთის პრემიერმინისტრი ბორის ჯონსონი მოსახლეობას მიმართავს.

დაკავება

18 იანვარი 2020, 10:47

ძალოვნები

დააკავეს მრავალჯერ ნასამართლევი კაცი, რომელიც თავს პოლიციელად ასაღებდა

შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1988 წელს დაბადებული, წარსულში მრავალჯერ ნასამართლევი და ამჟამად პირობითი მსჯავრის ქვეშ მყოფი მ.ბ. მუქარის ბრალდებით, თბილისში დააკავეს.

ავსტრალია წყალდიდობა

18 იანვარი 2020, 10:44

მსოფლიო

ავსტრალიაში ხანძრისგან დაზარალებულ შტატებში წყალდიდობაა

ავსტრალიის აღმოსავლეთ სანაპიროზე ძლიერმა წვიმამ წყალდიდობა გამოიწვია. ინფორმაციას ამის შესახებ BBC ავრცელებს. წყალდიდობისგან დაზარალდა ვიქტორიის, ახალი სამხრეთ უელსის და ქუინსლენდის შტატები, სადაც რამდენიმე თვის განმავლობაში ტყის ხანძრები მძვინვარებს.

შსს

18 იანვარი 2020, 10:14

ძალოვნები

გამოძალვის ბრალდებით უცხო ქვეყნის სამი მოქალაქე დააკავეს

ბრალდებულებმა ქალაქ ბათუმში, დიდი ოდენობით თანხის გამოძალვის მიზნით, თავისუფლება უკანონოდ აღუკვეთეს თურქეთის რესპუბლიკის მოქალაქეს - 1987 წელს დაბადებულ ბ.ე-ს, რის შემდეგაც იგი ავტომანქანით თბილისის მიმართულებით წაიყვანეს. გამომძალველები დაუკავშირდნენ დაზარალებულის ძმას და მას 130 000 აშშ დოლარი მოსთხოვეს.